កម្ពុជា និងសហភាពអឺរ៉ុបបើកវគ្គហ្វឹកហ្វឺនរួមគ្នាស្តីពីការទប់ស្កាត់ សារធាតុគីមី ជីវសាស្រ្ត វិទ្យុសកម្ម និងនុយក្លេអ៊ែរ

អគ្គលេខាធិការដ្ឋានអាជ្ញាធរជាតិអាវុធគីមីក្រសួងការពារជាតិកម្ពុជា និងមជ្ឈមណ្ឌលឧត្តមភាព ផ្នែកគីមីសាស្រ្ត ជីវសាស្រ្ត វិទ្យុសកម្ម និងនុយក្លេអ៊ែរ របស់សហភាពអឺរ៉ុប បានបើកវគ្គហ្វឹកហ្វឺនរួមគ្នា ស្តីពីការពង្រឹងជំនាញ និងចំណេះដឹងក្នុងការយកសំណាកគំរូសារធាតុគីមី ជីវសាស្រ្ត វិទ្យុសកម្ម និងនុយក្លេអ៊ែរ(CBRN) ការប្រមូលភស្តុតាង, និងការគ្រប់គ្រងកន្លែងមានឧប្បត្តិហេតុ, សារធាតុគីមី, ជីវសាស្រ្ត, នុយក្លេអ៊ែរ, វិទ្យុសកម្ម,ការដឹកជញ្ជូនសំណាកសារធាតុគីមី, និងការពារសុវត្ថិភាពដែលកើតចេញបីសារធាតុគីមីជាដើម។

វគ្គហ្វឹកហ្វឺននេះ គឺបានធ្វើឡើងរយៈពេល ១០ថ្ងៃគឺចាប់ពីថ្ងៃទី២ ដល់ថ្ងៃទី១២ ខែធ្នូ ឆ្នាំ២០២៤នេះ នៅបន្ទាយលង្វែក ស្រុកកំពង់ត្រឡាច ខេត្តកំពង់ឆ្នាំង ដោយមានគ្រូជំនាញផ្នែកសារធាតុគីមីរបស់សហគមន៍អឺរ៉ុបចូលរួមបណ្តុះបណ្តាល និងសិក្ខាកាមមកពីអន្តរក្រសួងរបស់កម្ពុជាប្រមាណជិតពីរ រយនាក់។

ថ្លែងប្រាប់ទូរទស្សន៍BTV ក្រោយបិទវគ្គហ្វឹកហ្វឺននេះលោកឧត្តមសេនីយ៍ត្រី សួន ដស នាកងទ្យស្ថានស្រាវជ្រាវ និងពិសោធន៍សារអាវុធធាតុគីមី និងជាមេបញ្ជាការ កម្លាំងឆ្លើយតបឧប្បត្តិវហេតុ គីមី ជីវសាស្ត្រ នុយក្លេអ៊ែរ និង វិទ្យុសកម្ម នាថ្ងៃទី១២ ខែធ្នូ ឆ្នាំ២០២៤នេះបានឲ្យដឹងថា វគ្គហ្វឹកហ្វឺននេះគឺធ្វើ ឡើងដើម្បីឆ្លើយតបការសង្រ្គោះ និងការអន្តរាគមន៍បឋមចំពោះបញ្ហាសារធាតុគីមី គីមីសាស្រ្ត វិទ្យុសកម្ម ឬសារធាតុនុយក្លេអ៊ែរដែលនឹងកើតឡើងជាយថាហេតុណាមួយនោះ។

លោកឧត្តមសេនីយ៍ ត្រី បានបន្តថា វគ្គហ្វឹកហ្វឺននេះ គឺបានធ្វើឡើងលើប្រធានបទជាច្រើន ដូចជា នីតិវិធីស្តង់ដាសម្រាប់ការយកគំរូសំណាកសារធាតុគីមី និងការដំណើរការអនុវត្តជាក់ស្តែង ការគ្រប់គ្រងគំរូ សំណាកសារធាតុគីមី ការរៀបចំទុកដាកសំណល់សារធាតុគីមីតាមគោលដៅដែលជាសេណារីយ៉ូបានកំ កំណត់ជាដើម។

លោកឧត្តមសេនីយ៍ត្រី សួន ដុស លើកឡើងផងដែរថា ក្រោយមានការយកចិត្តទុកដាក់ពីសិក្ខាកាមបានធ្វើឲ្យវគ្គហ្វឹកហ្វឺននេះទទួលបានលទ្ធផលល្អប្រសើរ ប្រកបដោយផ្លែផ្កាទាំងគុណភាព និងប្រសិទ្ធ ភាពក្នុងការឆ្លើយតបរាល់ឧប្បត្តិវគ្គហេតុផ្សេងៗដែលបង្ករឡើងដោយគីមីសាស្រ្ត ជីវសាស្រ្ត វិទ្យុសកម្ម និង នុយក្លេអ៊ែរ ក្នុងព្រឹត្តិការយកសំណាក ខ្ចប់វេច ដឹកជញ្ជូន ដើម្បីរក្សាទុកបន្សាបសារធាតុគីមីជាក់ស្តែងនា ពេលខាងមុខ ដែលបានសន្សល់ពីសម័យសង្រ្គាម ក្នុងព្រះរាជាណាចក្រកម្ពុជាផងដែរ។

ជាមួយគ្នានោះដែរ លោកឧត្តមសេនីយ៍ត្រី ក៏បានឲ្យដឹងផងដែរថា អគ្គលេខាធិការដ្ឋានអាជ្ញាធរជាតិអាវុធគីមីក្រសួងការពារជាតិកម្ពុជា និងមជ្ឈមណ្ឌលឧត្តមភាព ផ្នែកគីមីសាស្រ្ត ជីវសាស្រ្ត វិទ្យុសកម្ម និងនុយក្លេអ៊ែរ របស់សហភាពអឺរ៉ុប និងមានវគ្គបណ្តុះបណ្តាល វគ្គហ្វឹកហ្វឺនជំនាញការពារសុវត្ថិភាពដែល កើតចេញពីសារធាតុគីមីសាស្រ្ត ជីវសាស្រ្ត វិទ្យុសកម្ម និងនុយក្លេអ៊ែរនេះនាពេលខាងមុខជាបន្តបន្ទាប់ ទៀតផងដែរ៕

អត្ថបទបាន ចក់