ព័ត៌មាន
សាខាកាកបាទក្រហមកម្ពុជាខេត្តកំពង់ស្ពឺ ប្ដេជ្ញាបន្តឆ្លើយតបឲ្យទាន់ពេលវេលា ចំពោះជនរងគ្រោះ
កំពង់ស្ពឺ៖ សាខាកាកបាទក្រហមកម្ពុជាខេត្តកំពង់ស្ពឺ បានប្ដេជ្ញាបន្តបេសកកម្មមនុស្សធម៌ ដោយធ្វើយ៉ាងណាឆ្លើយតបឲ្យបានទាន់ពេលវេលា ក្នុងការជួយដល់ជនរងគ្រោះ និងជនងាយ រងគ្រោះ ដោយគ្មានការរើសអើង ។
ក្នុងឱកាសពិនិត្យសម្រេចសមាសភាពប្រធានសាខាកាកបាទក្រហមកម្ពុជាខេត្តកំពង់ស្ពឺថ្មីជំនួសប្រធានចាស់ដែលត្រូវចូលនិវត្តន៍ នៅថ្ងៃទី២៥ ខែមីនា ឆ្នាំ២០២៦ ឯកឧត្តមបណ្ឌិត ជាម ច័ន្ទសោភ័ណ ប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ស្ពឺ ថ្លែងថា កាកបាទក្រហមកម្ពុជា គឺជាអង្គការមនុស្សធម៌ជាតិដ៏ធំជាងគេបង្អស់ នៅក្នុងប្រទេសកម្ពុជា ដែលមានបេសកកម្មផ្តល់ជំនួយសង្គ្រោះបន្ទាន់ លើកកម្ពស់សុខភាពសហគមន៍ និងការថែទាំសង្គមដោយមិនលំអៀង។
ឯកឧត្តមបានបន្តថា អង្គការនេះ គឺបានដើរតួនាទីជាជំនួយការ ឱ្យអាជ្ញាធរសាធារណៈ ក្នុងវិស័យមនុស្សធម៌ ហើយជាសមាជិក នៃចលនាអន្តរជាតិកាកបាទក្រហម និងអឌ្ឍចន្ទក្រហម ចំពោះមូលនិធិនៃបេសកកម្មសកម្មភាព គឺបានពីការកៀគរ និងចូលរួមពីសប្បុរសជននានានៅទូទាំងប្រទេស។
ប្រធានគណកម្មាធិការ សាខាកាកបាទក្រហមកម្ពុជាខេត្តកំពង់ស្ពឺ បានគូសបញ្ជាក់ថា កាកបាទក្រហមកម្ពុជា ក្រោមការដឹកនាំរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន គឺមានការងារស្នូលចំនួន៤ ដែលតម្រូវឱ្យក្រុមការងារប្រតិបត្តិទាំងអស់ បន្តសកម្មភាពឱ្យកាន់តែប្រសើរ និងផុលផុស ដើម្បីចូលរួមលើកកម្ពស់ជីវភាពរបស់ជនងាយរងគ្រោះបំផុត និងជនរងគ្រោះ។ ដូច្នេះ ក្រុមការងារប្រតិបត្តិ នៃសាខា និងអនុសាខាទាំងអស់ ត្រូវបន្តជួយដល់ជនរងគ្រោះដោយប្រការផ្សេងៗ និងជនងាយរងគ្រោះនៅតាមមូលដ្ឋានរបស់ខ្លួននីមួយៗ ធ្វើយ៉ាងណាផ្តល់ភាពកក់ក្តៅដល់ប្រជាពលរដ្ឋក្នុងខេត្ត ដែលកំពុងត្រូវការជំនួយមនុស្សធម៌ ដូចពាក្យស្លោកថា (ដរាបណាប្រជាពលរដ្ឋនៅតែត្រូវការកម្លាំងមនុស្សធម៌ កាកបាទក្រហមកម្ពុជានៅតែផ្តល់ក្តីសង្ឃឹមដល់ប្រជាពលរដ្ឋវិញដែរ)។
ជាមួយនេះ ឯកឧត្តមបណ្ឌិត ជាម ច័ន្ទសោភ័ណ ក៏បានណែនាំបន្ថែម ឱ្យក្រុមការងារប្រតិបត្តិទាំងសាខា និងអនុសាខាក្រុង ស្រុកឱ្យបន្តសាមគ្គីភាពគ្នា ពង្រឹងសមត្ថភាពបុគ្គលិក បំពាក់បំប៉នការយល់ដឹងពីការរៀបចំ និងដំណើរប្រព្រឹត្តទៅរបស់សាខា អនុសាខាទៅតាមលក្ខណៈវិនិច្ឆ័យ ដើម្បីបន្តពង្រឹងកិត្តិនាមរបស់កាកបាទក្រហមកម្ពុជា ៕ អត្ថបទ បាន សុខរិទ្ធិ
-
ព័ត៌មាន1 week agoអង្គភាពប្រឆាំងអំពើពុករលួយ និងសភាពាណិជ្ជកម្មប្តេជ្ញារួមគ្នាកសាងវប្បធម៌ស្អាតស្អំក្នុងធុរកិច្ច
-
ព័ត៌មាន5 days agoអ្នកនយោបាយគាំទ្រគំនិតផ្តួចផ្តើមរបស់សម្តេចតេជោ ស្នើបង្កើតក្រុមអ្នកសង្កេតការណ៍សភាសម្រាប់បទឈប់បាញ់
-
ព័ត៌មាន7 days agoក្នុងកិច្ចប្រជុំគណៈរដ្ឋមន្រ្តី សម្តេចធិបតីក្រើនរំលឹកឲ្យកងកម្លាំងគ្រប់ប្រភេទត្រៀមអន្តរាគមន៍ជួយពលរដ្ឋរងគ្រោះដោយសារទឹកជំនន់
-
ព័ត៌មាន1 week agoសម្តេចប្រធានរដ្ឋសភា៖ សន្និសីទប្រធានសភានៃអន្តរសភាលើកទី២ ជាការចងក្រងបណ្តាញ អ្នកស្រលាញ់សន្តិភាពដើម្បីលើកម្ពស់វិបុលភាពរបស់ប្រជាពលរដ្ឋ
-
ព័ត៌មាន1 week agoក្រុមហ៊ុន ប៊ីវីអឹម និង Intertek ចុះហត្ថលេខាដើម្បីបង្កើតភាពជាដៃគូយុទ្ធសាស្រ្តលើការត្រួតពិនិត្យគុណភាពប្រេងឥន្ធនៈ
-
ព័ត៌មាន5 days agoគោលដៅចំនួន៥ទីតាំងនៅកម្ពុជា នឹងត្រូវរឹតបន្តឹងខ្លាំងខាងផ្នែកចរាចរណ៍ ដើម្បីរួមចំណែកកាត់បន្ថយការគ្រោះថ្នាក់
-
ព័ត៌មាន7 days agoពលរដ្ឋ៖ កេរ្ដិ៍ឈ្មោះកម្ពុជា នឹងកាន់តែល្អបន្ទាប់ពីជោគជ័យ កម្ទេចមជ្ឈមណ្ឌលឆបោកតាមប្រព័ន្ធបច្ចេកវិទ្យា
-
ព័ត៌មាន2 days agoពុទ្ធិកសាកលវិទ្យាល័យព្រះសីហមុនីរាជា និងអង្គការ EBC កំពុងស្វែងរកកិច្ចសហការចូលរួមលើកកម្ពស់វិស័យឌីជីថល និងបង្កើតវីដេអូអប់រំ