ព័ត៌មាន
ឯកឧត្តម ហង់ជួន ណារ៉ុន៖ «ប្រតិភូកាយរឹទ្ធិជាតិកម្ពុជាទៅចូលរួមការបោះជំរំនៅសិង្ហបុរីទាំងអស់ត្រូវចងចាំជានិច្ចថា ខ្លួនជាទូតសុឆន្ទៈរបស់ជាតិ រាល់សកម្មភាព ឥរិយាបថ គឺបង្ហាញពីវប្បធម៌ សុជីវធម៌ និងមុខមាត់ជាតិយើង»
ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា នៅថ្ងៃទី១៣ ខែវិច្ឆិកា ឆ្នាំ២០២៥ បានទទួលជួបសម្តែងការគួរសម និងសំណេះសំណាលជាមួយប្រតិភូកាយរឹទ្ធិជាតិកម្ពុជាចំនួន ៣៨នាក់ ដែលនឹងចូលរួមការបោះជំរំកាយរឹទ្ធិអន្តរជាតិសិង្ហបុរី (Singapore International Jamboree 2025) ប្រព្រឹត្តទៅចាប់ពីថ្ងៃទី១៨ ដល់ថ្ងៃទី២៣ ខែវិច្ឆិកា ឆ្នាំ២០២៥ នៅប្រទេសសិង្ហបុរី ដោយមានការចូលរួមពីសំណាក់ លោកជំទាវ អគ្គនាយកនៃអគ្គនាយកដ្ឋានយុវជន និងជាប្រធានស្នងការ កាយរឹទ្ធិជាតិកម្ពុជា (ក.ជ.ក) ឯកឧត្តម លោកជំទាវ លោក លោកស្រី សមាជិក សមាជិកា ក.ជ.ក។
នាឱកាស ឯកឧត្តមបណ្ឌិតសភាចារ្យ ហង់ជួន ណារ៉ុន អបអរសាទរដល់ប្រតិភូកាយរឹទ្ធិជាតិកម្ពុជាទាំង៣៦នាក់ និងមេដឹកនាំកាយរិទ្ធិ២នាក់ ដែលមានឱកាសជាតំណាងឱ្យកាយរឹទ្ធិជាតិកម្ពុជា ចូលរួមក្នុងការបោះជំរំអន្តរជាតិសិង្ហបុរី ដែលជាកិត្តិយសដ៏ធំធេងមួយ។ ដូច្នេះហើយ ក្នុងពេលបំពេញបេសកកម្ម សូមប្រតិភូកាយរឹទ្ធិជាតិកម្ពុជាទាំងអស់ត្រូវចងចាំជានិច្ចថា ខ្លួនគឺជាទូតសុឆន្ទៈរបស់ជាតិ រាល់សកម្មភាព ឥរិយាបថ និងការប្រាស្រ័យទាក់ទង គឺបង្ហាញពីវប្បធម៌ សុជីវធម៌ និងមុខមាត់របស់ប្រជាជនកម្ពុជាយើង ហើយត្រូវប្រឹងប្រែងឱ្យអស់ពីសមត្ថភាព ដើម្បីសិក្សារៀនសូត្រ ផ្លាស់ប្ដូរបទពិសោធ និងពង្រីកចំណេះដឹងថ្មីៗពីមិត្តភក្ដិកាយរឹទ្ធិអន្តរជាតិ។ បន្ថែមលើនេះ សូមក្រុមការងារ រៀបចំកិច្ចប្រជុំដោយឡែក ដើម្បីណែនាំប្រតិភូកាយរឹទ្ធិជាតិកម្ពុជា លម្អិតលើការត្រៀមខ្លួនបន្ថែម ពាក់ព័ន្ធនឹងដំណើរការនៃកម្មវិធី ការត្រៀមលក្ខណៈ និងសម្ភារៈចាំបាច់ និងសំខាន់បំផុត គឺសុវត្ថិភាពទាំងផ្នែកសុខភាព រាងកាយ និងស្មារតី។
តាងនាមថ្នាក់ដឹកនាំកាយរិទ្ធិជាតិកម្ពុជា ឯកឧត្តមបណ្ឌិតសភាចារ្យ ឧបនាយករដ្ឋមន្រ្ដី បានជូនពរប្រតិភូកាយរិទ្ធិទាំង ៣៨នាក់ ឱ្យបំពេញបេសកកម្មប្រកបដោយភាពជោគជ័យ និងសូមយកឱកាសដ៏មានតម្លៃនេះ ដើម្បីសិក្សារៀនសូត្រឱ្យបានទូលំទូលាយពីប្រទេសសិង្ហបុរីដែលជាម្ចាស់ផ្ទះ និងបណ្តាប្រទេសផ្សេងទៀតដែលចូលរួម ដើម្បីពង្រីកទស្សនៈវិស័យរបស់ខ្លួន និងត្រៀមខ្លួនក្លាយជាពលរដ្ឋសកលប្រកបដោយគុណភាព។ ទន្ទឹមនឹងការរៀនសូត្រនេះ ក្មួយៗក៏ត្រូវប្រកាន់ខ្ជាប់នូវវិន័យ ក្រមសីលធម៌ សណ្ដាប់ធ្នាប់ ច្បាប់របស់កាយរិទ្ធិ និងគោរពមេដឹកនាំក្រុមឱ្យបានម៉ឺងម៉ាត់ ហើយអ្វីដែលសំខាន់បំផុត គឺត្រូវរក្សាស្មារតីសាមគ្គីភាពផ្ទៃក្នុងដ៏រឹងមាំ និងយកចិត្តទុកដាក់ខ្ពស់បំផុតលើសុវត្ថិភាពផ្ទាល់ខ្លួន និងសុវត្ថិភាពក្រុមទាំងមូល រហូតដល់បញ្ចប់បេសកកម្មដោយជោគជ័យ និងវិលត្រឡប់មកកាន់ជាតិមាតុភូមិវិញ ប្រកបដោយសុខសុវត្ថិភាព។
