ប្រធានាធិបតីកូរ៉េខាងត្បូង លោក Yoon សុំទោសចំពោះការប្រកាសច្បាប់អាជ្ញាសឹក

ប្រធានាធិបតីប្រទេសកូរ៉េខាងត្បូង លោក Yoon Suk Yeol នៅថ្ងៃសៅរ៍ ទី៧ ខែធ្នូនេះ បានសុំទោសចំពោះការប៉ុនប៉ងរបស់លោកក្នុងការដាក់ច្បាប់អាជ្ញាសឹកក្នុងសប្តាហ៍នេះ និងបានឱនគោរព ក្នុងអំឡុងពេលថ្លែងសុន្ទរកថាតាមទូរទស្សន៍ទៅកាន់ប្រជាជាតិ នៅត្រឹមតែប៉ុន្មានម៉ោងមុនការបោះឆ្នោតដាក់ការចោទប្រកាន់ ដែលបានគ្រោងទុក។

លោក Yoon បានធ្វើឱ្យប្រទេសភ្ញាក់ផ្អើល កាលពីល្ងាចថ្ងៃអង្គារ ទី៣ ខែធ្នូ នៅពេលដែលលោកបានផ្តល់អំណាចភាពអាសន្នបន្ទាន់ដល់យោធាដើម្បីលុបបំបាត់អ្វីដែលលោកហៅថា «កងកម្លាំងប្រឆាំងរដ្ឋ» និងជម្នះលើគូប្រជែងផ្នែកនយោបាយដែលរារាំងដំណើរការ។

លោក Yoon និយាយថា លោកនឹងមិនព្យាយាមបញ្ចៀសការទទួលខុសត្រូវផ្នែកច្បាប់ និងនយោបាយសម្រាប់ការសម្រេចចិត្តរបស់លោកនោះទេ ដែលលោកបាននិយាយថា កើតចេញពីភាពភាពចាំបាច់។

សុន្ទរកថានេះ គឺជាការបង្ហាញខ្លួនជាសាធារណៈលើកដំបូងរបស់មេដឹកនាំដែលជួបភាពចម្រូងសម្រាស់ ាប់តាំងពីលោកបានដកចេញក្រិត្យច្បាប់អាជ្ញាសឹក កាលពីព្រឹកថ្ងៃពុធ ទី៤ខែធ្នូ រយៈពេលត្រឹមតែប្រាំមួយម៉ោង បន្ទាប់ពីការប្រកាស និងបន្ទាប់ពីសភា បានផ្គើនទៅនឹងរបាំងការពាររបស់យោធានិងនគរបាល ដើម្បីបោះឆ្នោតប្រឆាំងក្រឹត្យនេះ។