សមាគមក្នុងស្រុកមួយអំពាវនាវដល់ម្ចាស់អាជីវកម្ម គិតគូរពីស្តង់ដារ​ផលិតផល ដើម្បីបើករបាំងការប្រកួតប្រជែង

ប្រធានសមាគមក្នុងក្នុងស្រុកមួយ អំពាវនាវដល់ម្ចាស់អាជីវកម្មធ្វើធុរកិច្ចទាំងអស់ ជាពិសេស​សមាជិក​របស់សមាគម ត្រូវគិត គូរលើក កម្ពស់ខ្សែច្រវាក់ផលិតកម្ម ធានានូវគុណភាព សុវត្ថិភាព និង​អនាម័យប្រកបដោយស្តង់ដារ ដើម្បីបើកនូវរបាំងបច្ចេកទេស ឈានទៅ ប្រកួត​ប្រជែង​ផលិត​ផល​របស់​ខ្លួនទាំងក្នុង និងក្រៅស្រុក។

លោក សួន ម៉ិ ប្រធានសមាគមសហគ្រិនវីម៉ូកម្ពុជា លើកឡើងក្នុងជំនួបអាជីវកម្ម ការផ្គូរផ្គង​អាជីវកម្ម សម្រាប់សហគ្រាសធុន តូច និងមធ្យមនៅកម្ពុជា នៅចុងសប្តាហ៍កន្លងមកថា ជុំវិញ​ការធ្វើធុរកិច្ចនៅកម្ពុជានេះ សមាគមបានយកចិត្តទុកដាក់យ៉ាងខ្លាំង តាម​រយៈ​ការ​បណ្តុះ​បណ្តាល​ជំនាញ ការស្វែងរកទីផ្សារ និងការចាប់ដៃគូរអាជីវកម្ម ដោយមាន​គោលដៅ​សំខាន់​គឺ​ជំរុញ​ដល់​កិច្ច​ដំណើរការអាជីវកម្មរបស់ពួកគាត់ ក្នុងនោះប្រសិនអាជីវកម្មដំណើរការប្រកបដោយជោគជ័យ វា​មិន​ត្រឹមជួយបង្កើប្រកំណូលដ់ួកគាត់ ប៉ុណ្ណោះទេ គឺថែមទាំង​បង្កើត​ការងារ​ជូន​ប្រជា​ពលរដ្ឋ និងការចូលរួមក្នុងសេដ្ឋកិច្ចជាតិផងដែរ។

លោកបន្តថា បញ្ហានេះ, ចំពោះការលើកកម្ពស់គុណភាព សុវត្ថិភាព និង​អនាម័យ​ផលិត​ផល​ប្រកប​ដោយ​ស្តង់ដារ គឺជារឿង សំខាន់បំផុតរបស់សហគ្រិនគ្រប់ៗរូប ដើម្បីបង្កើនការ​លក់​ផលិត​ផល​នៅ​តាម​ទីផ្សារឲ្យមានការប្រកួតប្រជែងខ្ពស់ ព្រោះកាអនុវត្ត តាមស្តង់ដារ​គឺជាមូល​ដ្ឋាន​គ្រឹះ​បើក​នូវ​របាំងបច្ចេកទេស ដើម្បីលើកកម្ពស់ដល់បរិយាប័ន្នលើការធ្វើអាជីវកម្ម ពាណិជ្ជកម្ម នៃ​ការ​ឈាន ទៅប្រកួតប្រជែងផលិតផលទាំងក្នុង និងក្រៅស្រុក។

អញ្ជើញជាវាគ្មិនក្នុងវិធីនេះដែរ, ឯកឧត្តម ឆាត សុឆេត រដ្ឋលេខាធិការក្រសួងធម្មការ និងសាសនា បាន​ធ្វើការចែករំលែក នូវចំណេះដឹងផ្សេងៗជាច្រើនពាក់ព័ន្ធនិងការធ្វើអាជីកម្ម ដោយក្នុង​នោះ​ឯកឧត្តម បានលើកឡើងថា ការចាប់ផ្តើមដំណើរការអាជីវកម្ម ពិតណាស់យើង​បាន​ចំណាយ​ទាំង​កំលាំង​កាយ​ចិត្ត និងចំណាយថវិកា ដើម្បីកិច្ចដំណើរការក្នុងប្រតិបត្តិការអាជីវកម្ម, ក្នុងនោះការ ធ្វើ​អាជីវកម្ម ត្រូវធ្វើអ្វីដែលខ្លួនយើងស្រឡាញ់ពេញចិត្ត ឆ្លើយតបនិងតម្រូវការ និងមានចំណេះ ជំនាញ​បន្ថែម ដើម្បីគ្រប់គ្រង់អាជីវកម្ម នោះឱ្យដំណើរការ ។ បញ្ហានេះ យើងក៏មិន​ត្រូវ​ធ្វើ​អ្វី​ដែល​ខ្លួន​ចង់​ធ្វើ គឺយើងធ្វើអ្វីដែលទីផ្សារពុំទាន់មាន និងការចង់បានអតិថិជន ទើបយើងទម្លុះរបាំង​ដើរ​ទៅ​មុខ​ប្រកបដោយជោគជ័យ។

ឯកឧត្តម បន្តថា ចំណែកអាជីវកម្មខ្លះដែលបរាជ័យក្នុងខ្សែច្រវាក់ផលិតកម្ម ដោយសារ​ពួក​គាត់​ភ្លេច​គិត​ថា តើអតិថិជនរបស់ គាត់ចង់បានអី? ដូច្នេះម្ចាស់អាជីវកម្មគ្រប់រូបត្រូវគិតពិចារណាថា ដើម្បី​ធ្វើអាជីកម្មជោគជ័យ យើងត្រូវដឹងថា នណាជាអតិថិជនរបស់ យើង។ បញ្ហា​នេះ​ធ្វើ​អាជីវ​កម្ម​ត្រូវ​មាន​ភាពឆ្លាតវៃ ដើម្បីក្តោបយកឱកាសទាំងនោះ ជំរុញការធ្វើអាជីវកម្មឱ្យចំគោលដៅ៕ អត្ថបទ៖ សុន រ៉ាឌី