យុវសិស្សនៅខេត្តកោះកុងតាំងចិត្តសិក្សាឱ្យបានពូកែដូចសិស្សច្បងដែលទើបប្រឡងជាប់និទ្ទេស A

តំណាងយុវសិស្សនៅវិទ្យាល័យចំណេះទូទៅ និងបច្ចេកទេសតេជោសែន កោះកុង បាន​រក្សា​ការ​តាំង​ចិត្ត​យ៉ាងមុតមាំថា ខ្លួននឹងប្រឹងប្រែងរៀនសូត្រឱ្យខ្លាំងពូកែ និងអាចប្រឡងជាប់និទ្ទេស A ដូច​សិស្សច្បងរបស់ពួកគេ។

ប្រាប់ទូរទស្សន៍ BTV ក្រោយចូលរួមពិធីបើកបវសនកាលឆ្នាំសិក្សាថ្មី យុវសិស្ស​ចំនួន​២​នៅ​ក្រុង​ខេមរភូមិន្ទ ខេត្តកោះកុង បានថ្លែងថា ក្នុងនាមជា​សិស្ស​ប្អូន​របស់​ពួក​គេ​នឹង​ខិត​ខំ​សិក្សា​គ្រប់​មុខ​វិជ្ជា ហើយស្វែងមេរៀនសំខាន់ដ៏ទៃពាក់ព័ន្ធដ៏ទៃបន្ថែម ចាប់ពីដើម​ឆ្នាំ​រហូត​ដល់​ការ​ប្រឡង​ឆ្នាំ​២០២៥ ខាងមុខ ដោយមិនបណ្តែបណ្តោយឱ្យពេលវេលាកន្លងទៅហួស ឬធ្វើមាតា​បិតា​ខក​ចិត្ត​នោះ​ទេ​។

គួរកត់សម្គាល់ថា ឆ្នាំ២០២៤នេះ ខេត្តកោះកុង បានសិស្សានុសិស្សប្រ​ឡង​សញ្ញា​បត្រ​មធ្យម​សិក្សា​ទុតិយភូមិជាប់និទ្ទេស A រហូតដល់១៣នាក់ ក្នុងនោះស្រីចំនួន ៥ នាក់ បើធៀប​នឹង​ឆ្នាំ​ទៅ​២០២៣ មានសិស្សជាប់និទ្ទេសAតែ៣នាក់ប៉ុណ្ោះ។

ោ​ជំទាវ មិថុនា ភូថង ក៏បង្ហាញក្តីរំភើបរីករាយជាមួយសិស្ស និងមាតាបិតាសិស្សផងដែរ ដែល​បាន​ប្រឡងជាប់និទ្ទេស A ចំនួន១៣នាក់ គ្រាខេត្តកោះកុងមិនធ្លាប់មានដូចពេលនេះ ដោយ​លោក​ជំទាវ​ចាត់ទុកថា នេះជាការសបញ្ជាក់ឱ្យឃើញថា គុណភាពអប់រំសិក្សា​ក្នុងខេ​ត្ត​កាន់​តែ​រីក​ចម្រើន និងសិស្សមាន​សមត្ថភាព​ពេញ​លេញ​ឈាន​ដល់​ទៅ​បន្ត​ការ​សិក្សា​ថ្នាក់​ឧត្តម​សិក្សា​តាម​ជំនាញ​ដែលពួកគាត់មានបំណងចង់សិក្សា៕