ព័ត៌មាន
អាជ្ញាធររុះរើសំណង់មិនរៀបរយក្រោមស្ពានព្រែកក្ដាម ដើម្បីរៀបចំគម្រោងសួនច្បារ និងទីធ្លាហាត់ប្រាណសាធារណៈ
គណៈបញ្ជាការឯកភាពស្រុកពញាឮ ខេត្តកណ្តាល ដឹកនាំដោយលោក ថន សុវណ្ណា អភិបាលស្រុកពញាឮ នៅព្រឹកថ្ងៃទី៥ ខែ វិច្ឆិកា ឆ្នាំ២០២៤នេះ បានចុះរុះរើសំណង់មិនរៀបរយ និងរៀបចំសណ្តាប់ធ្នាប់ នៅក្រោមស្ពានព្រែកក្តាម ដើម្បីរៀបគម្រោង ធ្វើសួនច្បារ និងទីធ្លាហាត់ប្រាណដល់សាធារណៈ និងដើម្បីឲ្យក្លាយជាកន្លែងមានសោភ័ណភាព ខណៈកន្លែងស្ពានព្រែកក្តាមនេះ គឺជាតំបន់ប្រសបឆ្លងកាត់រវាងផ្លូវជាតិលេង៥ ទៅកាន់ផ្លូវជាតិលេខ៦។
ថ្លែងប្រាប់អ្នកសារពត៌មាន ខណៈកំពុងចុះបញ្ជាផ្ទាល់នោះ លោក ថន សុវណ្ណា អភិបាលស្រុក ពញាឮ បានលើកឡើងថា ការដែលលោកបានដឹកកងកម្លាំងឯកភាពចុះរុះរើ និងរៀបចំ សណ្តាប់ធ្នាប់នេះ គឺរដ្ឋបាលស្រុកពញាឮបានធ្វើការជូនដំណឹងដល់អាជីវករជាច្រើន លើកច្រើនសារមកហើយ រួមទាំងរដ្ឋបាលខេត្តកណ្តាល ក៏បានចេញលិខិតជូនដំណឹង និងដាក់ឱសានវាទឲ្យពួកគាត់រុះរើដោយខ្លួនឯងក្នុងរយៈពេលមួយខែផងដែរ ហើយបងប្អូនអាជីវករភាគច្រើនបានសម្រេចរុះរើតាមការជូនដំណឹងរបស់អាជ្ញាធរ ប៉ុន្តែអាជីវករមួយចំនួនតូចទៀតគាត់នៅបន្តលក់ទើបអាជ្ញាធរសម្រេចចិត្តចចុះរុះរើដោយផ្ទាល់តែម្តង។
បើតាមលោកអភិបាលស្រុកពញាឮ បានលើកឡើងផងដែរថា ក្រោយធ្វើការរុះរើ និងរៀបចំសណ្តាប់សាធារណៈឲ្យបានរៀបរយហើយនោះ តំបន់ប្រសបរវាងផ្លូវជាតិលេខ៥ ឆ្លងទៅកាន់ផ្លូវជាតិលេខ៦នេះ នឹងកាន់តែមានសោភ័ណភាពល្អ ហើយការធ្វើចរាចរណ៍ឆ្លងកាត់ក៏មានភាពងាយស្រួល និងមិនសូវ ព្រួយបារម្ភ និងរងហានិភ័យចំពោះគ្រោះថ្នាក់ចរាចរណ៍ផងដែរ។
យ៉ាងណាក៏ដោយលោកអភិបាលស្រុក ក៏បានអំពាវនាវឲ្យបងប្អូនអាជីវករទាំងអស់ រួមទាំងបងប្អូន ដែលកំពុងរស់នៅតំបន់ប្រសប់នេះមានការយោគយល់ និងធ្វើការសហការជាមួយអាជ្ញាធរដើម្បីសោភ័ណភាពតំបន់បរិវេណស្ពានព្រែកក្តាម ខណៈតំបន់នេះ មានភ្ញៀវទេសចរណ៍ជាតិ និងអន្តរជាតិធ្វើដំណើរឆ្លងកាត់ជាច្រើន និងជារៀងរាល់ថ្ងៃនោះ៕អត្ថបទបាន ចក់

-
ព័ត៌មាន1 week ago
អ្នកគាំទ្រ លោក Zelenskiy ប្រមូលផ្តុំគ្នានៅខាងក្រៅសណ្ឋាគារ ដើម្បីគាំទ្រលោក ក្រោយជំនួបដ៏តានតឹងជាមួយលោកTrump
-
ព័ត៌មាន1 week ago
ស្ពានមិត្តភាពកម្ពុជា-កូរ៉េ ភ្នំពេញ-អរិយក្សត្រ នឹងបើកការដ្ឋានសាងសង់ជាផ្លូវការ នៅពេលឆាប់ៗខាងមុខ
-
ព័ត៌មាន1 week ago
មេដឹកនាំអឺរ៉ុប បង្ហាញការគាំទ្រដល់ លោក Zelenskiy បន្ទាប់ពីជម្លោះពាក្យសម្តីជាមួយលោក Trump
-
ព័ត៌មាន5 days ago
ការជួសជុលកែលម្អឱ្យប្រសើរឡើងនូវសហគមន៍ទេសចរណ៍អន្លង់ធំ ស្រុកស្វាយលើ បានចាប់ផ្តើមដំណើរការបណ្ដើរៗហើយ
-
ព័ត៌មាន4 days ago
រូបចម្លាក់រចនាបែបខ្មែរជាង១០០ នឹងត្រូវដាក់តាំងបង្ហាញនៅព្រលានយន្តហោះអន្តរជាតិតេជោ ក្រុងតាខ្មៅ
-
ព័ត៌មាន1 week ago
សេចក្តីថ្លែងការណ៍ របស់លោកប្រធានាធិបតី Donald Trump នៅលើបណ្តាញ X
-
ព័ត៌មាន1 week ago
លោក Zelenskiy ឆ្លើយតបដោយពាក្យ «អរគុណ» លើបណ្ដាញសង្គម X ក្រោយមានជម្លោះជាមួយលោក Trump
-
ព័ត៌មាន1 week ago
នគរបាលបង្ក្រាបកុបកម្ម បំបែកការតវ៉ា ជុំវិញឧបទ្ទវហេតុរថភ្លើងបណ្តាលឲ្យមានមនុស្សស្លាប់ច្រើន នៅប្រទេសក្រិក