ឯកឧត្តម ទេសរដ្ឋមន្រ្តី គន់ គីម ដឹកនាំកិច្ចប្រជុំផែនការសកម្មភាពជាតិសម្រាប់ការកាត់បន្ថយហានិភ័យគ្រោះឆ្នាំ២០២៤-២០២៨

ភ្នំពេញ៖ នៅថ្ងៃទី១៦ ខែធ្នូ ឆ្នាំ២០២៤ ឯកឧត្តមកិត្តិសង្កហបណ្ឌិត គន់ គីម ទេសរដ្ឋមន្រ្តី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ(គ.ជ.គ.ម) បានអញ្ជើញបើកកិច្ចប្រជុំផ្សព្វផ្សាយច្បាប់(គ.ជ.គ.ម) ថ្នាក់ជាតិដល់ថ្នាក់ក្រោមជាតិ និងដាក់ចេញផែនការសកម្មភាពជាតិសម្រាប់ការកាត់បន្ថយហានិភ័យគ្រោះមហន្តរាយឆ្នាំ២០២៤-២០២៨ ដោយមានការចូលរួមពីឯកឧត្តម អនុប្រធាន ទីប្រឹក្សា ជំនួយការ អគ្គលេខាធិការរង និងប្រធាននាយកដ្ឋាន។

ឯកឧត្តម ទេសរដ្ឋមន្រ្តី មានប្រសាសន៍ថា គោលបំណងផ្សព្វផ្សាយច្បាប់(គ.ជ.គ.ម) ដើម្បីបញ្ជ្រៀបដល់ថ្នាក់រាជធានីខេត្ត ស្រុក ក្រុង ខណ្ឌ សង្កាត់ ឃុំ ភូមិ ឱ្យពីច្បាប់គណៈកម្មាធិការជាតិគ្រប់គ្រងគ្រោះមហន្តរាយអោយកាន់តែប្រសើរឡើង។

ឯកឧត្តម ទេសរដ្ឋមន្រ្តី មានប្រសាសន៍ទៀតថា គណៈកម្មាធិការជាតិគ្រប់គ្រងគ្រោះមហន្តរាយជាសេនាធិការរបស់រាជរដ្ឋាភិបាលនៃការគ្រប់គ្រងគ្រោះមហន្តរាយ ដែលជាអភិក្រមរួម និងជាមាគ៌ាឆ្ពោះទៅបរិវត្តកម្មសង្គម សេដ្ឋកិច្ច ដើម្បីធានាឱ្យសង្គមទាំងមូលអាចត្រៀមខ្លួនបានល្អក្នុងការការឆ្លើយតបទៅនឹងបញ្ហាប្រឈមចម្រុះ និងមិនប្រាកដប្រជានៃសកលភាវូនីយកម្មចីរភាពបរិស្ថាន និងការប្រែប្រួលអាកាសធាតុ ដោយផ្តោតលើកិច្ចការអាទិភាពទី៥ ការធានាចីរភាពបរិស្ថាន និងការរៀបចំខ្លួនឆ្លើយតបទៅនឹងការប្រែប្រួលអាកាសធាតុ ព្រមទាំងការលើកកម្ពស់សេដ្ឋកិច្ចបៃតង៕