ឯកឧត្តម ហេង រតនា អំពាវនាវឲ្យចូលរួមរក្សាគុណតម្លៃថ្ងៃកំណើតរណសិរ្សសាមគ្គីអភិវឌ្ឍន៍មាតុភូមិកម្ពុជា (ស្មារតី2ធ្នូ និងស្មារតី ៧មករា​ )ដើម្បីកាន់តែរឹងមាំ​ និងស្ថិតស្ថេរជាអមតៈ

(កណ្តាល) ៖ ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកមជ្ឈមណ្ឌលសកម្ម ភាពកំចាត់មីនកម្ពុជានិងជាអនុប្រធានក្រុមការងាររាជរដ្ឋាភិបាលចុះ មូលដ្ឋានខេត្តកណ្តាល និងជាប្រធានក្រុម ការងាររាជរដ្ឋាភិបាលចុះមូលដ្ឋានស្រុកលើកដែកអំពាវនាវឲ្យចូលរួមរក្សាគុណតម្លៃថ្ងៃ កំណើតរណសិរ្សសាមគ្គីអភិវឌ្ឍន៍មាតុភូមិកម្ពុជា 2ធ្នូ និងសូមចូល រួមរក្សាឲ្យបាននូវសុខសន្តិភាពដែលរកបានលំបាកនេះ ហើយត្រូវប្រឆាំងនិងការពារដាច់ខាតកុំឲ្យកើតមាននូវ​សោក​នាដកម្មដូ​ច​ពីអតីត​កាល​ជាថ្មីនោះឡើយ។

ឯកឧត្តម ហេង រតនា អនុប្រធានក្រុមការងាររាជរដ្ឋាភិបាលចុះ មូល ដ្ឋានខេត្តកណ្តាល និងជាប្រធានក្រុមការងាររាជរដ្ឋាភិបាលចុះ មូល ដ្ឋានស្រុកលើកដែកបានអំពាវបែបនេះក្នុងពេលប្រារព្ធមិទ្ទិញអបអរ សាទរខួបអនុស្សាវរីយ៍លើកទី ៤៦ ទិវាកំណើតរណសិរ្សសាមគ្គីអភិវឌ្ឍន៍មាតុភូមិកម្ពុជា (២ធ្នូ ១៩៧៨ – ២ធ្នូ ២០២៤)នៅសាលា ស្រុកលើកដែក ខេត្ត កណ្តាលនាថ្ងៃទី ០២ ខែ ធ្នូ ឆ្នាំ ២០២៤នេះ។

ឯកឧត្តម ហេង រតនា បានបញ្ជាក់ថា ស្មារតីរណសិរ្ស ២ធ្នូ នៅ​តែ​ប្រកាន់ជំហរចូលរួមការពារយ៉ាងដាច់ខាតនូវសុខសន្តិភាព ដែលរកបានដោយ​លំបាក​ជាមួយ​រាជ​រដ្ឋាភិបាល រូតដល់ពេលនេះមាន រយៈពេល៤៦ឆ្នាំកន្លងមកនេះ ប្រជាជន​បាន​រួម​រស់​ជាមួយ​គ្នា​ក្នុង​ជួររណសិរ្ស ពុះពារឆ្លងកាត់ឧបសគ្គ តូចធំទាំងឡាយយ៉ាងអង់ អាចក្លាហានបំផុត ក្រោម​ការ​ដឹកនាំ​រ​បស់រាជរដ្ឋាភិបាលកម្ពុជា ដែលដឹកនាំដោយគណបក្សប្រជាជនកម្ពុជា ។ ហើយស្មារតី ២ធ្នូ ស្មារតី ៧មករា ដែលបានចារឹកជាប់ក្នុងមនសិការរបស់ប្រជាជនបានប្រែ ក្លាយទៅជាកម្លាំងយ៉ាងធំធេងក្នុងការបង្កើតឡើងនូវសមិទ្ធផលធំៗនៃសង្គមជាតិ ហើយ​ឥឡូវ​នេះ ក្រោមពន្លឺ នៃសន្តិភាព សេរីភាព មនសិការជាតិ និងក្នុងជំហរផ្សា​រ​ភ្ជាប់​នូវ​ជោគ​វាសនា​របស់​ប្រ ជាជន​ទាំងអស់គ្នា ជឿជាក់ថា នឹងគ្មានការកើតឡើង​ជាថ្មី​ទៀត​នូវ​សោក​នាដកម្មដូ​ច​ក្នុង​អតីត​កាល​ឡើយ ហើយប្ដេជ្ញាចូលរួមជាមួយរាជ រដ្ឋាភិបាល ក្នុងការការពារនូវ​សុខសន្តិភាព​ឲ្យ​បាន​ជា​ដាច់ខាត ។

