ក្រសួងប្រៃសណីយ៍ ថ្កោលទោស ការឈ្លានពានដោយប្រដាប់អាវុធរបស់ថៃ មកលើកម្ពុជា

ថ្នាក់ដឹកនាំ និងមន្រ្តីរាជការនៃ ក្រសួងប្រៃសណីយ៍ និងទូរគមនាគមន៍ នៅថ្ងៃទី៨ ខែធ្នូ ឆ្នាំ២០២៥ នេះ បានប្រកាសថ្កោលទោសយ៉ាងម៉ឺងម៉ាត់បំផុតចំពោះទង្វើឈ្លានពានយ៉ាងគឃ្លើន យ៉ាងងងឹតងងល់ មកលើដែនអធិបតេយ្យជាតិរបស់កម្ពុជា គិតចាប់តាំងពីរសៀលថ្ងៃទី៧ ខែធ្នូ ឆ្នាំ២០២៥ មកទល់ពេលនេះ។

ទង្វើនេះ បានរំលោភបំពានលើបទឈប់បាញ់ ថែមទាំងប្រព្រឹត្តផ្ទុយពីច្បាប់អន្តរជាតិ សេចក្តីថ្លែងការណ៍រួម ស្តីពី កិច្ចព្រមព្រៀងសន្តិភាព ដែលនាយករដ្ឋមន្រ្តី នៃព្រះរាជាណាចក្រ កម្ពុជា និងនាយករដ្ឋមន្រ្តី នៃព្រះរាជាណាចក្រថៃឡង់ដ៏ បានចុះហត្ថលេខាកាលពីថ្ងៃទី២៦ ខែតុលា ឆ្នាំ២០២៥ ដោយបានបង្ហាញយ៉ាងច្បាស់ពីសកម្មភាពអមនុស្សធម៌ដ៏សាហាវឃោរឃៅរបស់កងកម្លាំងប្រដាប់អាវុធថៃ ស្របពេលដែលកម្ពុជាបានគោរព និងអនុវត្តយ៉ាងម៉ឺងម៉ាត់តាមលក្ខខណ្ឌនៃបទឈប់បាញ់ សេចក្តីថ្លែងការណ៍រួម ស្តីពី កិច្ចព្រមព្រៀងសន្តិភាពរវាងកម្ពុជា និងថៃ និងការប្រកាន់ខ្ជាប់នូវការដោះស្រាយជម្លោះដោយសន្តិវិធី និងភាពជាអ្នក ជិតខាងល្អ ស្របតាមច្បាប់អន្តរជាតិ ក៏ដូចជាសន្ធិសញ្ញា អនុសញ្ញា និងកិច្ចព្រមព្រៀងដែលមានស្រាប់ ហើយប្រឆាំងនឹងការគំរាម ឬការប្រើប្រាស់កម្លាំង សំដៅស្វែងរកដំណោះស្រាយមួយដែលយុត្តិធម៌ ត្រឹមត្រូវ យូរអង្វែង និងស្របតាមច្បាប់អន្តរជាតិព្រមទាំងកិច្ចព្រមព្រៀងទាំងឡាយដែលភាគីទាំងពីរសម្រេចបានកន្លងមក ប្រកបដោយការទទួលខុសត្រូវខ្ពស់បំផុត។

ព័ត៌មានពិស្ដារ៖