ព័ត៌មាន
កុមារជិត៨ម៉ឺននាក់នៅខេត្តបាត់ដំបងទទួលបានការចាក់វ៉ាក់សាំងការពារជំងឺកញ្ជ្រឹល និងស្អូចដោយឥតគិតថ្លៃ
លោកវេជ្ជបណ្ឌិត ចេងលី ស៊ុនឃាង អនុប្រធានមន្ទីរសុខាភិបាលខេត្តបាត់ដំបង បានឱ្យដឹងថា កុមារនៅទូទាំងខេត្តបាត់ដំបងដែលមានអាយុចាប់ពី៩ខែរហូតដល់៥៩ខែជិត ៨ម៉ឺននាក់ហើយបានទទួលការចាក់វ៉ាក់សាំងការពារជំងឺកញ្ជ្រឹល និងស្អូចដោយឥតគិតថ្លៃ ខណៈយុទ្ធនាការចាក់ជិតត្រូវបានបិទបញ្ចប់។
លោកវេជ្ជបណ្ឌិត ចេងលី ស៊ុនឃាង បញ្ជាក់ថា គិតចាប់ពីថ្ងៃទី១ដល់ថ្ងៃទី១១ ខែវិច្ឆិកា ឆ្នាំ២០១៤ មានកុមារចំនួន៧៩ ៥២៥នាក់ទទួលបានការចាក់វ៉ាក់សាំងការពារជំងឺកញ្ជ្រឹល និងស្អូចដោយឥតគិតថ្លៃ ក្នុងចំនួនកុមារគោលដៅសរុប៩៧ ៤៣១នាក់។
លោកវេជ្ជបណ្ឌិត ចេងលី ស៊ុនឃាង ឱ្យដឹងបន្ថែមថា ក្រុមគ្រូពេទ្យបាននិងកំពុងបន្តយុទ្ធនាការបោសសម្អាតដោយចុះចាក់វ៉ាក់សាំងដល់កុមារនៅតាមមូលដ្ឋានដែលខកខានមិនបានចាក់ក្នុងពេលកន្លងមក។
ជាមួយគ្នានេះ លោកវេជ្ជបណ្ឌិត ចេងលី ស៊ុនឃាង អំពាវនាវដល់មាតាបិតា និងអ្នកអាណាព្យាបាលនៅទូទាំងខេត្តបាត់ដំបង ឱ្យបន្តនាំកូនៗដែលមានអាយុចាប់ពី៩ខែដល់៥៩ខែទៅទទួលការចាក់វ៉ាក់សាំងការពារជំងឺកញ្ជ្រឹល និងស្អូចឱ្យបានគ្រប់ៗគ្នា។
សូមបញ្ជាក់ថា សម្រាប់យុទ្ធនាការចាក់វ៉ាក់សាំងការពារជំងឺកញ្ជ្រឹល និងស្អូចដល់កុមារអាយុចាប់ពី៩ខែដល់៥៩ខែបាននិងកំពុងធ្វើឡើងនៅទូទាំងខេត្តបាត់ដំបង ចាប់ពីថ្ងៃទី១ ដល់ថ្ងៃទី១៣ ខែវិច្ឆិកា ឆ្នាំ២០២៤៕
-
ព័ត៌មាន6 days agoជំនាញព្រមានអំពីការផាកពិន័យម្ចាស់ទីតាំងជួលស្នាក់នៅដែលពាក់ព័ន្ធនឹងបទល្មើស Scam Online
-
ព័ត៌មាន1 week agoពលរដ្ឋខ្មែរត្រឡប់ពីអាមេរិកស្ងើចសរសើរការដឹកនាំរបស់រាជរដ្ឋាភិបាលធ្វើឱ្យប្រទេសជាតិមានការអភិវឌ្ឍ
-
ព័ត៌មាន1 week agoមួយឆ្នាំ២០២៥ មានអ្នកជំងឺមកពិគ្រោះជំងឺក្រៅនៅមន្ទីរពេទ្យមិត្តភាពខ្មែរ-សូវៀតមានជិត ១០ម៉ឺនករណី
-
ព័ត៌មាន3 days agoពុទ្ធិកសាកលវិទ្យាល័យសីហមុនីរាជា ពង្រីកធនធានមនុស្សថ្នាក់បរិញ្ញាបត្រជាន់ខ្ពស់ ស្របតាមយុទ្ធសាស្ត្របញ្ចកោណ
-
ព័ត៌មាន1 week agoសម្ដេចធិបតី ហ៊ុន ម៉ាណែត ដឹកនាំគណៈប្រតិភូកម្ពុជាទៅចូលរួមកិច្ចប្រជុំលើកដំបូងរបស់ក្រុមប្រឹក្សាសន្តិភាពនៅអាមេរិក និងទស្សនកិច្ចនៅអឺរ៉ុប
-
ព័ត៌មាន5 days agoសម្ដេចធិបតី៖ ការបង្ក្រាបការឆបោកតាមប្រព័ន្ធអនឡាញគឺជាភាពជោគជ័យដែលកំពុងកើនឡើងនៅកម្ពុជា
-
ព័ត៌មាន3 days agoអ្នកនាំពាក្យ៖ បេសកកម្មការទូតរបស់សម្តេចធិបតីនៅអាម៉េរិក និងអឺរ៉ុបផ្សារភ្ជាប់កាតព្វកិច្ចការពារបូរណភាពទឹកដី និងប្រជាពលរដ្ឋ
-
ព័ត៌មាន1 week agoសម្ដេចព្រះពោធិវ័ង្សកិត្តិបណ្ឌិត ណយ ច្រឹក និងសប្បុរសជន រៀបចំអំណោយផ្ដល់ជូនវីរកងទ័ពនៅសមរភូមិមុខ