ព័ត៌មាន
ក្រុមហ៊ុនមកចិនចំនួនជាង៤០ មកស្វែងយល់សក្តានុពលវិនិយោគនៅកម្ពុជា
ភ្នំពេញ : អ្នកឧកញ៉ា លី ឃុនថៃ ទីប្រឹក្សាផ្ទាល់សម្តេចនាយករដ្ឋមន្រ្តី ហ៊ុន ម៉ាណែត និងជាប្រធានសមាគមសហព័ន្ធអ្នកវិនិយោគកម្ពុជា មានប្រសាសន៍ថា ក្រុមហ៊ុនឯកជនមកពីប្រទេសចិន ក្នុងវិស័យផ្សេងៗគ្នាចំនួនប្រមាណ ៤០ក្រុមហ៊ុន បានមកស្វែងយល់ពីកាលានុវត្តភាព និងបរិយាកាសវិនិយោគជាក់ស្តែងនៅប្រទេសកម្ពុជា។
នៅក្រោយវេទិកាកំពូលផ្លាស់ប្តូរវប្បធម៌ និងកិច្ចសហប្រតិបត្តិការធុរកិច្ចកម្ពុជា-ចិន លើកទី១ ឆ្នាំ២០២៤ នៅរសៀលថ្ងៃទី១៨ ខែតុលាកន្លងទៅ អ្នកឧកញ៉ា លី ឃុនថៃ បានមានប្រសាសន៍ប្រាប់ព័ត៌មាន ប៊ីធីវី ឲ្យដឹងថា ក្រុមហ៊ុនទាំងនេះ នឹងបំពេញទស្សនកិច្ចចំនួន ៥ថ្ងៃ ដើម្បីសិក្សាស្វែងយល់បន្ថែមពីឱកាសការងារបណ្តាក់ទុនរកស៊ីនៅកម្ពុជាលើវិស័យផ្សេងៗគ្នា។ អ្នកឧកញ៉ា បានឲ្យដឹងថា ការមកដល់របស់ក្រុមហ៊ុនទាំងនេះ ធ្វើឡើងបន្ទាប់ពីសហព័ន្ធរបស់លោក បានចុះផ្សព្វផ្សាយពីសក្តានុពលរបស់កម្ពុជាទៅកាន់បណ្តាអ្នកវិនិយោគនៅខេត្តជាច្រើនក្នុងប្រទេសចិនដោយផ្ទាល់ ជាពិសេសតាមរយៈព្រឹត្តការណ៍ពិព័រណ៍ចិន-អាស៊ាន លើកទី២១ ដែលទើបបញ្ចប់នាពេលថ្មីៗមកនេះនៅទីក្រុងណាននីង ប្រទេសចិន។
អ្នកឧកញ៉ា លី ឃុនថៃ បានលើកឡើងថា ដោយសារមើលឃើញពីកត្តាសុខសន្តិភាព ក្រោមការដឹកនាំរបស់រាជរដ្ឋាភិបាល ពិសេសក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា អ្នកវិនិយោគទាំងអស់ដែលមកពីបណ្តាក្រុមហ៊ុន នៃប្រទេសចិន បានផ្តោតការចាប់អារម្មណ៍ខ្លាំង ដោយក្នុងនោះបានយករាជធានីភ្នំពេញ ជាគោលដៅ។ អ្នកឧកញ៉ា សង្ឃឹមថា បន្ទាប់ពីវេទិកាធុរកិច្ចនាពេលនេះ ក្រុមប្រតិភូនឹងធ្វើការសម្រេចចិត្តបណ្តាក់ទុនវិនិយោគនៅកម្ពុជា ដែលអាចនឹងផ្តល់ឱកាសការងារកាន់តែច្រើនឡើងថែមទៀតជូនដល់ប្រជាពលរដ្ឋក្នុងស្រុក។
