កសិករឃុំថ្មីស្រុកកំពង់រោទិ៍ខេត្តស្វាយរៀងសម្រេចផលិតស្រូវប្រាំងជំហ៊ាន២បានជាង៣៥%

ស្វាយរៀង ៖ លោក ឡឹក សំអុន មេឃុំថ្មី ស្រុកកំពង់រោទិ៍ ខេត្តស្វាយរៀង នៅថ្ងៃទី២៤ ខែមេសា ឆ្នាំ២០២៦នេះបានប្រាប់ទូរទស្សន៍ BTV ឱ្យដឹងថា កសិករដែលមានដីទំនាប ដីជាប់ប្រពន្ធ័សាស្ត្រ សម្រេចផលិតស្រូវប្រាំជំហ៊ាន២ បានប្រមាណ៣៥% នៃផ្ទៃដីបង្កបង្កើនផលស្រូវរដូវប្រាំងរបស់ឃុំប្រមាណជាង១ពាន់ហិចតា ។

​លោកបានបញ្ជាក់បន្ថែមថា កក្តាដែលកសិករផលិតស្រូវប្រាំងឆ្នាំនេះ អូសបន្លាយពេលដោយប្រេងសាំង ថ្នាំពុលកសិកម្ម និងសម្ភារះផ្សេងៗមានតម្លៃខ្ពស់ ពេលផលិតស្រូវបានប្រឈមតម្លៃស្រូវថោក និងកង្វះទីផ្សារ ទើបកសិករលោកមានការរារែកក្នុងការផលិត ។

តាមរបាយការណ៏របស់មន្ទីរកសិកម្មខេត្តដែល BTV ទទួលបាននៅរសៀលថ្ងៃនេះ ដោយគិតត្រឹមថ្ងៃទី២០ ខែមេសា ឆ្នាំ២០២៦នៅទូទាំងខេត្ត កសិករផលិតស្រូវរដូវប្រាំងវគ្គ២ បានចំនួន ២ម៉ឺន០ពាន់៨២១ហិចតា ស្មើនិង៨៦.៧៥% ស្រុកដែលធ្វើបានច្រើនជាងគេគឺស្រុកកំពង់រោទិ និងស្រុកស្វាយជ្រំ ឯស្រុក ក្រុងចំនួន៦ទៀតក្រុមកសិករបាននិងកំពុងបន្តធ្វើដោយលែងរង់ចាំប្រេងសាំង និងសម្ភារៈកសិកម្មចុះថោកដើម្បីផលិតសម្រាំងពូជបន្តធ្វើនៅឆ្នាំបន្ទាប់៕ ដោយ ៖ ភា សារិត