ព្រឹកនេះ ដំណើរការប្រឡងប្រជែងជ្រើសរើសមន្ត្រីរាជការ សម្រាប់ក្របខ័ណ្ឌក្រសួងការបរទេស និងសហប្រតិបត្តិការអន្តរជាតិ លើវិញ្ញាសាសួរផ្ទាល់មាត់ ចាប់ផ្តើម

បេក្ខជនដែលបានឆ្លងកាត់ការប្រឡងប្រជែង និងទទួលបានលទ្ធផលជោគជ័យ លើវិញ្ញាសាសរសេរលើកទី១ មុខតំណែងវិជ្ជាជីវៈក្នុងវិស័យការបរទេស និងសហប្រតិបត្តិការអន្តរជាតិ (តារាងឧបសម្ព័ន្ធ២ និងតារាងឧបសម្ព័ន្ធ៣) ចំនួន ៦៩រូប ត្រូវបន្តចូលរួមប្រឡងប្រជែងគ្នាលើ «វិញ្ញាសាសួរផ្ទាល់មាត់» ដែលចាប់ផ្តើមដំណើរការនៅម៉ោង ៧:០០នាទី ព្រឹកនេះ។

អនុវត្តទៅតាមនិយាមនីតិវិធីប្រតិបត្តិស្តីពីការប្រឡងប្រជែង (SOP) ក្នុងដំណើរការប្រឡងប្រជែងតម្រូវឱ្យបេក្ខជន ១រូប ចូលទៅឆ្លើយឆ្លងនូវរាល់សំណួរចោទសួរពីសាស្ត្រាចារ្យ ៣រូប ដើម្បីធ្វើមូលវិចារណ៍លើបុគ្គលិកលក្ខណៈ និងហេតុប្បទ្ទេសរបស់បេក្ខជនពាក់ព័ន្ធនឹងជំនាញ/ឯកទេសជ្រើសរើស ការងារការបរទេសនិងទំនាក់ទំនងអន្តរជាតិ មុខងារសាធារណៈ និងកែទម្រង់រដ្ឋបាលសាធារណៈ ព្រមទាំងសមត្ថភាពបំពេញការងារ ដោយប្រើពេលវេលាពី ១៥នាទី ទៅ ៣០នាទី។

ជាមួយគ្នានេះដែរ ក្នុងពេលកំពុងដំណើរការប្រឡងប្រជែង គឺស្ថិតក្រោមការឃ្លាំមើលជាប់ជាប្រចាំក្រោមក្រសែភ្នែករបស់ក្រុមការងារអង្គភាពប្រឆាំងអំពើពុករលួយ និងក្រុមការងារអនុគណៈកម្មការត្រួតពិនិត្យនិងវាយតម្លៃ នៅក្នុងបន្ទប់ប្រឡងដោយផ្ទាល់ ព្រមទាំងអ្នកសង្កេតការណ៍សាធារណជនស្ម័គ្រចិត្ត នៅខាងក្រៅបន្ទប់ប្រឡង ផងដែរ។