សម្តេចធិបតី៖ សន្តិភាពគឺជាកត្តា គន្លឹះនៃការអភិវឌ្ឍ និងជាសេចក្តីសុខរបស់មនុស្សជាតិ

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា នៅតែបន្ដក្រើនរំលឹកអំពីតម្លៃនៃសុខសន្តិភាព ខណៈសន្តិភាពនេះហើយ ​គឺជាគន្លឹះនៃការអភិវឌ្ឍ និងជាសេចក្តីសុខរបស់មនុស្ស​មនុស្សជាតិ​គ្រប់រូប ហើយសម្តេចធិបតី នៅតែបន្តអំពាវនាវឲ្យរួមគ្នាថែរក្សានូវសុខសន្តិភាពនេះ ឲ្យខាងតែបាន។

ក្នុងឱកាសអញ្ជើញ​ចូលរួម​ពិធីសំណេះសំណាល និងបំពាក់កន្សែងយុវជនកាកបាទក្រហមកម្ពុជា មកពីគ្រឹះស្ថានឧត្តមសិក្សា២៥ក្នុងរាជធានីភ្នំពេញ នាព្រឹកថ្ងៃទី១៩ ខែតុលា ឆ្នាំ២០២៤នេះ សម្តេចធិបតី ហ៊ុន ម៉ាណែត បានលើកឡើងថា សង្រ្គាមអាចឆេះបាន​យ៉ាងលឿន និងងាយស្រួល​បំផុត ប៉ុន្តែការបញ្ចប់សង្រ្គាម និងការកសាងសន្តិភាពគឺវាត្រូវការពេលវេលាយូរណាស់ ដូច្នេះបងប្អូន​ទាំងអស់​ជាពិសេស យុវជន យុវនារី មិនថានៅកម្ពុជា ក៏ដូចជាពិភពលោកនោះទេ គប្បីត្រូវយល់ដឹង​អំពីតម្លៃពិតនៃសន្តិភាព និង ត្រូវស្គាល់អំពីគ្រោះថ្នាក់នៃសង្រ្គាម ស្គាល់ពីការឈឺ​ចាប់​នៃការបាត់បង់​មនុស្សជាទីស្រាញ់ របស់ខ្លួន និង បណ្តុះឆន្ទៈចូលរួម​ចំណែក​នៅក្នុងការ​ការពារសន្តិភាព ដែលមានស្រាប់ បញ្ចប់សង្រ្គាម​ដែលកំពុងឆាប់ឆេះ ​ដើម្បីមនុស្សជាតិ។

ជាមួយគ្នានោះដែរសម្តេចធិបតី នាយករដ្ឋមន្រ្តី ក៏បានលើកឡើងផងដែរថា​ ពាក្យ«សន្តិភាព»នេះ ត្រូវតែទន្ទិញ ​ឬនិយាយហើយនិយាយទៀតមិនថា កាលៈទេសៈណានោះទេ ដោយសម្តេច បានអះអាងទៀតថា មាន​តែ​សន្តិភាពទេ ដែលបានជួយជំរុញនូវសុបិន្តអាក្រក់​ដែល​កុំឲ្យវាមកក្បែរយើង ទោះបីយើងដេកលក់ក៏ដោយនោះ។

សម្តេច​ បានបន្ថែមទៀតថា ​ដរាបណាប្រទេសមានសង្រ្គាម​គឺ​យុវជនទាំងអស់នឹងគ្មាន ឱកាស​ធ្វើអ្វីផ្សេងទៀតក្រៅពីកាន់កាំភ្លើងនោះទេ ហើយមួយវិញទៀត សង្រ្គាមនេះមិនស្គាល់មនុស្ស និងមិន ស្គាល់អ្វីៗទាំងអស់ កុំថាឡើយអ្នកស្ម័គ្រចិត្ត យុវជនកាកបាទក្រហមនោះ៕

អត្ថបទបាន ចក់