អង្គភាពស៊ីម៉ាកកំពុងបន្តបោសសម្អាតគ្រាប់បែកចង្កោម ដែលទាហាថៃបាញ់ផ្លោងដោយមិនរើសគោលដៅ ចូលដីស្រែចម្ការ និងផ្ទះពលរដ្ឋខ្មែរនៅតាមព្រំដែន

ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកCMAC បានថ្លែងថា កងកម្លាំងCMAC បានកំពុងមមាញឹកយ៉ាងខ្លាំងក្នុងការបោសសម្អាតគ្រាប់បែកចង្កោម ដែលពួកទាហានឈ្លានពាន សៀមបានបាញ់ផ្លោងចូលយ៉ាងកំរោល និងមិនរើសគោលដៅចូលស្រែចម្ការ និងភូមិឋានរបស់បងប្អូនប្រ

ជាពលរដ្ឋខ្មែរនៅតាមព្រំដែន។

តាមរយៈបំណ្តាញសង្គមហ្វេសបុក នាព្រឹកថ្ងៃទី២៩ ខែមេសា ឆ្នាំ២០២៦នេះ ឯកឧត្តម ហេង រតនា បានគូសបញ្ជាក់ថា កងកម្លាំងCMACកំពុងតែមមាញឹកក្នុងការបោសសម្អាតគ្រាប់បែកចង្កោមរំដោះដីជាតំបន់សេដ្ឋកិច្ចសង្គមគ្រួសារ របស់ប្រជាពលរដ្ឋដូចជា ជាចម្ការដំឡូងដែលត្រូវប្រមូលផលនេះជាដើម។

ឯកឧត្តម បានរំលេចថាការបាញ់គ្រាប់បែកចង្កោមពីទាហានសៀមឈ្លានពាន មកលើគោលដៅភូមិឋាន ស្រែចម្ការប្រជាពលរដ្ឋនិងហេដ្ឋារចនាសម្ពន្ធ័ស៊ីវិល ដើម្បីសម្លាប់មនុស្ស សម្លាប់ភូមិសាស្ត្រនិងជាអន្ទាក់វិបត្តិសេដ្ឋកិច្ចសង្គមចំពោះប្រជាពលរដ្ឋដែលរស់នៅក្នុងតំបន់ទាំងនោះ។ យ៉ាងណាក៏ដោយអគ្គនា យកស៊ីម៉ាក់រូបនេះ ក៏បានបញ្ជាក់ផងដែរថា អង្គភាពស៊ីម៉ាក់បន្តរួមគ្នាបង្ការគ្រោះថ្នាក់ដោយសារសំណល់យុទ្ធភណ្ឌសង្គ្រាម និងរំដោះដីនៃផលវិបាកសេដ្ឋកម្មសង្គមឱ្យបានឆាប់បំផុតជូនប្រជាពលរដ្ឋស្របតាមទស្សនវិស័យនិងវិធានការដឹកនាំរបស់សម្តេចធិបតីប្រមុខរាជរដ្ឋាភិបាលផងដែរ។

សូមបញ្ជាក់ថា ទាហានសៀមបានប្រើប្រាស់គ្រាប់បែកចង្កោម ប្រមាណ១២ទៅ១៣ម៉ឺនគ្រាប់ ដែលមានកូនគ្រាប់បែកចង្កោម ប្រមាណពី៦លានទៅ៧លានគ្រាប់ បាញ់មកលើបូរណភាពទឹកដីកម្ពុជា យ៉ាងព្រៃផ្សៃ និងមិនរើសគោលដៅ ហើយបានប៉ះពាល់ខេត្តតាមបណ្តោយព្រំដែនរវាងកម្ពុជាន និងសៀម រួមមានខេត្តកោះកុង ពោធិ៍សាត់ បាត់ដំបង បន្ទាយមានជ័យ ឧត្តរមានជ័យ និងខេត្តព្រះវិហារ រួមទាំងខេត្តសៀមរាបផងដែរ ហើយបើគិតជាផ្ទៃដី គឺមានផ្ទៃដីសរុបប្រមាណ២.៣៦០គីឡូម៉ែត្រក្រឡា៕