អ្នកស្ម័គ្រចិត្ដបង្រៀនកុមារភៀសសឹក អំពាវនាវ​ដល់​សហគមន៍​អន្តរជាតិ​ជំរុញ​ថៃ​ឱ្យ​ដោះលែង​កងទ័ព​កម្ពុជា ១៨រូប

គ្រូបង្រៀនស្ម័គ្រអប់រំកុមារភៀសសឹក នៅមណ្ឌលសុវត្ថិភាពស្រុកស្រីស្នំ ខេត្ដសៀមរាប បាន​អំពាវ​នាវ​ដល់​សហគមន៍អន្តរជាតិ ឱ្យជំរុញថៃឱ្យដោះលែងកងទ័ពកម្ពុជា១៨រូបមកកម្ពុជាវិញ ដើម្បី​ឱ្យ​បាន​ជួប​ក្រុម​គ្រួសារពួកគាត់ ព្រមទាំងឱ្យកងទ័ពថៃអនុវត្ដបទឈប់បាញ់ឱ្យបានហ្មត់ចត់ ខណៈ​ដែល​កម្ពុជា​ចង់​បានតែសន្ដិភាព។

គ្រូបង្រៀនស្ម័គ្រចិត្ដ ពួកគាត់បានលើឡើងថា វីរៈកងទ័ពរបស់កម្ពុជា បានអនុវត្ដយ៉ាងម៉ឺងម៉ាត់ ចំពោះ​បទ​ឈប់បាញ់ ដើម្បីផ្ដល់​សុខ​សន្ដិភាព​ដល់​ប្រជាពលរដ្ឋ​នៃ​ប្រទេស​ទាំង​ពីរ​។​អ្ន​ក​ស្ម័គ្រចិត្ត​បាន​លើក​ឡើងថា ការពន្យាពេលដោះលែងកងទ័ពកម្ពុជានេះ ធ្វើឱ្យគ្រួសារពួក​គាត់​មាន​ការ​ព្រួយ​បារម្ភ​ខ្លាច​ប៉ះពា​ល់ពីសុខភាព និងអារម្មណ៍ ទើបពួកគាត់ទទួច​អោយ​សហគមន៍​អន្ដរ​ជាតិ​ឱ្យ​រដ្ឋាភិបាល​ថៃ​ដោះលែ​ងវីរកងទ័ពចំនួន១៨នាក់មកវិញ ដែលត្រូវបានថៃចាប់ខ្លួនក្រោយ​បទ​ឈប់​បាញ់​ជាធរមាន ព្រោះកម្ពុជាចង់បានតែសន្ដិភាព ខណៈដែលការបង្កជម្លោះនេះ នាំឱ្យបាត់​បង់​ទ្រព្យ​សម្បត្ដិ និងប៉ះពាល់ដល់កាសិក្សារបស់កូនៗផងដែរ។ ពួកគាត់លើកឡើថា វីរ​កងទ័ព​ដែល​យោធា​ថៃ​ចាប់​ខ្លួនក្រោយបទឈប់បាញ់ មានរយយៈពេលជាង៤០ថ្ងៃហើយ ប៉ុន្ដែភាគីកងទ័ពថៃ នៅ​តែ​នៅតែមិនដោះលែងកងទ័ពកម្ពុជាចំនួន១៨នាក់​មកអោយកម្ពុជា​វិញ​។​ ការ​ពន្យា​ពេល​ដោះ​លែង​នេះ ធ្វើឱ្យកុមារភៀសសឹកនេះ មានការភ័យខ្លាច ជាពិសេស អាណាព្យា​បាល​ពួក​គាត់​មិន​ហ៊ាន​ត្រឡប់​ទៅកាន់លំនៅឋានវិញ។

បើតាមរបាយការណ៍រដ្ឋបានស្រុកស្រីស្នំ បានបង្ហាញថា គិតត្រឹមថ្ងៃទី៧ខែកញ្ញានេះ មាន​ពលរដ្ឋ​ភៀស​សឹក​បន្ដស្នាក់នៅមណ្ឌលសុវត្ថិភាពស្រុកស្រីស្នំ ខេត្ដសៀមរាប មានចំនួន ២៤៦គ្រួសារ ស្នើរ​នឹង៨៤៨នាក់ ក្នុងមានកុមារចំនួន៣០៤នាក់ ។ការស្នាក់នៅបន្ដនេះ ដោយសារ​លំនៅ​ឋាន​ពួក​គាត់​ជិត​ព្រំដែន មានគ្រាប់មិនទាន់ផ្ទុះ និងបារម្ភពីផ្សែងពុល៕