ព័ត៌មាន
អាជ្ញាធរ បន្តចុះធ្វើបច្ចុប្បន្នភាពបណ្ណសមធម៌ និងបណ្ណសម្គាល់គ្រួសារងាយរងហានិភ័យដល់ពលរដ្ឋ
អាជ្ញាធរមូលដ្ឋានតាមឃុំ-សង្កាត់ ជារៀងរាល់ខែ តែងចុះទៅតាមខ្នងផ្ទះប្រជាពលរដ្ឋដែលមានជីវភាពខ្វះខាត ដើម្បីសម្ភាសធ្វើបណ្ណក្រីក្រ បណ្ណសម្គាល់គ្រួសារងាយរងហានិភ័យ។ ទន្ទឹមនឹងការសម្ភាសធ្វើបណ្ណថ្មី អាជ្ញាធរក៏បន្តធ្វើបច្ចុប្បន្នភាព ចំពោះប្រជាពលរដ្ឋដែលមានបណ្ណជិតផុតសុពលភាពផងដែរ។
ការសម្ភាសធ្វើបណ្ណសមធម៌ បណ្ណសម្គាល់គ្រួសារងាយរងហានិភ័យ ជាការងារដែលមន្ត្រីឃុំ-សង្កាត់ មន្ត្រីភូមិ ចុះធ្វើជាប្រចាំ នៅពេលពិនិត្យឃើញថា គ្រួសារណាមួយពិតជាមានជីវភាពខ្វះខាត និងត្រូវការចាំបាច់នូវការគាំពារពីរដ្ឋាភិបាល។ ការងារធ្វើបច្ចុប្បន្នភាពបណ្ណទាំងពីរ ក៏អនុវត្តជាប្រចាំផងដែរ នៅពេលដែលមានការពិនិត្យឃើញ ថាបណ្ណគ្រួសារណាមួយជិតហួសសុពលភាព។
ជាក់ស្ដែងប៉ុន្មានថ្ងៃមកនេះ មន្ត្រីសង្កាត់ដង្កោ ខណ្ឌដង្កោ បន្តចុះធ្វើសម្ភាសធ្វើបណ្ណជូនប្រជាពលរដ្ឋរស់នៅ តំបន់ទីលានចាក់សំរាម ជើងឯក។ ប្រជាពលរស់នៅទីនេះ គឺភាគច្រើនរស់នៅប្រកបរបររើសអេតចាយ នៅទីលានចាក់សំរាម ដើម្បីចិញ្ចឹមជីវិត។
លោក សុខ ជា មន្ត្រីសង្កាត់ដង្កោកាន់លើការងារបណ្ណសមធម៌ បណ្ណងាយរងហានិភ័យ លើកឡើងថា លោក និងមន្ត្រីភូមិ តែងចុះបំពេញការងារមួយនេះ ជាប្រចាំ។ លោកថានេះ ជាការងារចាំបាច់ ដែលរាជរដ្ឋាភិបាលមានការយកចិត្តទុកដាក់ ផ្ដល់ការគាំពារទាំងផ្នែកសុខភាព ក៏ដូចជាថវិកាជូនប្រជាពលរដ្ឋដែលមានជីវភាពខ្វះខាតពិតប្រាកដ។
សម្រាប់ប្រជាពលរដ្ឋរស់នៅតំបន់ទីលានចាក់សំរាម ពួកគាត់ម្នាក់ៗបង្ហាញនូវភាពសប្បាយចិត្ត ដែលអាជ្ញាធរបានចុះមកសម្ភាសធ្វើបណ្ណសមធម៌ បណ្ណសម្គាល់គ្រួសារងាយរងហានិភ័យ ជូនពួកគាត់ដោយផ្ទាល់នៅទីតាំងពួកគាត់រស់នៅ។ សប្បាយចិត្តដោយពួកគេដឹងពីអត្ថប្រយោជន៍ធំធេង នៃបណ្ណទាំងពីរ ពិសេសការគាំពារផ្ដល់សេវាថែទាំសុខភាព ការទទួលបានការព្យាបាលដោយមិនគិតថ្លៃ ក៏ដូចជាការទទួលបានថវិកាមួយចំនួនជាប្រចាំខែ បើសិនពួកគេទទួលបានបណ្ណសមធម៌។