ក្នុងពិធីបើកវេទិកានេះ ឯកឧត្តម ឈាន លាង រដ្ឋលេខាធិការក្រសួងព័ត៌មាន បានមានប្រសាសន៍ថា ទំនាក់ទំនងមិត្តភាពរវាងកម្ពុជា និងចិន មានប្រវត្តិយូរអង្វែងមកហើយ ការផ្លាស់ប្តូរកិច្ចសហប្រតិបត្តិការ រវាងប្រទេសទាំងពីរលើវិស័យវប្បធម៏ សេដ្ធកិច្ច និងសង្គម បានបន្តនិងកាន់តែសីជម្រៅ។ ឯកឧត្តម សង្ឃឹមថា កិច្ចសហប្រតិបត្តិការលើវប្បធម៌ និងពាណិជ្ជកម្ម នឹងត្រូវបានរួមបញ្ចូលជាមួយការអភិវឌ្ឍន៏សង្គម និងរួមគ្នាលើកកម្ពស់គម្រោងការពារបរិស្ថាន និងសុខុមាលភាពសង្គម ដូច្នេះកិច្ចសហប្រតិបត្តិការក្នុងពេលនេះ ក៏មិនត្រឹមតែផ្តល់ផលប្រយោជន៍ដល់សេដ្ឋកិច្ចប៉ុណ្ណោះទេ ប៉ុន្តែថែមទាំងផ្តល់ផលប្រយោជន៍ដល់មហាជនទូទៅផងដែរ៕
អត្ថបទ ឈិត បូរ៉ាវី
-
ព័ត៌មាន1 week ago
ថ្ងៃចុងក្រោយ! ការប្រឡងបាក់ឌុបសិស្សត្រូវប្រឡងមុខវិជ្ជាគោលដៅសំខាន់ គឺអក្សរសាស្ត្រខ្មែរ និងគណិត
-
ព័ត៌មាន1 week ago
[UPDATE] ចំនួនអ្នកស្លាប់ដោយសារព្យុះសង្ឃរា មីលតុន នៅសហរដ្ឋអាមេរិកបានកើនឡើងដល់១៦នាក់ ខណៈរាប់លាននាក់គ្មានអគ្គិសនីប្រើប្រាស់
-
ព័ត៌មាន1 week ago
សម្ដេចតេជោ៖ រាជរដ្ឋាភិបាលថ្មីសម្រេចបានលទ្ធផលដ៏ល្អជាងការរំពឹងទុក និងកំពុងបន្តឆ្ពោះទៅមុខដោយភាពជឿជាក់
-
ព័ត៌មាន6 days ago
មនុស្សរាប់សិបនាក់ជាប់នៅភាគខាងត្បូងឥណ្ឌា ខណៈឧបទ្ទវហេតុរថភ្លើងធ្វើឲ្យទូរដឹកអ្នកដំណើរ ១២ទូរ ធ្លាក់ចេញពីផ្លូវ
-
ព័ត៌មាន4 days ago
សម្តេចធិបតី ណែនាំដល់ប្រមុខការពារជាតិកម្ពុជា ត្រូវតាមដានជាប្រចាំចំពោះកងទ័ពមួកខៀវ កំពុងប្រតិបត្តិការនៅក្រៅប្រទេស
-
ព័ត៌មាន6 days ago
ឯកឧត្តមបណ្ឌិតសភាចារ្យ ហង់ជួន ណារ៉ុន អញ្ជើញចុះពិនិត្យផ្ទៀងផ្ទាត់ ចុះអក្សរសម្ងាត់ និងកាត់ក្បាលសន្លឹកកិច្ចការបេក្ខជនប្រឡងសញ្ញាបត្រមធ្យមសិក្សាទុតិយភូមិ មណ្ឌលកំណែវិទ្យាល័យទួលទំពូង
-
ព័ត៌មាន1 week ago
កម្ពុជា-លុចសំបួ បង្ហាញនូវសុទិដ្ឋិនិយមនៃទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ
-
ព័ត៌មាន7 days ago
ខេត្តឧត្តរមានជ័យ រៀបចំការប្រណាំងទូក២ថ្ងៃ មានការដាក់តាំងពិព័រណ៍ ប្រគំតន្ត្រីខ្នាតយក្ស ប្រដាល់គុណខ្មែរ បង្កការសប្បាយរីករាយជូនពលរដ្ឋ