នគរបាលឆ្មក់បង្រ្កាប ទីតាំងបារចំនួន០២កន្លែងក្បែរគ្នា ឃាត់មនុស្សប្រុសស្រី ៣៥នាក់

ភ្នំពេញ ៖ កម្លាំងនគរបាលនាយកដ្ឋានប្រឆាំងការជួញដូរមនុស្សនិងការពារអនីតិជន អគ្គស្នងការដ្ឋាននគរបាលជាតិ បានឆ្មក់ ចុះបង្រ្កាប បារបារាំងចំនួន ០២ទីតាំង ដែលមានបង្កប់បម្រើសេវាផ្លូវភេទ និងមានក្មេងក្រោមវ័យ១៨ឆ្នាំ ឃាត់បានមនុស្សប្រុសស្រី ៣៥នាក់ ។

ប្រតិបត្តិការណ៍បង្រ្កាបនេះដែរបានធ្វើឡើងកាលពីវេលាម៉ោង១១យប់ ថ្ងៃ ទី ២២ ខែ ឧសភា ឆ្នាំ ២០២៦ ចុះទីតាងបារបារាំង មានយីហោ កាទ្រីត សេមសេម និង យីហោកាទ្រីត ប៊ែនស៍ បារ ស្ថិតនៅតាមបណ្ដោយផ្លូវលេខ១១០ សង្កាត់ វត្តភ្នំ ខណ្ឌ ដូនពេញ រាជធានីភ្នំពេញ ។

តាមការបញ្ជាក់ពីនគរបាលជំនាញបានអោយដឹងថា ដោយទីតាំងហាងបារបារាំងចំនួន ០២ទីតាំង ដែលនៅក្បែរគ្នា មានយីហោ «កា ទ្រីត សេម សេម បារ និង កាទ្រីត ប៊ែនស៍ បារ» មានបង្កប់សេវាបម្រើសេវាផ្លូវភេទ ដូច្នេះ កម្លាំងជំនាញបានធ្វើការស្រាវជ្រាវ រហូតឈានដល់ចុះមកធ្វើការបង្រ្កាបភ្លាមៗ តែម្ដង។

ក្នុងរង្វង់ប្រតិបត្តិការ កម្លាំងនគរបាល បានរកឃើញ បារបារាំងចំនួន ០២ទីតាំង ដែលនៅក្បែរគ្នា មានយីហោ «កា ទ្រីត សេម សេម បារ និង កាទ្រីត ប៊ែនស៍ បារ» មានមនុស្សប្រុសស្រីចំនួន ៣៥នាក់ (ប្រុស ០១នាក់) ដែលជាប់ពាក់ព័ន្ធ ឃាត់ខ្លួនតែម្តង ។

ក្រោយបញ្ចប់ប្រតិបត្តិការ នគរបាលនាយកដ្ឋានប្រឆាំងការជួញដូរមនុស្ស និងការពារអនីតិជន បាននាំខ្លួនប្រុសស្រី ៣៥នាក់ បញ្ជូនទៅកាន់អគ្គស្នងការដ្ឋាននគរបាលជាតិ ដើម្បីអនុវត្តបន្តតាមនីតិវិធី ៕

អត្ថបទ ៖ កុម្ភៈ