ក្រុមហ៊ុន TikTok ខិតចូលកាន់តែជិតបម្រាមរបស់អាមេរិក បន្ទាប់ពីចាញ់បណ្តឹងឧទ្ធរណ៍

ក្រុមហ៊ុន TikTok ខិតចូលកាន់តែជិតដល់បម្រាមនៅក្នុងសហរដ្ឋអាមេរិក បន្ទាប់ពីក្រុមហ៊ុន បាន​ចាញ់​បណ្តឹងឧទ្ធរណ៍ កាលពីថ្ងៃសុក្រ ទី៦ ខែធ្នូ ប្រឆាំងច្បាប់​ដែលត​ម្រូវ​ឱ្យ​កម្ម​វិធី​ចែក​រំលែក​វីដេអូ​មួយ​នេះ ផ្តាច់ទំនាក់ទំនងចេញពីក្រុមហ៊ុនមេនៅក្នុងប្រទេសចិន នៅត្រឹមថ្ងៃទី១៩ ខែមករា ខាងមុខនេះ។

បម្រាមដ៏មានសក្តានុពល អាចធ្វើឲ្យទំនាក់ទំនងរវាងសហរដ្ឋអាមេរិក និងចិន កាន់តែតានតឹង ខណៈ ប្រធានាធិបតីជាប់ឆ្នោត លោក Donald Trump ត្រៀមចូលកាន់តំណែងនៅថ្ងៃទី២០ ខែមករា ខាងមុខ។

ក្រុមហ៊ុន TikTok និយាយថា ខ្លួននឹងប្តឹងឧទ្ធរណ៍ទៅតុលាការកំពូល ដែលអាច​ជ្រើស​រើស​ការ​ទទួល​យក​រឿងក្តីនេះ ឬត្រូវអនុវត្តតាមសេចក្តីសម្រេចរបស់តុលារការសហព័ន្ធប្រចាំតំបន់។

ក្រុមហ៊ុននិយាយថា «តុលាការកំពូល បានបង្កើត​កំណត់​ត្រា​ប្រវត្តិសាស្ត្រ​មួយ​ក្នុងកា​រ​ការពារ​សិទ្ធិ​សេរី​ភាព​បញ្ចេញមតិរបស់ពលរដ្ឋអាមេរិក ហើយយើងរំពឹងថា ពួកគេនឹងធ្វើដូច្នេះ​លើ​បញ្ហា​រដ្ឋ​ធម្មនុញ្ញ​ដ៏​សំខាន់នេះ»។

ក្រុមហ៊ុន TikTok ក៏នឹងសម្លឹងមើលទៅលើលោក Trump ដោយលើកហេតុផលថា បម្រាមនេះនឹងផ្តល់ប្រយោជន៍ជាចម្បងដល់វេទិការបស់ក្រុមហ៊ុនមេ Facebook ដែលជាកម្មសិទ្ធិរបស់ លោក Mark Zuckerberg ។

ជំហររបស់លោក Trump បង្ហាញពីការរិះគន់បែបអភិរក្សនិយមកាន់តែទូលំទូលាយលើក្រុមហ៊ុន Meta សម្រាប់ការចោទប្រកាន់ថា បានដាក់សម្ពាធលើមាតិកាស្តាំនិយម រួមទាំងអតីតប្រធានាធិបតីខ្លួនឯងដែលត្រូវបានហាមឃាត់ពីក្រុមហ៊ុន Facebook បន្ទាប់ពីកុបកម្មនៅវិមាន Capitol នៅថ្ងៃទី៦ ខែមករា ឆ្នាំ២០២១ ដោយក្រុមអ្នកគាំទ្ររបស់លោក។

រដ្ឋាភិបាលសហរដ្ឋអាមេរិកចោទប្រកាន់ ក្រុមហ៊ុនTikTok ថា អនុញ្ញាតឱ្យទីក្រុងប៉េកាំងប្រមូលទិន្នន័យ និងចារកម្មលើអ្នកប្រើប្រាស់៕