អភិបាលខេត្តឧត្តរមានជ័យ ណែនាំមន្រ្តីទើបតែងតាំងមុខតំណែងថ្មី ត្រូវខិតខំបំពេញតួរនាទីរបស់ខ្លួនឲ្យមានប្រសិទ្ធភាពខ្ពស់

ឧត្តរមានជ័យ៖ ឯកឧត្តម មាន ចាន់យ៉ាដា អភិបាលខេត្តឧត្តរមានជ័យ បានណែនាំ ដល់មន្រ្តី​ដែលទើបនឹងទទួលមុខតំណែងថ្មីនាពេលនេះ ត្រូវបន្តខិតខំបំពេញកាតព្វកិច្ចតួរនាទីស្នូល​ផ្ទៃក្នុងរបស់ខ្លួន​ឲ្យកាន់តែល្អប្រសើរបន្ថែមទៀត។ ត្រូវចេះ​ព្យាយាមសាមក្គីភាព​សហការផ្ទៃក្នុង ការងារជាមួយមន្រ្តីក្រោមឱវាទឲ្យបានស្អិតរមួត។

មានប្រសាសន៍លើកឡើងបែបនេះ ខណៈឯកឧត្តម មាន ចាន់យ៉ាដា អភិបាលខេត្តឧត្តរមានជ័យ និងឯកឧត្តមប្រធានក្រុមប្រឹក្សាខេត្តឧត្តរមានជ័យ អញ្ជើញជាអធិបតីភាព ក្នុងពិធីប្រកាសចូលកាន់​មុខតំណែងនាយករដ្ឋបាល និងកែសម្រួលបំពេញបន្ថែមមន្រ្តីរាជការ ក្នុងរចនាសម្ព័ន្ធសាលាខេត្តឧត្តរមានជ័យ នាព្រឹកថ្ងៃទី៥ ធ្នូ ឆ្នាំ២០២៤នេះ។

ឯកឧត្តមអភិបាលខេត្ត បានបន្តទៀតថា ក្នុងនាមយើងជាមន្រ្តីទទួលបន្ទុកការងារការងាររដ្ឋបាល ធ្វើយ៉ាងណាត្រូវបើកចិត្តឲ្យបានទំលំទូលាយ ក្នុងការបំពេញការងារស្នូលរបស់ខ្លួន ឲ្យមាន​ប្រសិទ្ធភាព និងកម្លាភាពព្រោះថា ​មន្រ្តីថ្នាក់ក្រោម​គឺជាជំហរ និងជាសរសរស្តំដ៌រឹងមាំត្រូវ​ធ្វើការ​បំពេញ​ឲ្យ្នាទៅវិញទៅមកមិនត្រូវប្រកាន់​បក្សពួកនិយម​ទើបការងារ​យើងទទួលបាន​ជោគជ័យ​ពិសេសត្រូវក្តាប់នូវ​រាល់សភាពការណ៍​ឲ្យបានលឿន​ដើម្បី​រាយការណ៍​​ជូនថ្នាក់ដឹកនាំ​ដើម្បីធ្វើការ​ដោះស្រាយ​បានទាន់ពេលវេលាផងដែរ។

ទន្ទឹមគ្នានោះ ឯកឧត្តមសង្ឃឹមយ៉ាងម៉ុតមាំថា អស់លោក ​លោកស្រី​ដែលទើបតែងតាំង​មុខ​តំណែងថ្មី​ត្រូវអនុវត្តន៍​ការងារដោយស្មារតីមានការទទួលខុសត្រូវខ្ពស់ផងដែរ។

សូម​បញ្ជាក់ថា ក្នុងពិធីប្រកាសចូលកាន់មុខតំណែង និងកែសម្រួលបំពេញបន្ថែម​មន្រ្តីរាជការក្នុង​រចនា​សម្ព័ន្ធ​សាលា​ខេត្តនាពេលនេះដែរលោក រិទ្ធី ប៉ាក់ អភិបាលស្រុកចុងកាល់ ត្រូវបានមុខតំណែង តែងតាំង​ជា​នាយករដ្ឋបាលសាលាខេត្ត និង​កែសម្រួល​មុខងារបន្ថែម​លើ​មន្រ្តីរាជការមួយចំនួនទៀត ដើម្បីបំពេញបន្ថែមចន្លោះផងដែរ៕