មេដឹកនាំចិនលោក Xi Jinping ព្រមានសហរដ្ឋអាមេរិកប្រឆាំងការបង្កាត់ភ្លើងសង្គ្រាមពាណិជ្ជកម្មឡើងវិញ

លោកប្រធានាធិបតីចិន Xi Jinping បានព្រមានសហរដ្ឋអាមេរិកជាថ្មីទៀតប្រឆាំងនឹងការបង្កាត់ភ្លើងសង្គ្រាមពាណិជ្ជកម្មឡើងវិញដោយនិយាយថានឹងមិនមានអ្នកឈ្នះឡើយ ទន្ទឹមនឹងលោកបានប្តេជ្ញាការពារផលប្រយោជន៍សេដ្ឋកិច្ចរបស់ប្រទេសលោក។

លោក Xi បានគូសបញ្ជាក់បែបនេះកាលពីថ្ងៃអង្គារទី១០ធ្នូសប្ដាហ៍នេះ ក្នុងអំឡុងកិច្ចប្រជុំជាមួយប្រធានស្ថាប័នហិរញ្ញវត្ថុពិភពលោកមួយចំនួន រួមទាំងធនាគារពិភពលោក និងមូលនិធិរូបិយវត្ថុអន្តរជាតិ មួយថ្ងៃបន្ទាប់ពីក្រុមនិយតករចិនបានប្រកាសពីការស៊ើបអង្កេតប្រឆាំងនឹងទំនុកចិត្ត លើក្រុមហ៊ុនផលិតបន្ទះឈីបអាមេរិក អិនវីឌៀ(Nvidia) ។

ការស៊ើបអង្កេតនេះត្រូវបានគេមើលឃើញយ៉ាងទូលំទូលាយថាជាការកើនឡើងខ្លាំងក្នុងសមរភូមិពាណិជ្ជកម្ម ស្របពេមនការកើនឡើងឥទ្ធិពលរបស់ប្ហាសិប្បនិម្មិត AI ដែលទាំងទីក្រុងវ៉ាស៊ីនតោន ទាំងទីក្រុងប៉េកាំង ជឿថាមានសារៈសំខាន់ក្នុងការការពារសន្តិសុខជាតិ សូម្បីតែមុនពេលលោក Donald Trump ត្រឡប់ទៅកាន់សេតវិមានវិញក៏ដោយ។

មុនចូលកាន់អំណាចថ្ងៃទី២០មករា ឆ្នាំ២០២៥ លោក Trump បានប្រកាសក្ដែងៗថា លោកនឹងដំឡើងបន្ថែមទៀត លើប្រទេសចិន និងប្រទេសមួយចំនួនទៀត។

យោងតាមទូរទស្សន៍រដ្ឋចិន CCTV លោក Xi បាននិយាយថា សង្គ្រាមដំឡើងពន្ធ សង្គ្រាមពាណិជ្ជកម្ម និងសង្គ្រាមបច្ចេកវិទ្យា ផ្ទុយនឹងនិន្នាការប្រវត្តិសាស្ត្រ និងច្បាប់សេដ្ឋកិច្ច ហើយនឹងគ្មានអ្នកឈ្នះនោះទេ៕