សម្ដេច ម៉ែន សំអន៖ ស្មារតីរណសិរ្ស២ធ្នូ នៅតែប្រកាន់ជំហរការពារ​សុខសន្តិភាពជាមួយ​រាជរដ្ឋាភិបាល

សម្ដេចកិត្តិសង្គហបណ្ឌិត ម៉ែន សំអន ប្រធានក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិ កម្ពុជា និងជាឧត្តមប្រឹក្សាផ្ទាល់ព្រះមហាក្សត្រ បានថ្លែងគូសបញ្ជាក់ថា ស្មារតីរណសិរ្ស ២ធ្នូ នៅ​តែ​ប្រកាន់ ជំហរចូលរួមការពារយ៉ាងដាច់ខាតនូវសុខសន្តិភាព ដែលរកបានដោយ​លំបាក​ជាមួយ​រាជ​រដ្ឋាភិបាល ។

ក្នុងអបអរសាទរខួបអនុស្សាវរីយ៍ លើកទី៤៦ ទិវាកំណើតរណសិរ្សសាមគ្គី អភិវឌ្ឍន៍​មាតុភូមិ​កម្ពុជា (២ធ្នូ១៩៧៨-២ធ្នូ២០២៤) នៅថ្ងៃទី២ ខែធ្នូ ឆ្នាំ២០២៤ សម្ដេចកិត្តិសង្គហបណ្ឌិត ម៉ែន សំអន ​មានប្រសាសន៍ ថា រយៈពេល៤៦ឆ្នាំកន្លងមកនេះ ប្រជាជន​បាន​ស្ថិត​ស្ថេរ​រួម​រស់​ជាមួយ​គ្នា​ក្នុង​ជួររណសិរ្ស ពុះពារឆ្លងកាត់ឧបសគ្គ តូចធំទាំងឡាយយ៉ាងអង់អាចក្លាហានបំផុត ក្រោម​ការ​ដឹកនាំ​រ​បស់រាជរដ្ឋាភិបាលកម្ពុជា ដែលដឹកនាំដោយគណ បក្សប្រជាជនកម្ពុជា ។

សម្ដេចបានបញ្ជាក់ថា ស្មារតី២ធ្នូ ស្មារតី៧មករា ដែលបានចារឹកជាប់ក្នុងមនសិការរបស់ប្រជាជន បាន ប្រែក្លាយទៅជាកម្លាំងាងំធេងក្នុងារបង្កើតឡើងនូវសមិទ្ធផលធំៗនៃសង្គមជាតិ ហើយ​ឥឡូវ​នេះ ក្រោមពន្លឺ នៃសន្តិភាព សេរីភាព មនសិការជាតិ និងក្នុងជំហរផ្សា​រ​ភ្ជាប់​នូវ​ជោគ​វាសនា​របស់​ប្រជាជន​ទាំងអស់គ្នា ជឿជាក់ថា នឹងគ្មានការកើតឡើង​ជាថ្មី​ទៀត​នូវ​សោក​នាដកម្មដូ​ច​ក្នុង​អតីត​កាល​ឡើយ ហើយប្ដេជ្ញាចូលរួមជាមួយរាជរដ្ឋាភិបាល ក្នុងការការពារនូវ​សុខសន្តិភាព​ឲ្យ​បាន​ជា​ដាច់ខាត ។

សម្តេចកិត្តិសង្គហបណ្ឌិត បានអំពាវនាវទៅដល់ថ្នាក់ដឹកនាំ សមាជិក សមាជិកាដ៏​សកម្ម​នៃ​រណសិ​រ្ស​គ្រប់​ថ្នាក់ សូមលើកកម្ពស់ស្មារតីថែរក្សា សាមគ្គីភាព ឯកភាពផ្ទៃក្នុង ប្រកាន់ខ្ជាប់​ប្រពៃណី​ស្នេហា​ជាតិ ផ្សារភ្ជាប់ជា មួយប្រជាជន ហើយខិតខំបញ្ចេញអស់កម្លាំងកាយចិត្ត ក្នុងការ​បម្រើ​ប្រជាជន និងប្រទេសជាតិ ។

សូមបញ្ជាក់ថា រណសិរ្សសាមគ្គីសង្រ្គោះជាតិកម្ពុជា ត្រូវបានកើត​ឡើង​ដោយ​កម្លាំង​មហា​សាមគ្គី​ប្រជាជនទាំងមូល ទាំងក្នុង និងក្រៅប្រទេស ដែលមានសម្តេចអគ្គមហាពញាចក្រី ហេង សំរិន សម្តេច​អគ្គមហាធម្មពោធិ សាល ជា ស៊ីម សម្តេចអគ្គមហាសេនាបតីតេជោ ហ៊ុន សែន និងវីរជន​ស្នេហា​ជាតិ​ជាច្រើនរូបទៀត ក្នុងការរៀបចំ កម្លាំងផ្ដួលរំលំរបបប្រល័យពូជសាសន៍ ប៉ុល ពត និង​ទទួល​បាន​ជ័យជម្នះលើរបបនេះ នាថ្ងៃ៧ មករា ១៩៧៩។ ថ្ងៃ២ ធ្នូ ឆ្នាំ១៩៧៨ ជាថ្ងៃដែល «រណសិរ្ស​សាមគ្គីសង្គ្រោះជាតិកម្ពុជា» ត្រូវបានប្តូរឈ្មោះជា «រណសិរ្សសាមគ្គី អភិវឌ្ឍន៍​មាតុភូមិ​កម្ពុជា» ត្រូវបានបង្កើតឡើងនៅភូមិជើងឃ្លូ ឃុំ២ធ្នូ ស្រុកស្នួល ខេត្តក្រចេះ ដោយមានការឧប ត្ថម្ភ​គាំ​ទ្រស្មារតី និងសម្ភារទៅវិញទៅមក រវាងបណ្តាប្រទេសជាមិត្ត និងត្រូវ​បាន​បន្ត​ពង្រឹង​សាមគ្គីភាព មិត្តភាព និងសហប្រតិបត្តិការកាន់តែជិតស្និទ្ធទ្វេរឡើងថែមទៀត៕ អត្ថបទ៖ បាន សុខរិទ្ធិ