អ្នកប្រកបរបរសេដ្ឋកិច្ចក្រៅប្រព័ន្ធ គាំទ្រការបង្កើតច្បាប់ដាក់ក្រុមជ្រុលនិយមមានចរិត «ភេរវកម្ម»

បន្ទាប់ពីបានមើលឃើញ ក្រុមពួកជ្រុលនិយមនៅក្រៅប្រទេសមួយក្តាប់តូច តែងតែ​ធ្វើ​សកម្មភាព​ញុះ​ញុង មានចរិក ភេរវកម្ម បង្កអសន្តិសុខក្នុងប្រទេស នៅពេលនេះ អ្នកប្រកបរបរ​សេដ្ឋកិច្ច​ក្រៅ​ប្រព័ន្ធ​នានា នៅរាជធានីភ្នំពេញ បាននំាគ្នាថ្លែងការគាំទ្រ​ការ​បង្កើត​ច្បាប់ថ្មីដាក់​ក្រុម​ជ្រុល​និយម​មាន​ចរិតជា «ភេរវកម្ម» ដើម្បីទប់ស្កាត់ឲ្យបានជាដាច់ខាតអំពើភេរវកម្ម និងរក្សា​សុខក្សេន្តក្សាន្ត​ដល់​ពលរដ្ឋ​កម្ពុជា។

បណ្តាអ្នកប្រកបរបរសេដ្ឋកិច្ចក្រៅប្រព័ន្ធបថ្លែងប្រាប់BTV នៅថ្ងៃទី៥ ខែធ្នូនេះថា កាល​ពី​ពេល​ថ្មី​នេះ ពលរដ្ឋទាំងអស់គ្នា ដែលកំពុងរស់នៅជ្រោកក្រោមសន្តិភាព គឺមានការគាំទ្រជាខ្លាំង ចំពោះ​ប្រសាសន៍​ដ៏​ខ្ពងខ្ពស់របស់សម្តេចតេជោ ហ៊ុន សែន ប្រធានព្រឹទ្ធសភា ដែលបានផ្តួចផ្តើម​ឲ្យមា​ន​ការ​បង្កើត​ច្បាប់ថ្មីមួយទៀត ពាក់ព័ន្ធនឹងការដាក់ក្រុមជ្រុលនិយម មានចរិតជា ភេរវកម្ម ើយ​ពលរដ្ឋក៏មានការំពាវនាវដល់ស្ថាប័នជាតិ និងអន្តរជាតិដែលពាក់ព័ន្ធនានា សូម​គាំទ្រ​ផ្តល់​កិច្ច​សហការ និងសហប្រតិបត្តិការ ចាត់វិធានតាមផ្លូវ​ច្បាប់​ឲ្យបា​ន​តឹង​រឹង​ចំពោះ​ក្រុមជ្រុល​និយម​ហួស​ហេតុ​មាន​ចរិតជា «ភេរវកម្ម» ដើម្បីទប់ស្កាត់ឲ្យបានជាដាច់ខាត អំពើភេរវកម្ម ប៉ះពាលទំនា​ក់​ទំនង​រវាង​ប្រទេសនិងប្រទេស ការវិនិយោគ និងជំរុញរក្សា​សុខក្សេន្តក្សាន្ត​ក្រោម​ម្លប់​សន្តិភាព​នៅ​កម្ពុជា។

ក្រុមអ្នកប្រកបរបរសេដ្ឋកិច្ចក្រៅប្រព័ន្ធទាំងនោះ ក៏បាននាំគ្នាសម្ដែងការបន្តថ្កោលទោស និង​ស្នើ​សុំ​ឱ្យបង្កើតច្បាប់ថ្មីមួយដើម្បីអនុវត្តឱ្យបានតឹងរឹងបំផុត ចំពោះក្រុមជ្រុលនិយម ដែលដឹកនាំ​ដោយ​ទណ្ឌិត​ក្បត់​ជាតិ ដែលជាក្រុមឧទ្ទាមក្រៅច្បាប់និងបក្សពួកគេមួយក្តាប់តូច ដែលតែងតែ​ចិញ្ចឹម​ចិត្ត​បង្កើត ​«ចលនាជាតិតស៊ូ» ដុតបញ្ឆេះកំហឹង ដល់ប្រជាពលរដ្ឋគ្រប់មជ្ឈដ្ឋាន ឲ្យងើបបះបោរ ផ្តួល​រំលំ​រាជ​រដ្ឋាបាលស្របច្បាប់ ។ល។ ដែលទាំងអស់នេះអាចចាត់ទុកថាជាអំពើ «ភេរវកម្ម» ដែល​បណ្តា​ប្រទេសលើពិភពលោក កំពុងនាំគ្នាទប់ស្កាត់ផងដែរ៕ អត្ថបទ ស៊ុម សុខជា