គណៈកម្មាធិការគណបក្សប្រជាជនកម្ពុជាឃុំកណ្តឹងស្រុកបាទី ផ្សព្វផ្សាយសេចក្តីសម្រេចស្តីពីផែនការរួម ឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ ២០២៧

(តាកែវ) នារសៀលថ្ងៃសៅរ៌ ទី២៥ ខែកក្កដា ឆ្នាំ២០២៦ គណៈកម្មាធិការគណបក្សប្រជាជនកម្ពុជាឃុំកណ្តឹង ស្រុកបាទី

ខេត្តតាកែវ បានរៀបចំពិធីផ្សព្វផ្សាយសេចក្តីសម្រេចដ៌ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុនសែន ប្រធានគណបក្សប្រជាជនកម្ពុជា កាលពីថ្ងៃទី27ខែមេសា ឆ្នាំ2026 ស្តីពីផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ ២០២៧ខាងមុខ។

ពិធីនេះបានប្រព្រឹត្តឡើងនៅស្នាក់ការគណបក្សប្រជាជនកម្ពុជាឃុំកណ្តឹង ក្រោមអធិបតីភាពដ៏ខ្ពង់ខ្ពស់ ឯកឧត្តម ឈិត បូរ៉ាវុធ ប្រធានក្រុមការងារគណបក្សចុះជួយមូលដ្ឋានឃុំកណ្តឹង និង លោក រៀម វណ្ណវី អនុប្រធានគណៈកម្មាធិការគណបក្សស្រុកបាទី ដោយមានការអញ្ជើញចូលរួមពីឯកឧត្តម លោក ជំទាវ លោក លោកស្រី ជាអនុប្រធាន សមាជិក សមាជិកា នៃក្រុមការងារគណបក្សចុះជួយមូលដ្ឋាន គណៈកម្មាធិការគណ បក្សឃុំ និងថ្នាក់ដឹកនាំសាខាគណបក្សគ្រប់ភូមិ និងយុវជនបក្សឃុំ សរុបប្រមាណជាង ២០០ នាក់ ។

អង្គពិធីបានផ្តោតលើការផ្សព្វផ្សាយខ្លឹមសារសេចក្តីសម្រេច និងទិសដៅអនុវត្តផែនការរួម ដើម្បីពង្រឹងការងាររៀបចំ ការចាត់ តាំង និងការចលនាកម្លាំងគណបក្សនៅមូលដ្ឋានឱ្យមាន ប្រសិទ្ធភាពខ្ពស់ សំដៅឆ្ពោះទៅរកជោគជ័យក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ២០២៧ ស្របតាមគោលនយោបាយ និងទិសដៅរបស់គណបក្សប្រជា ជនកម្ពុជា។ ដោយខ្លឹមសារទាំងស្រុងនៃសេចក្តីសម្រេចឆ្ពោះទៅរកជោគជ័យក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៦ ឆ្នាំ២០២៧ នេះត្រូវបានឡើងអានផ្សព្វផ្សាយដោយឯកឧត្តម គា អ៊ាវ អនុប្រធានក្រុមការងារគណបក្សចុះមូលដ្ឋានឃុំកណ្តឹង ដើម្បីឲ្យសមាជិកសមាជិកានិងថ្នាក់ដឹក នាំ-មន្ត្រីគណបក្សឃុំ-ភូមិទាំងអស់បានយល់ដឹងច្បាស់ពីដំណើរការនៃការរៀបចំផែនការរបស់គណៈកម្មាធិការបក្សឃុំនីមួយៗរបស់ខ្លួនក៏ដូចជាការរៀបចំផែនការសកម្មភាពរួមរបស់គណៈកម្មាធិការគណបក្សស្រុកសម្រាប់ឆ្ពោះទៅកាន់ការបោះ ឆ្នោតនាថ្ងៃអាទិត្យ ទី6 ខែមិថុនា ឆ្នាំ2027ខាងមុខឱ្យកើនសំលេងអាសនះតាមផែនការជូនគណបក្ស ៕