ព័ត៌មាន
អង្គការ FAO បង្ហាញចំណាប់អារម្មណ៍ក្នុងការធ្វើកិច្ចសហប្រតិបត្តិការជាមួយអាជ្ញាធរមីន គាំទ្រដល់វិស័យកសិកម្មនៅក្នុងតំបន់ដែលបានបោសសម្អាតមីនរួច
(ហ្សឺណែវ ប្រទេសស្វីស) ថ្ងៃទី៤ ខែធ្នូ ឆ្នាំ២០២៥ ឯកឧត្ដមបណ្ឌិត លី ធុជ ទេសរដ្ឋមន្រ្តី អនុប្រធានទី១ អាជ្ញាធរមីន ជួបទ្វេភាគីជាមួយ លោក Dominique Burgeon នាយកអង្គការស្បៀងអាហារនិងកសិកម្ម (FAO)របស់អង្គការសហប្រជាជាតិ ដើម្បីពិភាក្សាលើកិច្ចសហប្រតិបត្តិការរវាងអាជ្ញាធរមីន និងអង្គការ FAO ។
ឯកឧត្តមទេសរដ្ឋមន្ត្រី លី ធុជ បានជម្រាបជូនអំពីសមិទ្ធផលសម្រេចបានក្នុងកិច្ចខិតខំប្រឹងប្រែងរបស់រដ្ឋាភិបាលកម្ពុជាក្នុងវិស័យសកម្មភាពមីន ជាពិសេសការរួមចំណែកដ៏សំខាន់សម្រាប់សកម្មភាពអភិវឌ្ឍន៍ជាតិ តាមរយៈការលេីកកម្ពស់វិស័យកសិកម្ម។
ឯកឧត្ដម លី ធុជ បន្តទៀត ផ្ទៃដីបោសសម្អាតមីនរួចប្រមាណជាង៧០% ត្រូវបានយកមកប្រើប្រាស់សម្រាបវិស័យកសិកម្ម និងបានផ្តល់ផលប្រយោជន៍យ៉ាងច្រើនដល់ការធានាឱ្យបាននូវសន្តិសុខស្បៀង ក៏ដូចជាការលើកកម្ពស់ជីវភាពរបស់ប្រជាជនឱ្យកាន់តែប្រសេីរឡេីង។
លោក Dominique Burgeon បានវាយតម្លៃខ្ពស់ដល់សមិទ្ធផលសកម្មភាពមីនកម្ពុជា ព្រមទាំងបានបង្ហាញពីកិច្ចការសំខាន់ៗមួយចំនួនរបស់អង្គការ FAO និងចំណាប់អារម្មណ៍ក្នុងការធ្វើកិច្ចសហប្រតិបត្តិការជាមួយអាជ្ញាធរមីន គាំទ្រដល់សកម្មភាពរបស់ប្រជាជន ជាពិសេសលើវិស័យកសិកម្មនៅក្នុងតំបន់ដែលបានបោសសម្អាតមីនរួចរាល់។
លោក Dominique Burgeon គ្រោងនឹងរៀបចំឱ្យមានការពិភាក្សាជាបន្តបន្ទាប់ទៀត ដើម្បីធានាឱ្យកិច្ចសហប្រតិបត្តិការរវាងគ្នា បានចេញជារូបរាងឡេីង។
-
ព័ត៌មាន2 days agoគណៈកម្មាធិការជាតិកាតព្វកិច្ចយោធាកំពុងបន្តនីតិវិធី ដើម្បីកំណត់ចំនួនអ្នកស្ម័គ្រចិត្តបំពេញកាតព្វកិច្ច
-
ព័ត៌មាន6 days agoយុវជន ២៤០នាក់នៅខេត្តកោះកុង បានដាក់ពាក្យបំពេញកាតព្វកិច្ចយោធា
-
ព័ត៌មាន7 days agoយុវជនខេត្តកំពង់ឆ្នាំង បង្ហាញមោទនភាពក្នុងការចូលបំពេញកាតព្វកិច្ចយោធា ដើម្បីបម្រើជាតិមាតុភូមិ
-
ព័ត៌មាន1 week agoយុវជនប្ដេជ្ញាខិតខំហ្វឹកហាត់លត់ដំខ្លួនឱ្យរឹងមាំដើម្បីក្លាយជាសសរស្ដម្ភជាតិ ក្នុងពេលចូលបំពេញកាតព្វកិច្ចកិច្ចយោធា
-
ព័ត៌មាន4 days agoស្ពានកោះនរា-មេគង្គឃី៖ ច្រកយុទ្ធសាស្ត្រថ្មីជំរុញសេដ្ឋកិច្ច ការតភ្ជាប់ និងការអភិវឌ្ឍទីក្រុងរណបអរិយក្សត្រ
-
ព័ត៌មាន1 week agoពលរដ្ឋក្រីក្រ៖ ប្រាក់ឧបត្ថម្ភទប់វិបត្តិឡើងថ្លៃប្រេង ជួយសម្រាលការលំបាកមួយផ្នែកធំលើជីវភាព
-
កីឡា3 days agoកម្ពុជាប្ដេជ្ញាជំរុញកិច្ចសហប្រតិបត្តិការអន្ដរវិស័យ និងរួមចំណែកអភិវឌ្ឍវិស័យកីឡាក្នុងតំបន់អាស៊ាន
-
ព័ត៌មាន3 days agoសេនាធិការកងទ័ពហ្វីលីពីន និងគណៈប្រតិភូអញ្ជើញចុះពិនិត្យស្ថានភាពជាក់ស្តែងនៅតំបន់ច្រកបឹងត្រកួន