សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់តំណាងនាំយកទេយ្យវត្ថុ និងបច្ច័យ ថ្វាយប្រគេនសម្ដេចព្រះមហាសង្ឃរាជ នន្ទ ង៉ែត

ភ្នំពេញ៖ ក្នុងនាមជាកុលធីតាខ្មែរមួយរូប ដែលតែងតែប្រកាន់ខ្ជាប់នូវទំនៀមទម្លាប់ប្រពៃណីជាតិ និងព្រះពុទ្ធសាសនា ជាពិសេសការគិតគូរជាប្រចាំអំពីសុខុមាលភាព និងព្រះរាជសុខភាពរបស់ សម្ដេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត នន្ទ ង៉ែត សម្តេចព្រះមហាសង្ឃរាជ នៃព្រះរាជាណាចក្រកម្ពុជា, នៅព្រឹកថ្ងៃទី១៤ ខែមិថុនា ឆ្នាំ២០២៦នេះ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ឧត្តមភរិយាសម្តេចអគ្គមហាសេនាបតីតេជោ ហ៊ុន សែន និងជាប្រធានកាកបាទក្រហមកម្ពុជា បានចាត់ឱ្យលោកជំទាវបណ្ឌិត អ៊ុក ម៉ាលី សមាជិកាព្រឹទ្ធសភា និងជាអគ្គហេរញ្ញិក កាកបាទក្រហមកម្ពុជា នាំយកនូវទេយ្យវត្ថុ និងបច្ច័យមួយចំនួនធំ ទៅថ្វាយប្រគេនផ្ទាល់ចំពោះសម្ដេចជាអម្ចាស់ ដែលបច្ចុប្បន្នព្រះអង្គកំពុងគង់នៅក្នុងវត្តបទុមវត្តីរាជវរារាម រាជធានីភ្នំពេញ។

(រូបភាពប្លង់ បង្ហាញសកម្មភាពសប្បុរសធម៌ ឬសកម្មភាពចុះប្រកបដោយសទ្ធាជ្រះថ្លានាពេលកន្លងមករបស់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាមួយព្រះសង្ឃ) បើមាន

សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន តែងតែគិតគូរជាប់ជាប្រចាំមិនដែលខកខានឡើយ អំពីសុខទុក្ខ និងព្រះរាជសុខុមាលភាពរបស់សម្ដេចព្រះសង្ឃ ក៏ដូចជាព្រះថេរានុត្ថេរៈគ្រប់ព្រះអង្គ។ បើទោះបីជា សម្ដេចកិត្តិព្រឹទ្ធបណ្ឌិត មិនបានអញ្ជើញមកក្រាបបង្គំគាល់ដោយផ្ទាល់យ៉ាងណាក្ដី ក៏សម្ដេចតែងតែចាត់តំណាងដ៏ខ្ពង់ខ្ពស់ នាំយកនូវទេយ្យវត្ថុ គ្រឿងឧបភោគបរិភោគ និងបច្ច័យ មកដង្ហែថ្វាយប្រគេនជាប្រចាំ។

(រូបភាពប្លង់មធ្យម (Medium Shot) ទៅប្លង់ជិត (Close-up) បង្ហាញពីកាយវិការដ៏ទន់ភ្លន់របស់ លោកជំទាវបណ្ឌិត អ៊ុក ម៉ាលី ពេលកំពុងសំពះក្រាបបង្គំទូល សម្ដេចព្រះមហាសង្ឃរាជ)

ទន្ទឹមនឹងនេះ តាមរយៈលោកជំទាវបណ្ឌិត អ៊ុក ម៉ាលី, សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក៏បានលំឱនកាយក្រាបបង្គំទូលថ្វាយព្រះរាជសព្ទសាធុការពរជ័យចំពោះ សម្ដេចព្រះមហាសង្ឃរាជ ជាអម្ចាស់ សូមព្រះអង្គមានព្រះរាជសុខភាពល្អបរិបូរណ៍ ព្រះកាយពលមាំមួន និងព្រះជន្មាយុយឺនយូរ ដើម្បីបន្តគង់ប្រថាប់ជាម្លប់ដ៏ត្រជាក់ត្រជំ ទ្រទ្រង់ដល់វិស័យព្រះពុទ្ធសាសនានៅក្នុងព្រះរាជាណាចក្រកម្ពុជា ឱ្យបានយូរអង្វែងតទៅ។

(រូបភាព ប្លង់ព្រះភក្ត្រ សម្ដេចព្រះមហាសង្ឃរាជ នន្ទ ង៉ែត កំពុងប្រសិទ្ធពរ (បើមានសំឡេងដើម Natural Sound គួរតែបើកឱ្យឮតិចៗ) រួចកាត់បញ្ចូលរូបថតផ្លូវការរបស់ សម្ដេចតេជោ, សម្ដេចកិត្តិព្រឹទ្ធបណ្ឌិត, សម្ដេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី) ចូលបន្តិចក៏បាន

ដោយអំណាចនៃមហាកុសលផលបុណ្យនេះដែរ សម្ដេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត នន្ទ ង៉ែត សម្តេចព្រះមហាសង្ឃរាជ នៃព្រះរាជាណាចក្រកម្ពុជា បានប្រោសប្រទាននូវសព្ទសាធុការពរជ័យ សិរីសួស្តី ជ័យមង្គល វិបុលសុខគ្រប់ប្រការ ជូនចំពោះ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងសម្ដេចតេជោ ហ៊ុន សែន ព្រមទាំង សម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត សូមជួបប្រទះតែនឹងសេចក្ដីសុខ សេចក្ដីចម្រើន ដើម្បីបន្តដឹកនាំ និងអភិវឌ្ឍន៍ប្រទេសជាតិកម្ពុជា ឱ្យកាន់តែមានការរីកចម្រើនរុងរឿងជានិរន្តរ៍។

(រូបភាពប្លង់លម្អិត (Detail Shots) ទាញជិតទៅលើមុខទំនិញនីមួយៗ ដូចជា អង្ករ ផ្លែឈើ ទឹកដោះគោ Ensure និងស្រោមបច្ច័យ រួចបញ្ចប់ដោយប្លង់រួមនៃពិធីទាំងមូល)

សូមជម្រាបជូនថា ទេយ្យទានជាសទ្ធាជ្រះថ្លារបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ថ្វាយប្រគេនចំពោះ សម្ដេចព្រះមហាសង្ឃរាជ រួមមាន៖ អង្ករ, ផ្លែឈើស្រស់, ទឹកដោះគោ Ensure, ទឹកដោះគោស្រស់, ទឹកត្រចៀកកាំ, ទឹកប្រទាលកន្ទុយក្រពើ, ទឹកបរិសុទ្ធ និងថវិកាមួយចំនួនធំ។ ដោយឡែក លោកជំទាវបណ្ឌិត អ៊ុក ម៉ាលី និងឯកឧត្តមបណ្ឌិតសភាចារ្យ ម៉ា ឈឿន ក៏មានសទ្ធាជ្រះថ្លាថ្វាយប្រគេននូវថវិកាផ្ទាល់ខ្លួនមួយចំនួនផងដែរ៕

អត្ថបទ៖ សំ ងីម