សហរដ្ឋអាមេរិក ប្រកាសថា នឹងដកបម្រាមផ្នែកសព្វាវុធលើកម្ពុជា អំឡុងទស្សនកិច្ចអាស៊ីរបស់លោក Trump

យោងតាមរបាយការណ៍ប្រព័ន្ធផ្សព្វផ្សាយ ស្ដីពីកិច្ចព្រមព្រៀងសន្តិភាពទីក្រុងគូឡាឡាំពួ នៅថ្ងៃទី២៦ ខែតុលា ឆ្នាំ២០២៥ បានឱ្យដឹងថា ពិភពលោកបានមើលឃើញនូវវឌ្ឍនភាពការទូតដ៏កម្រ និងជាប្រវត្តិសាស្រ្តមួយនៅទីក្រុងគូឡាឡាំពួរ ប្រទេសម៉ាឡេស៊ី អំឡុងកិច្ចប្រជុំកំពូលអាស៊ាន។

នៅក្រោមការឃ្លាំមើលយ៉ាងយកចិត្តទុកដាក់របស់ថ្នាក់ដឹកនាំក្នុងតំបន់ និងសារព័ត៌មានអន្តរជាតិ លោកប្រធានាធិបតីអាមេរិក Donald Trump —ក្នុងដំណើរទស្សនកិច្ចអាស៊ីលើកដំបូងរបស់លោកនៃអាណត្តិទីពីរ — បានធ្វើជាអធិបតីក្នុងពិធីចុះហត្ថលេខាកិច្ចព្រមព្រៀងសន្តិភាពទីក្រុងគូឡាឡាំពួរ ដែលជាកិច្ចព្រមព្រៀងដ៏សំខាន់មួយ ដែលបានបញ្ចប់ភាពតានតឹងព្រំដែនរវាងសថៃ និងកម្ពុជា។

កិច្ចព្រមព្រៀងនេះ ក៏មើលឃើញសហរដ្ឋអាមេរិក បានយល់ព្រមដកបម្រាមសព្វាអាវុធមកលើកម្ពុជា ដោយលើកឡើងពី «ការប្រឹងប្រែងស្វែងរកសន្តិភាព» របស់ប្រទេសនេះ។ ភាគីទាំងពីរក៏បានប្តេជ្ញាថានឹងចាប់ផ្តើមសមយុទ្ធការពារ ដែលគេហៅថា “សមយុទ្ធឆ្មាំអង្គរ” (ANGKOR SENTINEL) ឡើងវិញ ដែលបានផ្អាកចាប់តាំងពីឆ្នាំ២០១៧មក និងពង្រីកកិច្ចសហប្រតិបត្តិការលើឧក្រិដ្ឋកម្មឆ្លងដែន។

លើសពីនេះទៅទៀត ឥឡូវនេះ ក្រុមមន្រ្តីកម្ពុជា នឹងអាចចូលរៀននៅមហាវិទ្យាល័យយោធាសហរដ្ឋអាមេរិក បានកាន់តែច្រើនឡើងថែមទៀត ដែលជាជំហានដ៏សំខាន់មួយដើម្បីពង្រឹងទំនាក់ទំនងផ្នែកវិជ្ជាជីវៈ និងការកសាងថ្នាក់ដឹកនាំនាពេលអនាគត៕