លោកពូទីន៖ អ៊ុយក្រែនកំពុងត្រូវបានប្រើប្រាស់ ដើម្បីបង្កើតការគំរាមកំហែង​ជាយុទ្ធសាស្ត្រដល់រុស្ស៊ី

ប្រធានាធិបតីរុស្ស៊ី លោក វ្ល៉ាឌីមៀ ពូទីន ក្នុងអំឡុងពេលថ្ងៃចុងក្រោយនៃកិច្ចប្រជុំកំពូល BRICS នៅទីក្រុង Kazan របស់ប្រទេសរុស្ស៊ី បានអធិប្បាយអំពីជម្លោះនៅអ៊ុយក្រែន។

លោកបានចាត់ទុកថា វាជាលទ្ធផលនៃចំណាត់ការរបស់កងកម្លាំង ដែលត្រូវបាន​ប្រើប្រាស់​ដើម្បី​ធ្វើសកម្មភាពក្នុងភាពសមហេតុផលនៃការគ្រប់គ្រងលើអ្វីគ្រប់យ៉ាងនិងមនុស្សគ្រប់គ្នា។

ប្រធានាធិបតីរុស្ស៊ី បាននិយាយថា ការបរាជ័យជាយុទ្ធសាស្ត្ររបស់រុស្ស៊ីគឺជា «ក្តីស្រមៃអាចមាន សម្រាប់​តែអ្នកដែលមិនដឹងពីប្រវត្តិសាស្ត្ររបស់រុស្ស៊ី តែប៉ុណ្ណោះ»។ លោកពូទីន និយាយថា អ៊ុយក្រែន​កំពុងត្រូវបានប្រើប្រាស់ដើម្បីបង្កើតការគំរាមកំហែងជាយុទ្ធសាស្ត្រដល់រុស្ស៊ី។

មេដឹកនាំ មន្ត្រីជាន់ខ្ពស់ និងតំណាងប្រទេស ដែលបានចូលរួមនៅក្នុងកិច្ចប្រជុំកំពូល BRICS បាន​មកជួបជុំគ្នាក្នុងព្រឹត្តិការណ៍នៅទីក្រុង Kazan របស់រុស្ស៊ី និងបាន​បញ្ចប់ទៅ​កាលពី​ថ្ងៃ​ព្រហស្បតិ៍។

វេទិកាការទូត ត្រូវបានបង្កើតឡើងរយៈពេល១៥ឆ្នាំកន្លងទៅនេះ ដោយទីផ្សារធំៗ​ដែល​ទើប​រីកលូតលាស់ មានប្រទេសប្រេស៊ីល រុស្ស៊ី ឥណ្ា ចិន ចាប់តាំងពីពេលនោះមក បាន​ពង្រីក​ខ្លួនដល់អាហ្វ្រិកខាងត្បូង អេហ្ស៊ីប អេត្យូពី អ៊ីរ៉ង់ និងប្រទេសអារ៉ាប់រួម៕