ឯកឧត្តម ហេង រតនា ក៏បានអំពាវនាវទៅដល់សមាជិកសមាជិកានៃគណៈអចិន្ត្រៃយ៍គណៈកម្មាធិការ រណសិរ្សសាមគ្គីអភិវឌ្ឍន៍មាតុភូមិកម្ពុជាស្រុកលើកដែកទាំងអស់ សូមចូលរួមលើក កម្ពស់ស្មារតីថែរក្សា សាមគ្គីភាព ឯក ភាពផ្ទៃក្នុង ប្រកាន់ខ្ជាប់​ប្រពៃ ណី​ស្នេហា​ជាតិ ផ្សារភ្ជាប់ជាមួយប្រជាជនក្នុងមូលដ្ឋាន ហើយខិតខំបញ្ចេញអស់កម្លាំងកាយចិត្តក្នុងការ​បម្រើ​ប្រជាជននិងប្រទេសជាតិ ។រីឯបងប្អូនប្រជាពលរដ្ឋក្នុងមូលដ្ឋានទាំងអស់ក៏សូមចូលរួមរក្សាឲ្យបាននូវសុខសន្តិភាពដែលរកបានលំបាកនេះ ហើយត្រូវប្រឆាំងនិងការពារដាច់ខាតកុំឲ្យកើតឡើង​ជាថ្មី​ទៀត​នូវ​សោក​នាដកម្មដូ​ច​ក្នុង​អតីត​កាល​ជាថ្មីនោះឡើយ។

សូមបញ្ជាក់ថា រណសិរ្សសាមគ្គីសង្រ្គោះជាតិកម្ពុជា ត្រូវបានកើត​ឡើង​ដោយ​កម្លាំង​មហា​សាមគ្គី​ប្រជាជនទាំងមូល ដែលមានសម្តេចអគ្គមហាពញាចក្រី ហេង សំរិន សម្តេច​អគ្គមហាធម្មពោធិសាល ជា ស៊ីម សម្តេចអគ្គមហាសេនាបតីតេជោ ហ៊ុន សែន និងវីរជន​ស្នេហា​ជាតិ​ជាច្រើនរូបទៀត ក្នុងការរៀបចំ កម្លាំងផ្ដួលរំលំរបបប្រល័យពូជសាសន៍ ប៉ុល ពត និង​ទទួល​បាន​ជ័យជម្នះលើរបបនេះ នាថ្ងៃ៧ មករា ឆ្នាំ១៩៧៩។ ថ្ងៃ២ ធ្នូ ឆ្នាំ ១៩៧៨ ជាថ្ងៃដែល «រណសិរ្ស​សាមគ្គីសង្គ្រោះជាតិកម្ពុជា» ត្រូវបានប្តូរឈ្មោះជា «រណសិរ្សសាមគ្គី អភិវឌ្ឍន៍​មាតុភូមិ​កម្ពុជា» ត្រូវបានបង្កើតឡើងនៅភូមិជើងឃ្លូ ឃុំ២ធ្នូ ស្រុកស្នល ខេត្តក្រចេះ ដោយ មានការឧបត្ថម្ភ​គាំ​ទ្រស្មារតី និងសម្ភារទៅវិញទៅមករវាងបណ្តាប្រទេសជាមិត្ត និងត្រូវ​បាន​បន្ត​ពង្រឹង​សាមគ្គីភាព មិត្តភាព និងសហប្រតិបត្តិការកាន់តែជិតស្និទ្ធទ្វេរឡើងថែមទៀត ។ ប្រជាជនកម្ពុជាគ្រប់រូបគឺសុទ្ធតែចងចាំនិងយល់ច្បាស់ពីថ្ងៃ2ធ្នូ បើគ្មានថ្ងៃ២ ធ្នូ ឆ្នាំ ១៩៧៨ និងថ្ងៃជ័យជំនះ ៧ មករា ឆ្នាំ១៩៧៩នោះទេ ក៌គ្មានអ្វីៗដូចសព្វថ្ងៃនេះដែរ នេះគឺជាសច្ចះធម៌នៃប្រវត្តិសាស្ត្រ ៕អត្ថបទ,ភារម្យ