ការពង្រឹងសមត្ថភាព មានសារៈសំខាន់សម្រាប់មន្ត្រីអនុវត្តច្បាប់បំពេញភារកិច្ចឱ្យមានប្រសិទ្ធភាព

ដើម្បីផ្តល់នូវចំណេះដឹង និងជំនាញបន្ថែម ក្នុងការពង្រឹងសមត្ថភាពដល់មន្ត្រីអនុវត្តច្បាប់ អគ្គលេខាធិការ ដា្ឋន នៃគណៈកម្មាធិការជាតិសន្តិសុខលម្ហសមុទ្រ និងទីបញ្ជាការជួរមុខ រៀបចំពិធីបើកវគ្គបញ្ជ្រាបច្បាប់ ស្ដីពី ដែនយុត្តាធិការតាមអនុសញ្ញាអង្គការសហប្រជាជាតិ ស្ដីពីនីតិសមុទ្រ ច្បាប់ស្ដីពីទេសចរណ៍ ច្បាប់ស្ដីពីការគ្រប់ គ្រងតំបន់ការពារធម្មជាតិ និងច្បាប់ ស្តីពីជលផល នៅទីបញ្ជាការជួរមុខ (កោះព្រាប) ក្រុងព្រះសីហនុ ថ្ងៃទី១១ ខែមីនា ឆ្នាំ២០២៦។

យើងមិនដែលភ្លេចនូវកិច្ចការបណ្ដុះបណ្តាលធនធានមនុស្សនិងជំនាញផ្សេងៗ ជាក់ស្ដែងនៅថ្ងៃនេះ យើងបានរៀបចំវគ្គបញ្ជ្រាបច្បាប់នាពេលនេះឡើង ដើម្បីផ្តល់នូវចំណេះដឹង និងជំនាញបន្ថែម ច្បាប់ស្តីពីដែន យុត្តាធិការតាមអនុសញ្ញាអង្គការសហប្រជាជាតិ ស្តីពីនីតិសមុទ្រ ច្បាប់ស្ដីពីទេសចរណ៍ ច្បាប់ស្តីពីការគ្រប់គ្រង តំបន់ការពារធម្មជាតិ និងច្បាប់ស្តីពីជលផលជូនដល់សិក្ខាកាម ដើម្បីជាមូលដ្ឋានគ្រឹះសម្រាប់មន្ត្រីអនុវត្តច្បាប់ ក្នុងការបំពេញភារកិច្ចឱ្យបានត្រឹមត្រូវ ស្របតាមច្បាប់ និងមានប្រសិទ្ធភាពខ្ពស់។ ដូចនេះ ទាំងយោធាចារ្យ និង សិក្ខាកាមត្រូវខិតខំបង្រៀន និងរៀនសូត្រនូវច្បាប់ទាំងនេះ ដែលជាចំណេះជំនាញសម្រាប់ប្រសិទ្ធភាពការងារ។ នេះ គឺជាការលើកឡើងរបស់ឯកឧត្តមមេបញ្ជាការកងទ័ពជើងទឹក អនុប្រធានប្រចាំការ និងជាអគ្គលេខាធិការ នៃគណៈកម្មាធិការជាតិសន្តិសុខលម្ហសមុទ្រ។

ការយកចិត្តទុកដាក់របស់ថ្នាក់ដឹកនាំដែលតែងតែយកចិត្តទុកដាក់ខ្ពស់ចំពោះបញ្ហាសន្តិសុខ និងសុវត្ថិ ភាពលើផ្ទៃសមុទ្រ ដែលបានចូលរួមយ៉ាងសំខាន់ក្នុងការធានាសុវត្ថិភាពចរាចរណ៍នាវា ការការពារផលប្រ យោជន៍សេដ្ឋកិច្ចជាតិ ធនធានធម្មជាតិ និងបរិស្ថានសមុទ្រ ព្រមទាំងការជួយសង្គ្រោះគ្រោះមហន្តរាយ និងទប់ ស្កាត់បទល្មើសផ្សេងៗ ដូចជាការឆ្លងដែនខុសច្បាប់ ការនេសាទខុសច្បាប់ ការរត់ពន្ធ ការជួញដូរគ្រឿងញៀន ការជួញដូរអាវុធ ការជួញដូរមនុស្ស ចោរសមុទ្រ អំពើភេរវកម្ម និងបទល្មើសផ្សេងៗទៀត ដែលអាចកើតមានលើ ផ្ទៃសមុទ្រ និងកិច្ចការរុករក និងជួយសង្គ្រោះ។ នេះ គឺជាការលើកឡើងបន្ថែមពីមេបញ្ជាការទីបញ្ជាការជួរមុខ

អត្ថបទ៖ គង់ ប៊ុនថា