ការប្រណាំងទូកងថ្នាក់រាជធានី នឹងចាប់ផ្តើមប្រកួតនៅរសៀលនេះ

ការប្រណាំងទូកងថ្នាក់រាជធានីភ្នំពេញ នឹងចាប់ផ្តើមដំណើរការការប្រកួតនៅរសៀលថ្ងៃទី១២ ខែវិច្ឆិកានេះ ។ ទូកងត្រូវបានទម្លាក់ចូលទឹកទន្លេរួចរាល់អស់ហើយ ចំណែកក្រុម​កីឡាករ​កំពុង​សម​ដៃ សម្រាប់ការប្រកួតនេះ ដើម្បីជម្រើសចូលរួមក្នុងព្រះរាជពិធីបុណ្យអុំទូក ដែលនឹង​ចាប់​ផ្ដើម​នៅ​ពីរ​ថ្ងៃទៀត។

ក្រុមកីឡាករទូកង បានទម្លាក់ទូករួចរាល់ចូលទៅក្នុងទន្លេ រួមទាំងក្រុមកីឡាករចំណុះទូកទាំងអស់ ក៏​បាន​ត្រៀមលក្ខណៈសម្បត្តិរបស់ខ្លួនរួចរាល់១០០ភាគរយផងដែរ សម្រាប់​ការ​ប្រកួត​ផ្លូវ​ការ​នា​រសៀល​នេះ ដោយពួកគេបានហ្វឹកហាត់សមកម្លាំងនៅលើទីតាំងផ្ទាល់ជាច្រើន ជុំផងដែរ ដើម្បី​បង្កើន​សមត្ថភាពឱ្យកាន់តែខ្លាំងក្លា ។

ក្រុមកីឡាករទូកង «មហានាគ» របស់វត្តនាគវ័ន្ត បានបង្ហាញក្តីរំភើបរីករាយ ដែលបាន​ចូលរួម​ក្នុង​ការ​ប្រណាំង​ទូក នៃព្រះរាជពិធីបុណ្យអុំទូក ឆ្នាំ២០២៤នេះ ។ ពួកគេម្នាក់ៗ មានសេចក្តីមុតមាំ និង​ជឿជាក់ ថានឹងអុំទទួលយកជ័យលាភីឱ្យខាងតែបាន ខណះទូក មហានាគ មួយេះ ែង​តែ​ទទួល​ជ័យលាភីឯកមករហូត ទាំងការប្រណាំងទូកថ្នាក់រាជធានី និងថ្នាក់ជាតិ ។

ការ​ប្រណាំងទូកង ថ្នាក់រាជធានីនេះ គឺធ្វើឡើងតែមួយរសៀលថ្ងៃទី១២នេះប៉ុណ្ណោះ ដើម្បី​រក​ម្ចាស់​ជ័យ​លាភី ទៅប្រកួតការប្រណាំងទូកថ្នាក់ជាតិ ជាមួយបណ្តាទូកងជាច្រើនទៀត ដែល​មក​ពី​តាម​បណ្តា​ខេត្ត។

សូមបញ្ជាក់ថា ព្រះរាជពិធីបុណ្យអុំទូក បណ្តែតប្រទីប និងសំពះព្រះខែអកអំបុក នឹងប្រារព្ធ​ឡើង​រយៈ​ពេល​០៣ថ្ងៃ គឺនៅថ្ងៃទី១៤ , ១៥ , ១៦ ខែវិច្ឆិកា ឆ្នាំ២០២៤ខាងមុខនេះ ។ ឆ្នាំនេះដែរ មាន​ទូកង សរុបចំនួន៣៤៦ទូក បានចុះឈ្មោះចូលរួមប្រណាំង ដោយកីឡាករសរុបជាង២ម៉ឺននាក់៕ អត្ថបទ ៖ លីហេង