នៅក្នុងទីក្រុងសេអ៊ូល ការដាក់ឲ្យអនុវត្តច្បាប់អាជ្ញាសឹក ធ្វើឲ្យមានការចងចាំ​ពីស្ថានភាពដ៏ខ្មៅងងឹត

ក្រុមអ្នកតវ៉ា បានមកប្រមូលផ្តុំគ្នានៅទីក្រុងសេអ៊ូល កាលពីថ្ងៃសុក្រ ដើម្បីទាមទារឱ្យមានការចាប់ខ្លួនប្រធានាធិបតីកូរ៉េខាងត្បូង លោក Yoon Suk Yeol ។ ក្នុងចំណោមក្រុមអ្នកតវ៉ា ក៏មានលោក Lee Chul-Woo ដែលមានអាយុ៧០ឆ្នាំ។ លោក Lee ពុំមែនជាមនុស្សចម្លែកចំពោះសកម្មភាពនយោបាយនោះទេ។ លោកបានចូលរួមក្នុងការប្រមូលផ្តុំនិស្សិតគាំទ្រលទ្ធិប្រជាធិបតេយ្យ ក្នុងទសវត្សរ៍ឆ្នាំ ១៩៨០។

នៅពេលដែល លោក Yoon ប្រកាសច្បាប់អាជ្ញាសឹកក្នុងសប្តាហ៍នេះ វាបានរំឮកភ្លាមៗពីការចងចាំនៃការរំលោភបំពានកាលពីពេលកន្លងទៅដោយបុរសខ្លាំងខាងយោធារបស់ប្រទេសកូរ៉េខាងត្បូង និងអ្នកអនុវត្តរបស់ពួកគេ។

លោក Lee បាននិយាយថា លោកត្រូវបានទាហានវាយដំ និងចាប់ខ្លួន ដោយបន្សល់ទុកនូវស្នាមរបួស ដែលនៅតែធ្វើឲ្យលោកមានសុបិន្តអាក្រក់។

លោកប្រធានាធិបតី Yoon នៅសប្តាហ៍នេះ បានធ្វើឱ្យប្រទេសភ្ញាក់ផ្អើលដោយការប្រកាសច្បាប់អាជ្ញាសឹកនៅពេលយប់ របស់លោក។ ចំណ់ការេះ បានធ្វើឲ្យានការកើនឡើងការប្រឆាំងភ្លាមៗ។ ក្រុមបាតុករ បានធ្វើដំណើរទៅកាន់សភា ជាកន្លែងដែលពួកគេប្រឈមមុខជាមួយទាហាន។

សមាជិកសភា នៅខាងក្នុង បានបោះឆ្នោតច្រានចោលសេចក្តីប្រកាសច្បាប់អាជ្ញាសឹក ដែលប៉ុន្មានម៉ោងក្រោយមក លោក Yoon បានដកចេញសេចក្តីប្រកាសនេះវិញ ។

លោក Lee Chul-Woo ដែលមានអាយុ៧០ឆ្នាំ និយាយថា «ខ្ញុំមានអារម្មណ៍ធូរស្រាលនៅពេលដែល លឺថាច្បាប់អាជ្ញាសឹក បានបរាជ័យ ប៉ុន្តែរាល់ពេលដែលខ្ញុំឮអំពីច្បាប់អាជ្ញាសឹក វានាំមកនូវការចងចាំទាំងនោះមកវិញ»។