យុទ្ធនាការបង្ក្រាបក្ដៅគគុក និងច្បាប់ប្រឆាំង Online Scams នឹងធ្វើឱ្យអ្នកប៉ុនប៉ងយកកម្ពុជាធ្វើជាទីតាំងខ្លាចរអា

យុទ្ធនាការបង្ក្រាបដ៏ក្ដៅគគុក និងច្បាប់ប្រឆាំងOnline Scams ជាកត្តាធ្វើឱ្យអ្នកប៉ុនប៉ងយកកម្ពុជាធ្វើជាទីតាំងខ្លាចរអាក្នុងការប្រព្រឹត្តអំពើឆបោកតាមអនឡាញ ។

ពលរដ្ឋ គាំទ្រចំពោះការរៀបចំតាក់តែងច្បាប់ ដើម្បីដាក់ទោសទណ្ឌឲ្យបានធ្ងន់ធ្ងរលើជនទាំងឡាយណាដែលមកប្រព្រឹត្តិអំពើឆបោកតាមប្រព័ន្ធបច្ចេកវិទ្យាក្នុងប្រទេសកម្ពុជា ខណៈកម្ពុជាពុំមែនជាទីសុវត្ថិភាពសម្រាប់ក្រុមឧក្រិដ្ឋជនទាំងនោះឡើយ ។

ពលរដ្ឋស្នើដល់បណ្តាជនបរទេសទាំងអស់ សូមចាត់ទុកកម្ពុជា ជាទីដែលចង់មកទេសចរណ៍កម្សាន្ត ឬមកវិនិយោគលើវិស័យនានាជាដើម ខណៈកម្ពុជាជាប្រទេសកំពុងមានការអភិវឌ្ឍន៍គ្រប់វិស័យ និងក្រោមម្លប់ នៃសន្តិភាពផងដែរ ។

គួរបញ្ជាក់ថា ៖ នៅរសៀលថ្ងៃទី៣១ ខែមីនា ឆ្នាំ២០២៦ គណៈកម្មាធិការអចិន្ត្រៃយ៍ព្រឹទ្ធសភា នឹងបើកកិច្ចប្រជុំពិនិត្យសំណើររបស់រដ្ឋសភា សុំពិនិត្យហើយឲ្យយោបល់លើសេចក្តីព្រាងច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យា ខណៈកាលពីថ្ងៃទី៣០ ខែមីនា ឆ្នាំ២០២៦ រដ្ឋសភាបានអនុម័តសេចក្តីព្រាងច្បាប់នេះ ដោយសំឡេងគាំទ្រ ១១២សំឡេង នៃចំនួនសមាជិករដ្ឋសភាទាំងមូល ៕

អត្ថបទ ៖ លីហេង