សូមបញ្ជាក់ថា សមាគមកាយរឹទិ្ធសិង្ហបុរី (Singapore Scout Association – SSA) រៀបចំការបោះជំរំកាយរឹទ្ធិជំទង់ អន្តរជាតិសិង្ហបុរី(Singapore International Jamboree 2025) ចាប់ពីថ្ងៃទី១៨ ដល់ថ្ងៃទី២៣ ខែវិច្ឆិកា ឆ្នាំ២០២៥ ដើម្បីអបអរសាទរខួប ៦០ឆ្នាំ នៃឯករាជ្យជាតិសិង្ហបុរី និងប្រមូលផ្តុំកាយរឹទិ្ធមកពីក្នុងតំបន់ ធើ្វការបណ្តុះបណ្តាល អភិវឌ្ឍសមត្ថភាព ផ្លាស់ប្តូរបទពិសោធ និងសិក្សារួមគ្នារវាងវប្បធម៌ចម្រុះ របស់ជាតិសាសន៍មកពីបណ្តាប្រទេសជាសមាជិកអាស៊ាន និងតំបន់អាស៊ី-ប៉ាស៊ីហ្វិក។ តាមការរំពឹងទុកគណៈកម្មការរៀបចំជំរំ មានកាយរឹទិ្ធចូលរួមចំនួនប្រមាណ ១០០០នាក់ មកពីបណ្តាប្រទេស ជាសមាជិកតំបន់អាស៊ាន និងតំបន់អាស៊ី-ប៉ាស៊ីហ្វិក៕
-
ព័ត៌មាន3 days agoឧត្តមសេនីយ៍ទោ ហ៊ុល សំអុន ដាក់បទបញ្ជាដល់នាយទាហានក្រោមឱវាទទាំងអស់សាមគ្គីគ្នាជាធ្លុងមួយ ដើម្បីការពារអធិបតេយ្យភាព បូរណភាពទឹកដីកម្ពុជា និងរក្សាសុខសន្ដិភាពជូនប្រជាជន
-
ព័ត៌មាន6 days agoកងទ័ពកម្ពុជា និងថៃ បន្តកែសម្រួលយុទ្ធោបករណ៍បំផ្លិចបំផ្លាញធុនធ្ងន់លើកទី២ក្រោមក្រសែភ្នែកអ្នកសង្កេតការណ៍អាស៊ាន
-
ព័ត៌មាន1 week agoសម្ដេចតេជោ ហ៊ុន សែន បានប្រាប់មិត្តបរទេសថា ថៃបិទច្រកព្រំដែនជាមួយកម្ពុជាមិនត្រឹមតែផ្ដាច់ការតភ្ជាប់រវាងកម្ពុជា-ថៃ ទេ តែជាការកាត់ផ្តាច់ការតភ្ជាប់អាស៊ាន និងអាស៊ីផងដែរ
-
ព័ត៌មាន22 hours agoសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតរំលែកទុក្ខដ៏ក្រៀមក្រំជូនក្រុមគ្រួសារនៃសព លោក ឌី ណៃ ដែលបានមរណភាពក្នុងព្រឹត្តិការណ៍បាញ់ប្រហារមកលើប្រជាពលរដ្ឋខ្មែរ នៅភូមិព្រៃចាន់
-
ព័ត៌មាន6 days agoអូស្ត្រាលីគាំទ្រវិស័យស្រូវអង្ករកម្ពុជា
-
ព័ត៌មាន1 week agoសម្តេចកិត្តិសង្គហបណ្ឌិត ម៉ែន សំអន ហែរអង្គកឋិនទានមហាសាមគ្គីទៅវត្តទួលអង្គញ់ ទទួលបានបច្ច័យចំនួនជាង ១ម៉ឺនដុល្លារ
-
ព័ត៌មាន7 days agoសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់មន្ត្រីចុះសួរសុខទុក្ខ និងនាំយកអំណោយមនុស្សធម៌ ផ្តល់ជូនដល់យុទ្ធជនដែលរងរបួស និងកំពុងសម្រាកព្យាបាលនៅតាមបណ្តាមន្ទីរពេទ្យនៅរាជធានីភ្នំពេញ
-
ព័ត៌មាន6 days agoឯកឧត្ដម ប៉េង ពោធិ៍សា អញ្ជើញជាអធិបតីដឹកនាំកិច្ចប្រជុំត្រៀមសហការរៀបចំពិធីជំនួបប្រាស្រ័យព្រំដែនមិត្តភាព លើកទី២ រវាងថ្នាក់រដ្ឋមន្រ្តីក្រសួងការពារជាតិកម្ពុជា-វៀតណាម នៅខេត្តស្វាយរៀង