ព័ត៌មាន
ពលរដ្ឋកាន់តែមានទំនុកចិត្តលើរាជរដ្ឋាភិបាលក្នុងការការពារទឹកដី បន្ទាប់ពីឃើញបង្គោលព្រំដែន
មណ្ឌលគិរី៖ ប្រជាពលរដ្ឋ ដែលបានចុះទៅទស្សនាដោយផ្ទាល់ តាមរយៈក្បួនរថយន្តដែលរៀបចំដោយរាជរដ្ឋាភិបាលនៅបង្គោលព្រំដែន ដែលបានបោះរវាងព្រំដែនកម្ពុជា និងវៀតណាម បានបង្ហាញពីជំនឿទុកចិត្តយ៉ាងខ្ពស់ ចំពោះរាជរដ្ឋាភិបាលកម្ពុជា ក្នុងការការពារទឹកដីឲ្យគង់វង្ស ។
ប្រជាពលរដ្ឋបានលើកឡើងថា បន្ទាប់ពីបានឃើញបង្គោលព្រំដែន ដែលបានបោះយ៉ាងរឹងមាំ ធ្វើឲ្យពួកគេមានចិត្តសប្បាយរីករាយ ចំពោះការខិតខំប្រឹងប្រែងរបស់រាជរដ្ឋាភិបាលក្នុងការការពារបូរណភាពទឹកដី មិនឲ្យមានការបាត់បង់ ខណៈពួកគាត់ក៏បានតាំងចិត្តប្ដេជ្ញាការពារផងដែរ។
ពលរដ្ឋបន្តថា នៅពេលចុះមកមើលផ្ទាល់បែបនេះ បានធ្វើឲ្យបំបាត់នូវការសង្ស័យកន្លងមក ហើយសូមអរគុណយ៉ាងខ្លាំងដល់រាជរដ្ឋាភិបាល ដែលខិតខំបោះបង្គោលព្រំដែន ក៏ដូចជាប្រឹងប្រែងអភិវឌ្ឍន៍ហេដ្ឋារចនាសម្ព័ន្ធនានា នៅតាមខេត្តជាប់បន្ទាត់ព្រំដែន ដើម្បីជំរុញការតភ្ជាប់ និងកំណើនសេដ្ឋកិច្ចរបស់ពលរដ្ឋក្នុងតំបន់នោះ ។
លោក ស្រ៊ឺ បូរ៉ា អ្នកជំនាញកិច្ចការព្រំដែន បានលើកឡើងថា ចំពោះការងារបោះបង្គោលព្រំដែនជាមួយប្រទេសវៀតណាម បានជាង៨៤ភាគរយហើយ ដោយបោះបង្គោលបានចំនួនជាង ២ពាន់បង្គោល ក្នុងនោះមានបង្គោលមេ បង្គោលបំពេញបន្ថែម និងបង្គោលតម្រុយ ។
លោកបានបន្តថា ជាមួយនេះ រាជរដ្ឋាភិបាលតាមរយៈក្រុមការងារកិច្ចការព្រំដែន ក៏កំពុងខិតខំបោះបន្ត និងធ្វើការចរចារជាមួយភាគីវៀតណាម ក្នុងការកំណត់ព្រំដែនឲ្យបានច្បាស់លាស់ នៅតាមតំបន់មួយចំនួនទៀត ដើម្បីឈានដល់បោះបង្គោលព្រំដែនឲ្យបានចប់រួចរាល់ ។
ឯកឧត្តម ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល មានប្រសាសន៍ថា បច្ចុប្បន្នរាជរដ្ឋាភិបាលកម្ពុជា គ្មានគោលបំណងក្នុងការកសាងខឿននៅតាមបន្ទាប់ព្រំដែននោះទេ គឺមានតែខិតខំបោះបង្គោលព្រំដែន និងធ្វើឲ្យព្រំដែនជាប់នឹងប្រទេសជិតខាងទាំងអស់ ក្លាយជាព្រំដែនកិច្ចសហប្រតិបត្តិការ សន្តិភាព កិច្ចសហប្រតិបត្តិការ និងការដោះដូរពាណិជ្ជកម្ម ជំរុញកំណើនសេដ្ឋកិច្ច ។
ជាមួយនេះ ឯកឧត្តម បានអំពាវនាវដល់ប្រជាពលរដ្ឋ សូមជឿជាក់លើរាជរដ្ឋាភិបាល ក្នុងការងារការពារបូរណភាពទឹកដី និងបានប្ដេជ្ញាមិនឲ្យកម្ពុជាមានការបាត់ទឹកដីសូម្បីមួយមិល្លីម៉ែត្រ៕ អត្ថបទ បាន សុខរិទ្ធិ

-
ព័ត៌មាន1 week ago
សម្ដេចធិបតី ផ្ដាំទៅអ្នកនយោបាយទាំងខ្មែរ និងថៃ កុំយករឿងនយោបាយលូកលាន់លើកិច្ចការងារបច្ចេកទេស
-
ព័ត៌មាន1 week ago
ឧត្តមសេនីយ៍ឯក ជួន ណារិន្ទ បញ្ជាឱ្យការិយាល័យបុគ្គលិកសួរនាំមន្រ្តីនគរបាលចរាចរណ៍គោលដៅខណ្ឌសែនសុខ និងអញ្ជើញលោកបណ្ឌិតសុខ ទូច ដើម្បីចូលដោះស្រាយ
-
ព័ត៌មាន1 week ago
ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ក្នុងឱកាសអញ្ជើញប្រគល់សញ្ញាបត្រជូននិស្សិតសាកលវិទ្យាល័យ អាស៊ី អឺរ៉ុប
-
ព័ត៌មាន1 week ago
សម្ដេចធិបតី៖ កម្ពុជារក្សាជំហរដោះស្រាយបញ្ហាព្រំដែនតាមសន្ដិវិធីប៉ុន្ដែនឹងប្រើកម្លាំងបើមានការឈ្លានពាន
-
ព័ត៌មាន1 week ago
សម្ដេចធិបតី លើកទឹកចិត្តនិស្សិតជ័យលាភីបន្តខិតខំស្វែងរកការងារធ្វើទាំងវិស័យសាធារណៈ និងជកជន
-
កីឡា1 week ago
ពានសម្ដេចតេជោ-ថ្នាក់ជាតិ នឹងប្រកួតកាត់សេចក្ដីរកបេក្ខភាព ៣ក្រុមឡើងបង្គ្រប់វគ្គ ១/៤ ស្អែកនេះ
-
ព័ត៌មាន3 days ago
សម្តេចធិបតី៖ ប្រទេសជិតខាងខ្លះព្យាយាមនិយាយអាក្រក់ពីកម្ពុជា ដើម្បីមិនឲ្យប្រទេសដទៃ មកវិនិយោគនៅកម្ពុជា
-
ព័ត៌មាន2 days ago
សម្ដេចធិបតី ហ៊ុន ម៉ាណែត អញ្ជើញពិនិត្យលទ្ធភាពក្នុងការសាងសង់អគារសិក្សាបន្ថែម នៅសាលាបឋមសិក្សា និងអនុវិទ្យាល័យ សម្តេចឪ សម្តេចម៉ែ អន្លង់ធំ ដើម្បីលើកកម្ពស់វិស័យអប់រំ និងបំពេញតម្រូវការជាក់ស្តែងនូវកំណើនសិស្សចូលរៀនពីមួយឆ្នាំទៅមួយឆ្នាំ