អង្គការដៃគូ សន្យាបន្តសហការប្រយុទ្ធប្រឆាំងអំពើជួញដូរមនុស្សឲ្យទទួលបានលទ្ធផលល្អ

អង្គការដៃគូ បានសន្យាបន្តសហការ ជាមួយគណៈកម្មាធិការជាតិប្រយុទ្ធប្រឆាំងអំពើ ជួញដូរមនុស្ស (គ.ជ.ប.ជ) ក្នុងការប្រយុទ្ធប្រឆាំងអំពើជួញដូរមនុស្ស ឲ្យទទួលបានលទ្ធផលល្អ តាមរយៈការអនុវត្តនូវសកម្មភាព និងយុទ្ធនាការផ្សេងៗ ឲ្យបានញឹកញាប់ និងទៀងទាត់ ។

នៅក្នុងពិធីចុះអនុស្សារណយោគយល់គ្នា ដើម្បីបន្តកិច្ចសហកាជាមួយ គ.ជ.ប.ជ រយៈ ពេល៥ឆ្នាំ នៅរសៀលថ្ងៃទី៣០ ខែតុលា ឆ្នាំ២០២៤ លោក សំលៀង សីលា នាយកប្រតិបត្តិ អង្គការសកម្មភាពដើម្បីកុមារ (APLE Cambodia) បានលើកឡើងថា នាពេលកន្លងមក ក្នុងការ សហប្រតិបត្តិជាមួយមន្ត្រីជំនាញ អង្គការបានអនុវត្តលើការងារមួយចំនួន ដែលមានការរៀបចំ យុទ្ធនាការអប់រំផ្សព្វផ្សាយ ការបណ្ដុះបណ្ដាលដល់អ្នកពាក់ព័ន្ធ ពិសេសក្រសួងអប់រំ យុវជន និងកីឡា ហើយក្រៅពីនោះបានបណ្ដុះបណ្ដាលផ្នែកច្បាប់ដល់គ្រូបង្គោល ក្នុងនោះមានមន្ត្រី នគរបាជាតិជាើម ។

លោកបានបន្តថា ជាមួយនឹងបានសហការគាំទ្រនេះ ក៏បាន ធ្វើការស៊ើបអង្កេតការកេង ប្រវញ្ចលើកុមារ ដែលក្នុងនោះក៏មានផ្ដល់សេវាជួយជនរងគ្រោះ ការផ្ដល់សេវាសង្គម ការផ្ដល់ សេវាផ្នែកច្បាប់ និងកិច្ចការពិគ្រោះយោបល់ជាមួយជនរងគ្រោះផងដែរ ។

លោក សំលៀង សីលា បានបន្ថែមថា សម្រាប់កិច្ចសហប្រតិបត្តិបន្ត ចាប់ពីឆ្នាំ២០២៤ ដល់ឆ្នាំ២០២៩ គឺត្រូវអនុវត្តន៍នូវគម្រោងចំនួន៣ ក្នុងនោះទី១. កម្មវិធីជំនួយ និងគាំទ្រដល់ជន រងគ្រោះ មានការជួយកំណត់អត្តសញ្ញាណ ការបញ្ជូនកុមាររងគ្រោះទៅរកសេវាសមស្រប, ទី ២. ការបន្តបណ្ដុះបណ្ដាល ការសហការជាមួយអគ្គស្ននការដ្ឋាននគរបាលជាតិ មានការស៊ើប អង្កេត ការជួយជនរងគ្រោះ និងទី៣. ការបញ្ចូលសហគមន៍ផ្នែកឧស្សាហកម្ម និងប្រព័ន្ធផ្សព្វ ផ្សាយ ដែលជាការបង្ការដ៏ធំ ។

នៅក្នុងឱកាសនោះ លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុ ប្រធានអចិន្ត្រៃយ៍ គ.ជ.ប.ជ មានប្រសាសន៍ថា បញ្ហាអំពើជួញដូរមនុស្ស នៅតែជាក្ដីកង្វល់ និងការព្រួយបារម្ភ របស់ពិភពលោក ខណៈដែលបច្ចេកវិទ្យាបច្ចេកបច្ចុប្បន្នកាន់តែមានភាព ទំនើប ដូចនេះជនរងគ្រោះភាគច្រើន ក្នុងអំពើជួញដូរមនុស្ស គឺជាយុវវ័យ ចូលចិត្តលេង បណ្ដាញសង្គម ។

លោកជំទាវ បានបន្តថា ជាការពិតណាស់ កិច្ចការប្រយុទប្រឆាំងអំពើជួញដូរមនុស្ស គឺ ពិតជាត្រូវការកិច្ចសហការពីគ្រប់ភាគីទាំងអស់ ព្រោះថាជនល្មើសមានល្បិចកិច្ចកលច្រើន ក្នុង ការអូសទាញ និងបោសបញ្ឆោតជនរងគ្រោះ ឲ្យធ្លាក់ក្នុងការលួងលោមរបស់ពួកគេ ដោយ ករណីខ្លះ គឺកើតឡើងឆ្លងដែនប្រទេស ឆ្លងទ្វីបក៏មានផងដែរ ។

ជាមួយនេះ លោកជំទាវ ជូ ប៊ុនអេង បានថ្លែងអំណរគុណអង្គការដៃគូទាំងអស់ដែលបន្ត ចូលរួម ជាមួយគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស ក្នុងកិច្ចការងារប្រយុទ្ធ ប្រឆាំងអំពើជួញដូរមនុស្សនេះ ជាមួយនឹងការប្ដេជ្ញាធ្វើឲ្យកាន់តែទទួលលទ្ធផលល្អ៕ អត្ថបទ បាន សុខរិទ្ធិ