វិទ្យាស្ថានពហុបច្ចេកទេសមិត្តភាពកម្ពុជា-ចិន ខេត្តព្រះសីហនុ ផ្តល់អាហារូបករណ៍ ៨៧០កន្លែង លើ១២មុខជំនាញ និងប្រាក់ឧបត្ថម្ភដល់យុវជនមកពីគ្រួសារក្រីក្រ និងគ្រួសារងាយរងហានិភ័យ

វិទ្យាស្ថានពហុបច្ចេកទេសមិត្តភាពកម្ពុជា ចិន ខេត្តព្រះសីហនុ នៃក្រសួងការងារ និង​បណ្តុះ​បណ្តាល​វិជ្ជា​ជីវៈ ផ្តល់អាហារូបករណ៍ចំនួន ៨៧០កន្លែង លើ ១២មុខជំនាញ ដល់យុវជន​មក​ពី​គ្រួសារ​ក្រីក្រ និងគ្រួសារងាយរងហានិភ័យ ព្រមទាំងផ្ដល់​ប្រាក់​ឧបត្ថម្ភ​ប្រចាំ​ខែ​ក្រោម​កម្ម​វិធី​បណ្តុះ​បណ្តាល​ជំនាញ​វិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយ​រង​ហានិភ័យ​ (TVET 1.5M)។ សម្រាប់ប្រជាពលរដ្ឋ និងយុវជន ដែលមិនមែនជាក្រុមគោលដៅ ក៏​អាច​ស្នើ​ចុះឈ្មោះចូលសិក្សាបានដោយឥតគិតថ្លៃផងដែរ ប៉ុន្តែមិន​ទទួល​បាន​ប្រាក់​ឧបត្ថម្ភ​នោះ​ឡើយ​។

មុខជំនាញទាំង១២ នោះ រួមមាន សេវាកម្មកុំព្យូទ័រ, ការងារកំបោរ, សេវាកម្មសម្អាងកាយ, ការ​កែ​ច្នៃ​បន្លែ​ និងផ្លែឈើ, ការដំឡើងបណ្តាញបំពង់ទឹក, ការថែទាំ និងជួសជុលរថយន្ត, ការ​ដំឡើង​បណ្តាញ​អគ្គិសនី​ក្នុង​អគារ, សេវាកម្មបរិក្ខារត្រជាក់ក្នុងគេហដ្ឋាន, ការថែទាំ និងជួស​ជុល​ម៉ាស៊ីន​ធុន​តូច​, ការថែទាំ និងជួសជុលបរិក្ខារអេឡិចត្រូនិក, ការថែទាំ និងជួសជុលទោចក្រយានយន្ត, និ​ង​ការ​ផ្សារលោហៈដោយធ្នូអគ្គិសនី (ធូប)។

ការសិក្សាវគ្គថ្មី នឹងចាប់ផ្តើមរៀងរាល់ដើមខែនីមួយៗ។ សម្រាប់ព័ត៌មានអំពីការចុះឈ្មោះចូលរៀន សូម​ទាក់​ទងទៅកាន់ទូរសព្ទលេខ ០១២ ២៦១ ២៤២/ ០១៦ ៦៣៣ ៣៦៧/ ០៩៨ ៧៧៧ ៨០៧/ ០៩៦ ២៩៩ ៧៥៧៤ ឬ អញ្ជើញមកវិទ្យាស្ថានពហុបច្ចេកទេសមិត្តភាពកម្ពុជា ចិន ខេត្ត​ព្រះ​សីហនុ ដោយផ្ទាល់ដែលមានអាសយដ្ឋាននៅភូមិពូធឿង សង្កាត់បិតត្រាង ក្រុងកំពង់សោម ខេត្ត​ព្រះសីហនុ ស្ថិតនៅក្នុងតំបន់សេដ្ឋកិច្ចពិសេសខេត្តព្រះសីហនុ (SSEZ)៕