សម្តេចធិបតី ហ៊ុន ម៉ាណែត ផ្តាំផ្ញើយុវជនឱ្យចូលរួមផ្សព្វផ្សាយលើកតម្លៃវប្បធម៌ដោយទស្សនវិជ្ជមាន

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានក្រើនរម្លឹកដល់យុវជនកម្ពុជា ត្រូវរួមគ្នាលើកតម្កើងតម្លៃវប្បធម៌ជាតិ ពោលគឺយុវជនត្រូវមានទស្សនវិជ្ជមាន ដោយការចូលរួមអប់រំ ផ្សព្វផ្សាយគាំទ្រដល់តម្លៃវប្បធម៌ជាតិ ចៀសវាងការអង្គុយចាំតែរិះគន់គ្នា ។

ក្នុងពិធីសំណេះសំណាល និងបំពាក់កន្សែងយុវជនកាកបាទក្រហមកម្ពុជាមកពីគ្រឹះស្ថានឧត្តម សិក្សា២៥ ក្នុងរាជធានីភ្នំពេញជិត៥ពាន់ ដែលមានវត្តមានចូលរួមពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងលោកជំទាវបណ្ឌិត ពេជ ចន្ទមុន្នី អនុប្រធានអចិន្ត្រៃយ៍កាកបាទ ក្រហមកម្ពុជា នាព្រឹកថ្ងៃទី១៩ ខែតុលា នេះ សម្តេចធិបតី ហ៊ុន ម៉ាណែត បានមានប្រសាសន៍ថា យុវជន មុននឹងធ្វើសកម្មភាពអ្វីត្រូវគិត ដោយប្រើ ​បញ្ញាញាណ ធ្វើ​សកម្មភាពដោយប្រើឆន្ទៈ និងការប្តេជ្ញាចិត្តដោយ ចេញពីបេះដូង។ មុននឹងធ្វើអ្វី ត្រូវសិក្សាស្រាវជ្រាវឱ្យច្បាស់លាស់ ព្រោះជានិស្សិត បញ្ញវន្ត ។ ដូច្នេះ សម័យ ឌីជីថលនេះ ្រូវតែពិចារណា និងគិតគូរឱ្យច្បាស់ ហើយស្មារតីជាតិនិយមត្រូវតែមាន ប៉ុន្តែកុំឱ្យជាតិនិយម ជ្រុលដែលនាំឱ្យបែកបាក់ ។

សម្តេចធិបតី ហ៊ុន ម៉ាណែត បានផ្តាំផ្ញើឱ្យយុវជនធ្វើសកម្មភាពប្រកបដោយគំនិតវិជ្ជមានឱ្យបាន ច្រើន ចៀសវាងអង្គុយចាំតែរិះគន់ ។ កន្លងទៅ ជាពិសេសតាមបណ្តាញសង្គម គេតែងតែឃើញ​យុវជនមួយ ចំនួនចាំតែបង្ហាញនូវការរិះគន់ ដោយខ្វះការគិតគូរពិចារណាស្រាវជ្រាវ​ឱ្យបាន​ច្បាស់លាស់ ។ យុវជន កុំអង្គុយតែយំដែល​ឃើញយុវជនគេ​អភិវឌ្ឍន៍ ហើយស្តីបន្ទោស​ប្រព័ន្ធ​អប់រំខ្លួន ត្រូវរួមកសាងប្រព័ន្ធអប់រំ របស់ខ្លួន និងកសាងធនធានមនុស្សទៅថ្ងៃក្រោយ ពោលគឺត្រូវពង្រឹងថែរក្សាសាមគ្គីជាតិ ឯកភាពជាតិ កុំ ឱ្យបាត់បង់ទឹកដី កុំឱ្យបាត់បង់វប្បធម៌ ដោយត្រូវរួមគ្នាផ្សព្វផ្សាយគាំទ្រ ៕អត្ថបទ៖ មុត សុទ្ធ