អភិបាលខេត្តឧត្តរមានជ័យ ផ្ដាំផ្ញើដល់មន្ដ្រីទើបតែងតាំងថ្មី ត្រូវបន្ដខិតខំ និងទទួលយក​សំណូម​បញ្ហាប្រឈមនានារបស់ពលរដ្ឋមកដោះស្រាយឱ្យមានតម្លាភាព

ឧត្តរមានជ័យ៖ ឯកឧត្តម មានចាន់យ៉ាដា ផ្តាំផ្ញើដល់អភិបាលស្រុកចុងកាល់ដែលទើប នឹងប្រកាសតែងតាំងចូលកាន់មុខតំណែងថ្មី នាពេលនេះ ត្រូវបន្តខិតខំចូលរួមការដោះស្រាយ និងទទួលយកនូវសំណូមពរប្រឈមនានា របស់ប្រជាពលរដ្ឋ មកដោះស្រាយឲ្យបានលឿន និងមានប្រសិទ្ធភាព ស្របតាមស្មារតី ទទួលខុសត្រូវខ្ពស់ផងដែរ​។

ថ្លែងបែបនេះខណៈឯកឧត្តម មាន ចាន់យ៉ាដា អភិបាលនៃគណៈអភិបាលខេត្តឧត្តរមានជ័យ និងឯកឧត្តម ប្រធានក្រុមប្រឹក្សាខេត្តបានអញ្ជើញចូលរួមប្រកាសចូលកាន់មុខតំណែង ជា​អភិបាល​នៃគណៈអភិបាលស្រុកចុងកាល់ នៃខេត្តឧត្តរមានជ័យ នាព្រឹកថ្ងៃទី៩ឆ្នូឆ្នាំ២០២៤នេះ។

ក្នុងឱកាសនោះដែរ ឯកឧត្តមអភិបាលខេត្ត បានបន្តទៀតថា ដើម្បី​បាន​ដឹង​ពី​សុខទុក្ខ​របស់​បងប្អូន​ប្រជាពលរដ្ឋ នៅក្នុងមូលដ្ឋានរបស់ខ្លួន គប្បី​អស់លោក​ត្រូវ​ចុះ​ផ្ទាល់ដល់​តាម​ខ្នង​ផ្ទះ​របស់​ប្រជាពលរដ្ឋ ​ដើម្បីបានដឹង​ពី​បញ្ហាទុក្ខ​កង្វល់នានា ​ក្នុង​ការបន្តធ្វើការអភិវឌ្ឍ​ក្នុងមូលដ្ឋាននេះ ឲ្យកាន់តែមានការអភិវឌ្ឍ​រីកចម្រើនបន្ថែមទៀតលើគ្រប់វិស័យ។

យ៉ាងណាម៉ិញ​​ ឯកឧត្តម ​បានណែំ់​ភិបាលស្រុកថ្មីត្រូវចេះ​សាមគ្គី​ ​សហការ​ការងារផ្ទៃក្នុង របស់ខ្លួន​ឲ្យបានល្អប្រសើរ មិនត្រូវមានការបែងជើង​គ្នា​ក្នុង​អង្គភាពរបស់ខ្លួននោះទេ។​ ពិសេស​នោះ​ គឺត្រូវធ្វើការបង្រ្កាបទប់ស្កាត់​រាល់បញ្ហាបទល្មើសនានា​ក្នុងមូលដ្ឋាន​របស់ខ្លួន​ឲ្យមានប្រសិទ្ធភាពខ្ពស់ ដើម្បី​ភូមិឃុំ ​មាន​សុវត្ថិភាព ធ្វើឲ្យប្រជាពលរដ្ឋ​ក្នុង​មូលដ្ឋាន​ រស់​នៅ​កាន់តែ​ទទួល​បាន​ភាព​កក់ក្តៅ​ល្អប្រសើរ​ជាងមុនៗ​ផងដែរ។

សូមបញ្ជាក់ផងដែរថា ក្នុងពិធីប្រកាសចូលកាន់មុខតំណែង លោក លី រដ្ឋា ឋានន្តរសក្ដិ​ឧត្តមមន្រ្តី​ថ្នាក់លេខ៦ ត្រូវ​បាន​ប្រកាស​តែងតាំង​មុខតំណែង​ជាអភិបាលនៃ​គណៈអភិបាល​ស្រុកចុងកាល់ ជំនួសលោក រិទ្ធី ប៉ាក់ ត្រូវផ្ទេរ​មុខងារ​ទៅ​ជា​នាយករដ្ឋបាលសាលាខេត្តឧត្ដរមានជ័យ៕