គ្រូពេទ្យស្ម័គ្រចិត្តយុវជនសម្តេចតេជោ (TYDA) អំពាវនាវសាធារណៈជន ចូលរួមបរិច្ចាគឈាមដោយស្ម័គ្រចិត្ត ជួយដល់កងទ័ពជួរមុខ និងប្រជាជននៅតាមព្រំដែន

គ្រូពេទ្យស្ម័គ្រចិត្តយុវជនសម្តេចតេជោ (TYDA) បានអំពាវនាវដល់សាធារណៈជនឲ្យចូលរួម​បរិច្ចាគ​ឈាម​ដោយស្ម័គ្រចិត្ត ដើម្បីជាកម្លាំងចិត្តជួយដល់កងទ័ពជួរមុខ និង​ប្រជាជ​ន​នៅ​តាម​ព្រំដែន​ ក៏ដូចជាការរួមចំណែកក្នុងការថែរក្សាការពារបូរណភាពទឹកដីកម្ពុជាយើង ប្រយុទ្ធ​នឹង​សត្រូវ។ នេះបើយោងតាមសេចក្ដីជូនដំណឹងរបស់​គ្រូពេទ្យ​ស្ម័គ្រ​ចិត្ត​យុវជន​សម្តេច​តេជោ ​(TYDA)នារសៀលថ្ងៃទី៨ធ្នូនេះ។

សេចក្ដីជូនដំណឹងបន្តទៀតថា សូមបងប្អូន​ទាំង​អស់​អាច​រួម​ចំណែក​តាម​រយៈ​ការ​បរិច្ចាគ​ឈាម​ដោយ​ស្ម័គ្រ​ចិត្ត សូម​គោរពអញ្ជើញបងប្អូនប្រជាពលរដ្ឋ ដែលមានបំណងចូលរួមបរិច្ចាកឈាម ទាំង​អស់គ្នា នាថ្ងៃអង្គារ ទី៩ ខែធ្នូ ឆ្នាំ២០២៥ ចាប់ពីម៉ោង៨ព្រឹក ដល់ម៉ោង ៤ល្ងាច។ ចំពោះ ទីតាំងសម្រាប់ធ្វើការបរិច្ចាគឈាមគឺ៖ សាកលវិទ្យាល័យការពារជាតិ ស្ថិតក្នុងខណ្ឌឫស្សីកែវ ក្បែរ​ស្ពាន​អាកាស ឫស្សីកែវ ឬអាចទំនាក់ទំងលេខទូរសព្ទ 098 884 808, 061 300 080៕