គណៈប្រតិភូសភាកម្ពុជា អញ្ជើញចូលរួម កិច្ចប្រជុំ ASEAN+3 និង APG នៃមហាសន្និបាតសភាពអន្តរសភាលើកទី១៥១ (151st IPU Assembly)

កាលពីព្រឹកថ្ងៃទី១៩ ខែតុលា ឆ្នាំ២០២៥ លោកជំទាវ ខេង សំវ៉ាដា អនុប្រធានគណៈកម្មការការអប់រំ យុវជន កីឡា ធម្មការ សាសនា វប្បធម៌ វិចិត្រសិល្បៈ និងទេសចរណ៍ នៃរដ្ឋសភា និងឯកឧត្តម ទី សុគន្ធ លេខាធិការគណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាននៃរដ្ឋសភា បានអញ្ជើញអម ឯកឧត្តម ងី ច័ន្រ្ទផល ប្រធានគណៈកម្មការទី១ព្រឹទ្ធសភា ចូលរួមកិច្ចប្រជុំអាស៊ានបូកបី (ASEAN+3)ដែលដឹកនាំដោយប្រធានគណៈប្រតិភូសិង្ហបុរី និងនិងកិច្ចប្រជុំក្រុមភូមិសាស្ត្រនយោបាយតំបន់អាស៊ី-ប៉ាស៊ីហ្វិក (Asia-Pacific Group) ដែលដឹកនាំដោយប្រធានប្រតិភូសភាចិន នៅក្នុងមហាសន្និបាតសភាពអន្តរសភាលើកទី១៥១ (151st IPU Assembly) នាទីក្រុងហ្សឺណែវ ប្រទេសស្វីស។

កិច្ចប្រជុំនេះបានធ្វើការពិភាក្សាលើរបាយការណ៍សកម្មភាពនៃក្រុមអាស៊ានបូកបី (ASEAN+3) និងក្រុមភូមិសាស្ត្រនយោបាយតំបន់អាស៊ី-ប៉ាស៊ីហ្វិក (Asia-Pacific Group) កាលពីថ្ងៃទី៥ ខែមេសា ឆ្នាំ២០២៥ នៅក្នុងមហាសន្និបាត IPU លើកទី១៥០ និងសម្រេចលើការបំពេញកន្លែងទំនេរនៃគណៈកម្មាធិការផ្សេងៗក្នុងក្របខ័ណ្ឌ IPU ការពិនិត្យមើលលើរបៀបវារៈបន្ទាន់ និងប្រកាសពីប្រធានអាស៊ានបូកបី (ASEAN+3) សម្រាប់កិច្ចប្រជុំបន្ទាប់។