ព័ត៌មាន
ក្រសួងការងារ ស្នើដល់ម្ចាស់ការដ្ឋានសំណង់ឱ្យជួយជំរុញបងប្អូនអតីតពលករដែលមកពីថៃមកចុះឈ្មោះធ្វើតេស្ដទទួលស្គាល់ជំនាញដោយឥតគិតថ្លៃ
ក្រសួងការងារ និងបណ្ដុះបណ្ដាលវិជ្ជាជីវៈ បានស្នើសុំកិច្ចសហការពីម្ចាស់ការដ្ឋានសំណង់នៅទូទាំងប្រទេសឱ្យជួយជំរុញបងប្អូនអតីតពលករខ្មែរដែលត្រឡប់មកពីថៃ មកចុះឈ្មោះធ្វើតេស្ដតាមរយៈកម្មវិធីវាយតម្លៃទទួលស្គាល់ជំនាញពីមុន(RPL) ដើម្បីបង្កើនឱកាសការងារ និងលើកកម្ពស់ប្រាក់ចំណូល។
លោក ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈបានថ្លែងនៅថ្ងៃទី៩ ខែមេសានេះ បានស្នើសុំកិច្ចសហការពីម្ចាស់ការដ្ឋានសំណង់នានានៅទូទាំងប្រទេសឱ្យចូលរួម ក្នុងការជំរុញបងប្អូនអតីតពលករខ្មែរដែលបានត្រឡប់មកពីថៃ ប្រញាប់មកចុះឈ្មោះធ្វើតេស្ដជំនាញក្នុងកម្មវិធី RPL ដោយឥតគិតថ្លៃ ដើម្បីទទួលបានវិញ្ញាបនបត្របញ្ជាក់សមត្ថភាពជំនាញពីក្រសួង។
ការធ្វើតេស្ដនេះ ពួកគាត់នឹងទទួលបានអត្ថប្រយោជន៍បន្ថែមទៀត គឺទទួលបានវិញ្ញាបនបត្រទទួលស្គាល់ជំនាញមួយ ដែលចេញបញ្ជាក់ពីការទទួលស្គាល់សមត្ថភាព និងជំនាញ ដើម្បីបំប្លែងបទពិសោធធ្វើការពីក្រៅប្រទេសឱ្យទៅជាវិញ្ញាបនបត្រកម្រិតថ្នាក់ជាតិជាផ្លូវការ ដែលជាឱកាសងាយស្រួលរកការងារធ្វើ ប្រាក់ខែសមរម្យ និងមានឱកាសឡើងតំណែងតួនាទីផងដែរ។ នេះបើតាមការបញ្ជាក់ពីលោក ស៊ុន មេសា។
អ្នកនាំពាក្យរូបនេះបន្ថែមថា៖«យើងស្នើសុំកិច្ចសហការពីម្ចាស់ការដ្ឋានទាំងអស់ គឺសូមជួយលើកទឹកចិត្តដល់បុគ្គលិក និងកម្មកររបស់ខ្លួនដែលមានជំនាញជាក់លាក់ និងមានបទពិសោធន៍ផ្នែកការងារដែលខ្លួនកំពុងធ្វើ មកចុះឈ្មោះធ្វើតេស្តនៅតាមមជ្ឈមណ្ឌលវាយតម្លៃសមត្ថភាពរបស់យើងដែលបានបង្ហាញកន្លងមក។ សូមចូលរួមទាំងអស់គ្នា ដើម្បីជួយដល់បងប្អូនអតីតពលករខ្មែររបស់យើង ក៏ដូចជាជួយសង្គមជាតិយើងផងដែរ»។
សម្រាប់ទំនាក់ទំនងតាមរយៈលេខទូរសព្ទ ១២៩៧ ឬទីតាំងដែលអាចចុះឈ្មោះមានចំនួន៩ កន្លែងរួមមាន៖ ១-វិទ្យាស្ថានជាតិពហុបច្ចេកទេសកម្ពុជា (NPIC), ២-វិទ្យាស្ថានជាតិបណ្តុះបណ្តាលបច្ចេកទេស (NTTI), ៣-វិទ្យាស្ថានពហុបច្ចេកទេសព្រះកុសុមៈ (PPI), ៤-វិទ្យាស្ថានបច្ចេកទេសឧស្សាហកម្ម (ITI), ៥-វិទ្យាស្ថានជាតិពហុបច្ចេកទេសអង្គរ (NPIA) នៅខេត្តសៀមរាប, ៦-វិទ្យាស្ថានពហុបច្ចេកទេសភូមិភាគតេជោសែនស្វាយរៀង (RPITSSR) នៅខេត្តស្វាយរៀង, ៧-វិទ្យាស្ថានបច្ចេកវិទ្យាបាត់ដំបង (BIT) នៅខេត្តបាត់ដំបង, ៨-វិទ្យាស្ថានពហុបច្ចេកទេសខេត្តបន្ទាយមានជ័យ (PIBMC) ខេត្តបន្ទាយមានជ័យ, និង ៩-វិទ្យាស្ថានពហុបច្ចេកទេសភូមិភាគតេជោសែនតាកែវ (RPITST) ខេត្តតាកែវ។
ដោយមានមុខជំនាញចំនួន ៨មុខជំនាញ នៅក្នុងវិស័យសំណង់ ដែលពួកគាត់អាចយកទៅប្រើប្រាស់ ដើម្បីទទួលបានឱកាសការងារល្អ និងប្រាក់ចំណូលខ្ពស់ជាងមុន។ ជំនាញទាំង ៨នោះរួមមាន ការងារកំបោរ (រៀបឥដ្ឋនិងបូក), ការងារការ៉ូ, ការដំឡើងពុម្ព, ការដំឡើងបណ្តាញបំពង់ទឹក, ការដំឡើងបណ្តាញអគ្គិសនីក្នុងអគារ, ការងាររន្ទា, ការដំឡើងសរសៃដែក និងការផ្សារអគ្គិសនី៕
-
ព័ត៌មាន5 days agoចៅក្រមស៊ើបសួរសម្រេចឃុំខ្លួនជនជាតិថៃចំនួន ២០នាក់ និងបក្ខពួកពាក់ព័ន្ធរៀបចំមជ្ឈមណ្ឌល Online Scams
-
ព័ត៌មាន1 week agoមេបញ្ជាការកងទ័ពជើងទឹកអញ្ជើញបិទវគ្គហ្វឹកហ្វឺនពលទាហានថ្មី វគ្គទី៧ បំពេញក្របខណ្ឌឲ្យកងទ័ពជើងគោក ឆ្នាំ២០២៦ និងបើកវគ្គហ្វឹកហ្វឺនបំប៉នជំនាញកាំភ្លើងការពារអាកាសឆ្នាំ២០២៦
-
កីឡា1 week agoកម្ពុជាត្រៀមកីឡាប្រមាណ ៣១ប្រភេទ ចូលរួមព្រឹត្តិការណ៍ស៊ីហ្គេម លើកទី៣៤ នៅម៉ាឡេស៊ី
-
PR NEWS1 week agoអ្នកលេងប៉ះអ្នកមែន! គូនអន្តរជាតិ៥គូ នឹងធ្វើអោយកក្រើកលើសង្វៀន “BOOSTRONG KUN KHMER SPECIAL BATTLE”
-
កីឡា1 week agoកម្ពុជានឹងបញ្ជូនអត្តពលិក ៣២នាក់ចូលរួមការប្រកួតតេក្វាន់ដូ ITF ជ្រើសរើសជើងឯកអាស៊ី លើកទី ១១ ឆ្នាំ២០២៦ នៅម៉ុងហ្គោលី
-
ព័ត៌មាន6 days agoសម្តេចកិត្តិសង្គហបណ្ឌិត ម៉ែន សំអន ចាត់ទុកវិនិយោគិនគឺជា «ដៃគូអភិវឌ្ឍន៍ដែលមិនអាចខ្វះបាន» ខណៈដែលក្រុមហ៊ុនចិនធំៗចំនួន ៦០ សម្លឹងឃើញពីសក្តានុពល និងឱកាសវិនិយោគនៅកម្ពុជា
-
ព័ត៌មាន1 week agoពលរដ្ឋភៀសសឹកដែលមិនទាន់អាចវិលត្រលប់ទៅផ្ទះសំបែងវិញបាន ជឿជាក់លើរាជរដ្ឋាភិបាលក្នុងការដោះស្រាយបញ្ហាព្រំដែនជាមួយថៃដោយសន្ដិវិធី
-
ព័ត៌មាន6 days agoអ្នករាយការណ៍ពិសេសសម្តែងនូវការបារម្ភចំពោះស្ថាននភាពសិទ្ធិមនុស្សដោយសារជម្លោះព្រំដែន