ការស្ទង់មតិ៖លោកស្រី Harris និងលោកTrump តាមប្រកៀកប្រកិតគ្នា ខណៈការបោះឆ្នោតមុនកំណត់ធ្វើឡើងពេញទំហឹង

ទិន្នន័យការស្ទង់មតិថ្មីបំផុតទើបចេញផ្សាយបានបង្ហាញថា ការបោះឆ្នោតមុនកាលកំណត់កំពុងចាប់ផ្តើមនៅរដ្ឋ Florida និងរដ្ឋ Wisconsin របស់សហរដ្ឋអាមេរិក ខណៈបេក្ខជនប្រធានាធិបតីមកពីគណបក្សសាធារណរដ្ឋគឺលោក Donald Trump និងសមភាគីមកពីបក្សប្រជាធិបតេយ្យរបស់លោកគឺលោកស្រី Kamala Harris នៅតែតាមប្រកៀកប្រកិតគ្នាជាពិសេសនៅក្នុងរដ្ឋប្រទាញប្រទង់គ្នាមួយចំនួន ដែលអាចកាត់សេចក្ដីការបោះឆ្នោតប្រធានាធិបតី ។

នៅមុនការបោះឆ្នោតប្រធានាធិបតីដែលពោពេញដោយការប្រកួតប្រជែងយ៉ាងស្វិតស្វាញនៅថ្ងៃទី ៥ ខែវិច្ឆិកា ខាងមុខ គេបានមើលឃើញសន្ទុះនៃការគាំទ្ររបស់លោក Trump និងលោកស្រី Harris កំពុងតែកៀកកិតគ្នានៅទូទាំងរដ្ឋមានភាពប្រទាញប្រទង់គ្នាចំនួនរបស់សហរដ្ឋអាមេរិក ដែលអាចផ្លាស់ប្តូរការពេញចិត្តបេក្ខជនណាមួយ នេះបើយោងតាមការស្ទង់មតិចុងក្រោយរបស់អ្នកបោះឆ្នោតដែលបានចេញផ្សាយកាលពីថ្ងៃចន្ទដោយសារព័ត៌មាន Washington Post ។

ការស្ទង់មតិបានរកឃើញថា ប្រហែល ៤៧%នៃអ្នកបោះឆ្នោតដែលបានចុះឈ្មោះបាននិយាយថា ពួកគេប្រាកដជានឹងបោះឆ្នោតឱ្យលោកស្រី Harris ៤៧%និយាយនឹងបោះឲ្យលោក Trump ។

ចំពោះអ្នកទំនងអ្នកបោះឆ្នោត ៤៩%បាននិយាយថាពួកគេនឹងគាំទ្រលោកស្រី Harris ខណៈដែល៤៨% គាំទ្រលោកTrump ។

រដ្ឋសរុបចំនួន៤៧ រួមទាំងសង្កាត់ កូឡុំប៊ី (Columbia)កំពុងរៀបចំដំណើរការបោះឆ្នោតមុនកាលកំណត់។ ការបោះឆ្នោតសម្រាប់អ្នកមិនអាចទៅបោះឆ្នោតដោយផ្ទាល់ បានបើកនៅក្នុងរដ្ឋ Florida កាលពីថ្ងៃចន្ទ ហើយរដ្ឋ Wisconsin នៅថ្ងៃអង្គារនេះ។ ការបោះឆ្នោតមុនកំណត់ជាធម្មតាបើករហូតដល់ពីរសប្តាហ៍មុនថ្ងៃបោះឆ្នោត និងបន្តរហូតដល់ថ្ងៃទី ៣ ខែវិច្ឆិកា ពោលគឺ២ថ្ងៃមុនការបោះឆ្នោត៕