អត្ថប្រយោជន៍នៃបណ្ណសមធម៌ រួមមាន៖ ការទទួលបានការព្យាបាលជំងឺដោយមិនគិតថ្លៃ នៅគ្រប់មន្ទីរពេទ្យរដ្ឋ ការទទួលប្រាក់ឧបត្ថម្ភក្រោមកម្មវិធីជាតិជំនួយសង្គមក្នុងកញ្ចប់គ្រួសារ និងការបណ្ដុះបណ្ដាលជំនាញបច្ចេកទេស និងប្រាក់ឧបត្ថម្ភប្រចាំខែក្រោមកម្មវិធីជាតិជំនួយសង្គមផ្នែកបណ្តុះបណ្តាលជំនាញវិជ្ជាជីវ: និងបច្ចេកទេស ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ។
ចំពោះអត្ថប្រយោជន៍ បណ្ណសម្គាល់គ្រួសារងាយរងហានិភ័យ រួមមាន៖ ការទទួលបាន ការព្យាបាលជំងឺដោយឥតគិតថ្លៃ នៅតាមមន្ទីរពេទ្យរដ្ឋ និងការទទួលបានការបណ្ដុះបណ្ដាលជំនាញបច្ចេកទេស និងប្រាក់ឧបត្ថម្ភប្រចាំខែក្រោមកម្មវិធីជាតិជំនួយសង្គមផ្នែកបណ្តុះបណ្តាលជំនាញវិជ្ជាជីវ: និងបច្ចេកទេស ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ (កម្មវិធី TVET)៕ អត្ថបទ៖ គឹម ហុក
-
ព័ត៌មាន1 week agoអាជ្ញាធរខេត្តកំពង់ស្ពឺ កំពុងជំរុញការស្ថាបនាជួសជុលកែលម្អផ្លូវជាច្រើនខ្សែដែលរងការខូចខាត
-
ព័ត៌មាន1 week agoក្រសួងបរិស្ថានគាំទ្រកិច្ចសហការជាមួយអង្គការ WWF លើការគ្រប់គ្រងបរិស្ថាននៅបឹងទន្លេសាប ការលើកកម្ពស់ជីវភាពសហគមន៍ និងការទប់ស្កាត់ការប្រែប្រួលអាកាសធាតុ
-
ព័ត៌មាន1 week agoACU ទទួលបានជំនួយសម្ភារៈបច្ចេកទេសពីចិន ចូលរួមលើកកម្ពស់ប្រសិទ្ធភាពបង្រ្កាបអំពើពុករលួយនៅកម្ពុជា
-
ព័ត៌មាន1 week agoតំណាងអយ្យការសម្រេចបើកការស៊ើបសួរ លើជនត្រូវចោទឆេង ភារុណ និងបក្សពួកម្នាក់ទៀត ក្នុងសំណុំរឿងហិង្សានៅខណ្ឌបឹងកេងកង
-
ព័ត៌មាន6 days agoអង្គភាពប្រឆាំងអំពើពុករលួយ និងសភាពាណិជ្ជកម្មប្តេជ្ញារួមគ្នាកសាងវប្បធម៌ស្អាតស្អំក្នុងធុរកិច្ច
-
ព័ត៌មាន1 week agoអាជ្ញាធរជាតិប្រយុទ្ធប្រឆាំងគ្រឿងញៀន ដុតបំផ្លាញគ្រឿងញៀនជាង ៤តោន នៅខេត្តកោះកុង
-
ព័ត៌មាន7 days agoសម្តេចប្រធានរដ្ឋសភា៖ សន្និសីទប្រធានសភានៃអន្តរសភាលើកទី២ ជាការចងក្រងបណ្តាញ អ្នកស្រលាញ់សន្តិភាពដើម្បីលើកម្ពស់វិបុលភាពរបស់ប្រជាពលរដ្ឋ
-
ព័ត៌មាន6 days agoក្រុមហ៊ុន ប៊ីវីអឹម និង Intertek ចុះហត្ថលេខាដើម្បីបង្កើតភាពជាដៃគូយុទ្ធសាស្រ្តលើការត្រួតពិនិត្យគុណភាពប្រេងឥន្ធនៈ