កងទ័ពជើងទឹករបស់ចិន បង្កើនការសម្ញែងសាច់ដុំក្នុងប្រតិបត្តិការនាវាផ្ទុកយន្តហោះពីរគ្រឿងលើកដំបូងសនៅសមុទ្រចិនខាងត្បូង

កងទ័ពជើងទឹករបស់ប្រទេសចិនបានប្រកាសកាលពីថ្ងៃព្រហស្បតិ៍សប្ដាហ៍នេះថា កងទ័ពជើងទឹកចិន ដ៏ធំបំផុតក្នុងពិភពលោក បានធ្វើប្រតិបត្តិការនាវាផ្ទុកយន្តហោះពីរគ្រឿងលើកដំបូងរបស់ខ្លួន ដែលគេមើលឃើញថាជាការសម្ញែងសាច់ដុំខាងយោធាដ៏ធំ។

សមយុទ្ធនេះត្រូវបានធ្វើឡើងនៅក្នុងដែនទឹកដែលមានការប្រកួតប្រជែងខ្លាំងនៃសមុទ្រចិនខាងត្បូងកាលពីចុងខែតុលា និងមានការចូលរួមពីក្រុមនាវាផ្ទុកយន្តហោះពីរគ្រឿងដឹកនាំដោយនាវាផ្ទុកយន្តហោះ CNS Liaoning និង CNS Shandong ដែលជានាវាផ្ទុកយន្តហោះប្រតិបត្តិការទីមួយ និងទីពីររបស់ប្រទេសចិន។

វីដេអូចេញផ្សាយដោយយោធាចិន បង្ហាញពីនាវាចម្បាំងចំនួន ១៣ គ្រឿង រួមទាំងនាវាផ្ទុកយន្តហោះពីរគ្រឿង កំពុងធ្វើដំណើរក្នុងដែនទឹកសមុទ្រចិនខាងត្បូង ត្រូវបានអមដំណើរពីលើដោយយន្តហោះចម្បាំងយ៉ាងហោចណាស់ ១២គ្រឿង រួមទាំងយន្តហោះចម្បាំង Shenyang J-15As និងយន្តហោះចម្បាំង J-15Bs ដែលត្រូវគេស្គាល់ថាជាត្រីឆ្លាមចេះហោះ។

នាវាផ្ទុកយន្តហោះ CNS Liaoning ត្រូវបានគេប្រទះឃើញកំពុងដំណើរការនៅសមុទ្រចិនខាងត្បូងជាទីដែលប្រទេសចិនមានជម្លោះដែនទឹកជាមួយហ្វីលីពីន ចាប់តាំងពីដើមខែតុលា រួមទាំងការធ្វើដំណើរទៅកាន់ច្រកចូលនៅមូលដ្ឋានទ័ពដោយនាវាចម្បាំងCNS Shandong ជាលើកដំបូង។

សមយុទ្ធនេះគឺជាផ្នែកមួយនៃផែនការហ្វឹកហ្វឺនប្រចាំឆ្នាំរបស់កងទ័ពជើងទឹកក្នុងគោលបំណងគោរពនូវអ្វីដែលក្រសួងការពារជាតិចិនហៅថាសមត្ថភាពប្រតិបត្តិការរួមគ្នារបស់កងកម្លាំងនៃក្រុមនាវាវាយប្រហារទាំងពីរ និងការពង្រឹងកម្លាំងប្រយុទ្ធជាប្រព័ន្ធរបស់ពួកគេ៕