ទោះតម្លៃប្រេងសកលហក់ឡើងក្ដី ក៏ទេសចរនៅតែសម្រុកទៅលេងរមណីយដ្ឋានអង្គរដដែល

ភ្ញៀវទេសចរជាតិ និងអន្ដរជាតិ បានទៅទស្សនារមណីយដ្ឋានអង្គរ នៅថ្ងៃចូលឆ្នាំថ្មីប្រពៃណីជាតិខ្មែរនាថ្ងៃទី១៤ ខែមេសា ឆ្នាំ២០២៦ ដោយបានបង្ហាញក្ដីរីករាយនៅពេលធ្វើដំណើរកម្សាន្ដ ដោយពួកគាត់លើកឡើងថា តំបន់ទេសចរណ៍អង្គរ មានភាពស្រស់ស្អាត និងសុវត្ថិភាពល្អ។

ទេសចរដែលជាពលរដ្ឋខ្មែរមកពីអាមេរិក និងមកពីតាមបណ្ដារាជធានី-ខេត្ដបានលើកឡើងថា អង្គរវត្ដ គឺជាសំណង់ប្រាសាទបុរាណដែលមានវ័យចំណាស់ និងល្អជាងគេក្នុងចំណោមប្រាសាទបុរាណជាច្រើ ន ហើយពួកគាត់ចូលចិត្ដជ្រើសរើសតំបន់រម្មណីយដ្ឋានអង្គរ សម្រាប់ទស្សនាកម្សាន្ដក្នុងពិធីបុណ្យធំៗ ដូចជាពិធីឆ្លងឆ្នាំសកល ភ្ជុំបិណ្ឌ និងចូលឆ្នាំថ្មី និងបុណ្យជាតិផ្សេងៗទៀតជាដើម។ ពួកគាត់បន្ថែមថា បើទោះបីប្រទេសកម្ពុជាកំពុងជួបបញ្ហាតម្លៃប្រេងឡើងថ្លៃ មិនទាន់បញ្ចប់ជម្លោះព្រំដែនជាមួយប្រទេសជិតខាងក្ដី ប៉ុន្ដែការដើរកម្សាន្ដនៅក្នុងខេត្ដសៀមរាបពិតជាមានសុខសន្ដិភាព សុវត្ថិភាព និងមានមោទ នភាពក្រៃលែង ព្រោះខេត្ដនេះមានកន្លែងទស្សនាច្រើន ក្រៅពីប្រាសាទអង្គរវត្ដ។

របាយការណ៍របស់នាយកដ្ឋានវប្បធម៌ និងទេសចរណ៍នៃអាជ្ញាធរជាតិអប្សរាបានបង្ហាញថា រយៈពេល៣ថ្ងៃមុនចូលឆ្នាំថ្មីកន្លងមកនេះគឺចាប់ពីថ្ងៃទី១១ ដល់ទី១៣ ខែមេសា មានទេសចរជាតិ និងអន្ដរជាតិ បានចូលមកទស្សនាតំបន់អង្គរមានចំនួនជាង៤ម៉ឺន៤ពាន់នាក់ ក្នុងនោះទេសចរអន្ដរជាតិមានចំនួន៥៥៣៧នាក់។

ពិធីបុណ្យចូលឆ្នាំថ្មីប្រពៃណីជាតិខ្មែរក្នុងរយៈពេល៣ថ្ងៃនេះអាជ្ញាធរខេត្ដ និងសហភាពសហព័ន្ធយុវជនកម្ពុជាខេត្ដបានរៀបចំកម្មវិធីទស្សនាកម្សាន្ដជាច្រើនទាំងនៅក្នុងក្រុង និងតំបន់អង្គរ៕

ដោយ៖ ឈិត សាវី