កសិករខេត្តស្វាយរៀងទទួលជោគជយ័លើរបរចិញ្ចឹមជ្រូកក្រោយពីបោះបង់មួយរយៈ

ស្វាយរៀង ៖ មុខរបរចិញ្ចឹមជ្រូក ជាមុខរបរសំខាន់ក្នុងមួយវិសយ័សកិកម្ម បន្ទាប់ពីដំណាំស្រូវ និងដាំណាំផ្សេងៗទៀតរួមចំណែកជួយលើកំពស់ជីវភាពគ្រួសារកសិករ និងសង្គមជាតិ ដែលជាមុំមួយនៅក្នុងគោលនយោបាយជាតិ របស់រាជរដ្ឋាភិបាល ក្នុងអាណត្តិទី៧នេះ ។

​លោក ប្រាក់ សម្បត្តិ ពលរដ្ឋរស់នៅភូមិ ញរ ឃុំ ញរ ស្រុកកំពង់រោទ៏ ខេត្តស្វាយរៀង បានប្រាប់ទូរទស្សន៏ BTV នៅថ្ងៃទី២៥ ខែវិឆ្ឆិកា ឆ្នាំ២០២៥នេះថា នៅរយះពេលប៉ុន្មានខែចុងក្រោយនេះពលរដ្ឋអ្នកភូមិ រួមនិងគ្រួសារលោក បានចាប់ផ្តើមចិញ្ចឹមជ្រូកឡើងវិញហើយ ក្រោយពីរងជម្ងឺប៉េស្តជ្រូកអាហ្វ្រិករាតត្បាតនៅក្នុងស្រុក និងរងប៉ះពាលដោយតម្លៃសត្វជ្រូករស់មួយរយះកន្លងមក ។

លោក បានបន្តថា ការចិញ្ចឹមជ្រូក កន្លងមកគ្រួសារគាត់ និងអ្នកភូមិខ្លះបានធ្វើការបោះបង់ខ្លះៗ តែដោយការបោះបង់ហើយទៅចាប់មុខរបរផ្សេងធ្វើអោយជីវភាពមិនគាប់ប្រសើរ ទើបគ្រួសារគាត់ និងអ្នកភូមិបានចាប់យករបរចិញ្ចឹមជ្រូកនេះឡើងវិញ ដោយធ្វើការផ្លាស់ប្តូរពីការទិញចំណី កន្ទក់ និងថ្នាំច្រើនមកពីទីផ្សារ  ដោយងាកមកប្រើប្រាស់ចំណីដាំនៅតាមភូមិដ្ឋាន ដូចជា ត្រគួន ត្រាវ ចេក និងដំឡូង ការដែលពួកគាត់ប្រើប្រាស់ចំណីដែលគ្រួសារគាត់ និងអ្នកភូមិដាំបន្ថែមបែបនេះធ្វើអោយពួកគាត់ចិញ្ចឹមលក់ទូទាត់ទទួលបានផលចំណេញខ្លះដែរ ។

តាមរបាយការណ៏របស់ការិយាលយ័ផលិតកម្មបសុព្យាបាល នៃមន្ទីរកសិកម្មរុក្ខាប្រម៉ាញ់និងនេសាទខេត្តស្វាយរៀង ដែល  BTV ទទួលបានតាមសារតេឡេក្រាមថ្ងៃទី២៥ ខែវិឆ្ឆិកា ឆ្នាំ២០២៥ បានអោយដឹងថា នៅក្នុងរយះពេលប៉ុន្មានខែចុងក្រោយនេះ ពលរដ្ឋនៅទូទាំងខេត្តស្វាយរៀងបានចាប់ផ្តើមការ ចិញ្ចឹមជ្រូកមានការកើនឡើង ចំនួន៣.៦% បើប្រៀបធៀបទាំនិងឆ្នាំ២០២៤ ៕

អត្ថបទ ៖ ភា សារិត