មន្រ្ដីជាន់ខ្ពស់ក្រសួងការពារជាតិជួបពិភាក្សាជាមួយគណៈប្រតិភូសហភាពអឺរ៉ុប ពាក់ព័ន្ធនឹងស្ថានការណ៍ព្រំដែនបច្ចុប្បន្នរវាងកម្ពុជា-ថៃ និងការពង្រឹងកិច្ចសហប្រតិបត្តិការទ្វេភាគី

ភ្នំពេញ៖ នៅព្រឹកថ្ងៃទី២៥ ខែមីនា ឆ្នាំ២០២៦នេះ មន្រ្ដីជាន់ខ្ពស់ក្រសួងការពារជាតិ ជួបពិភាក្សាជាមួយគណៈប្រតិភូសហភាពអឺរ៉ុបពាក់ព័ន្ធនឹងស្ថានការណ៍ព្រំដែនបច្ចុប្បន្នរវាងកម្ពុជា-ថៃ និងការពង្រឹងកិច្ចសហប្រតិបត្តិការទ្វេភាគីផ្នែកយោធារវាងកម្ពុជា និងសហភាពអឺរ៉ុប។

ជំនួបនេះធ្វើឡើងដោយបានការអនុញ្ញាតជាតំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ឯកឧត្តម ឧត្តមសេនីយ៍ឯក រ៉ាត់ ដារ៉ារ័ត្ន រដ្ឋលេខាធិការ ក្រសួងការពារជាតិ បានទទួលជួបសម្តែងការគួរសម និងពិភាក្សាការងារជាមួយគណៈប្រតិភូសហភាពអឺរ៉ុប ដឹកនាំដោយឧត្តមសេនីយ៍ត្រី Danail BEAV នាយកទទួលបន្ទុកផ្នែកចារកិច្ចនៃ EUMS និង EEAS។

«កិច្ចជំនួបនេះបានផ្តោតលើបញ្ហា ដែលពាក់ព័ន្ធនឹងស្ថានការណ៍ព្រំដែនបច្ចុប្បន្នរវាងកម្ពុជា-ថៃ និងការពង្រឹងកិច្ចសហប្រតិបត្តិការទ្វេភាគីផ្នែកយោធារវាងកម្ពុជា និងសហភាពអឺរ៉ុប»។ នេះបើតាមការបញ្ជាក់របស់ក្រសួងការពារជាតិកម្ពុជា។