ព័ត៌មាន
រដ្ឋមន្ត្រីទេសចរណ៍កម្ពុជា និងរដ្ឋបាលខេត្តហឺណាន ប្តេជ្ញាជំរុញលំហូរទេសចរពីចិនមកកម្ពុជាឲ្យបាន១លាននាក់
នៅក្នុងដំណើរចូលរួមព្រឹតិ្តការណ៍បុណ្យក្បាច់គុនសៅលីញវូស៊ូអន្តរជាតិ លើកទី១៣ នៅខេត្តហឺណានប្រទេសចិន រដ្ឋមន្ត្រីក្រសួងទេសចរណ៍កម្ពុជា ឯកឧត្តម ហួត ហាក់ បានទទួលជួបពិភាក្សាការងារជាមួយថ្នាក់ដឹកនាំរដ្ឋបាលខេត្តហឺណាន ហើយភាគីទាំងពីរ បានប្តេជ្ញាជំរុញចលនាលំហូរទេសចរអន្តរជាតិពីប្រទេសចិន មកទស្សនាកម្ពុជា បាន១លាននាក់ ឬលើសជាងនេះ ក្នុងមួយឆ្នាំៗ។
ថ្លែងប្រាប់បណ្តាអ្នកសារព័ត៌មាន ថ្ងៃទី២០ ខែតុលានេះ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ លើកឡើងថា នៅក្នុងដំណើរបំពេញទស្សនៈកិច្ចផ្លូវការទៅកាន់ខេត្តហឺណាន ប្រទេសចិន ឯកឧត្តម ទទួលជួបពិភាក្សាជាមួយលោកជំទាវ Zhang Min សមាជិកអចិន្ត្រៃយ៍នៃគណៈកម្មាធិការគណបក្សកុម្មុយនីស្តចិនប្រចាំខេត្តហឺណាន និងសហការីរដ្ឋបាលខេត្តហឺណានហើយ ក្នុងនៅជំនួបនេះភាគីយើងទាំងពីរ បានឯកភាព ពង្រឹងពង្រីកកិច្ចសហប្រតិបត្តិការលើវិស័យទេសចរណ៍ កម្ពុជា ចិនគ្រប់ជ្រុងជ្រោយ ពិសេសគឺការជំរុញលំហូរភ្ញៀវទេសចរចិន និងទេសចរអន្តរជាតិប្រទេសនានាទៀតដែលទស្សនាខេត្តហឺណាន អញ្ជើញបន្តមកកម្ពុជាឱ្យបាន១លាននាក់ ក្នុង១ឆ្នាំៗ និងការជំរុញបង្កើនជើងហោះហើររវាងកម្ពុជា និងក្រុងចឹងចូវ និងក្រុងនានាទៀតឱ្យបានច្រើនជាងមុន។
ឯកឧត្តមរដ្ឋមន្រ្តី ហួត ហាក់ បន្តថា បន្ថែមលើនេះ កម្ពុជា នឹងជំរុញបង្កើតស្ថានកុងស៊ុលប្រចាំក្រុងចឹងចូវ ខណៈ បច្ចុប្បន្ន ការហោះហើរត្រង់កម្ពុជា ខេត្តហឺណាន គឺធ្វើបាន៣ជើងក្នុងសប្តាហ៍ ហើយនៅពេលបន្ទាប់ ភាគីក្រសួងទេសចរណ៍កម្ពុជា និងរដ្ឋបាលខេត្តហឺណាន នឹងជំរុញបង្កើនចលនាលំហូរទេសចរពីប្រទេសចិន ការបង្កើនចំនួនជើងហោះហើរត្រង់ និងការបង្កលក្ខណៈងាយស្រួលដល់ភ្ញៀវទេសចរ, ការពិភាក្សាអំពីការរៀបចំពិធីបិទ «ឆ្នាំនៃការផ្លាស់ប្តូរប្រជាជន និងប្រជាជនកម្ពុជា -ចិន ២០២៤» នៅទីក្រុងចឹងចូវ ខេត្តហឺណាន និងទិសដៅយុទ្ធសាស្ត្រការងារបន្តសម្រាប់ឆ្នាំ២០២៥។
នៅក្នុងដំណើរទស្សនកិច្ចនេះដែរ ឯកឧត្តម ហួត ហាក់ ក៏បានទទួលជួបពិភាក្សាជាមួយធុរកិច្ច អ្នកវិនិយោគទុនចិនចំនួន២២ក្រុមហ៊ុន ហើយជាការពេញចិត្ត នៃធរុជនចិននានានោះ គឺគេបានឯកភាពថា នឹងមកបោះទុន ពង្រីកការវិនិយោគទុននៅកម្ពុជា ជាពិសេសក្នុងវិស័យទេសចរណ៍ និងវិស័យនានាទៀត៕ អត្ថបទ ស៊ុម សុខជា
-
Uncategorized1 week ago
ព្រះករុណាជាអម្ចាស់ជីវិតលើត្បូង ស្តេចយាងជាព្រះរាជាធិបតី ព្រះរាជពិធីបុណ្យអុំទូក
-
ព័ត៌មាន3 days ago
ទាក់ទងនឹងបញ្ហាកោះគុត សម្តេចតេជោ ហ៊ុន សែន ផ្តាំទៅក្រុមជ្រុលនិយមថា ដំបៅមិនឈឺកុំយកឈឺចាក់
-
Uncategorized1 week ago
ពលរដ្ឋចូលរួមក្នុងព្រះរាជពិធីបុណ្យអុំទូក ពេញចិត្ត និងសប្បាយរីករាយ ក្រោយឃេីញមានការរៀបចំល្អ និងមានអ្នកចូលរួមកម្សាន្តច្រេីន
-
ព័ត៌មាន3 days ago
សម្តេចតេជោ អំពាវនាវឱ្យពលរដ្ឋរក្សាភាពស្ងៀមស្ងាត់លើបញ្ហាកោះគុត ទុកឱ្យរដ្ឋាភិបាលដោះស្រាយ
-
ព័ត៌មាន5 days ago
ឯកអគ្គរដ្ឋទូតទីម័រឡេស្តេចាត់ទុកសម្ដេចតេជោគឺមិនមែនតែជាមេដឹកនាំសម្រាប់កម្ពុជានោះទេ ក៏ប៉ុន្តែជាមេដឹកនាំសម្រាប់តំបន់ និងពិភពលោកផងដែរ
-
ព័ត៌មាន4 days ago
ក្រុមហ៊ុន DP World របស់អេមីរាត់អារ៉ាប់រួម បង្ហាញចំណាប់អារម្មណ៍វិនិយោគនៅក្នុងប្រទេសកម្ពុជា
-
ព័ត៌មាន6 days ago
រាជរដ្ឋាភិបាលពន្យារបន្ត នៃកិច្ចព្រមព្រៀងប្រេងកាតតំបន់ III ជូនដល់ក្រុមហ៊ុន Total Energies
-
ព័ត៌មាន5 days ago
ក្រុមមហ៊ុន Khazanah នៃប្រទេសព្រុយណេដារូស្សាឡាមបង្ហាញចំណាប់អារម្មណ៍ក្នុងការវិនិយោគនៅកម្ពុជា