ព័ត៌មាន
សម្ដេចធិបតី៖ការចុះហត្ថលេខាចំនួន ២៩ លើវិស័យជាច្រើនបានបំបែកឯកត្តកម្មសម្រាប់រាជរដ្ឋាភិបាល
សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា មានប្រសាសន៍បញ្ជាក់ថា តាមរយៈការចុះហត្ថលេខារវាងព្រះរាជាណាចក្រកម្ពុជា និងសាធារណរដ្ឋបារាំង លើវិស័យសំខាន់ៗជាច្រើនក្នុងពេលតែមួយ ក្នុងឱកាសដំណើរទស្សនកិច្ចផ្លូវរដ្ឋរបស់ ឯកឧត្តម Emmanuel MACRON ប្រធានាធិបតីនៃសាធារណរដ្ឋបារាំងមកកាន់កម្ពុជា នាពេលនេះ បានបំបែកឯកត្តកម្មសម្រាប់រាជរដ្ឋាភិបាលអាណត្តិទី៧។
សម្ដេចធិបតី នាយករដ្ឋមន្រ្ដី មានប្រសាសន៍បញ្ជាក់បែបនេះ ក្នុងសន្និសីទសារព័ត៌មានរួមគ្នាជាមួយឯកឧត្តម Emmanuel MACRON ប្រធានាធិបតីនៃសាធារណរដ្ឋបារាំងនាព្រលប់ថ្ងៃទី១៥ ខែវិច្ឆិកា ឆ្នាំ២០២៦ នៅវិមានសន្តិភាព។
ក្នុងសន្ដិសីទនេះ សម្តេចធិបតី នាយករដ្ឋមន្រ្តីនៃកម្ពុជា និងឯកឧត្តម អេម៉ានុយអែល ម៉ាក្រុង ប្រធានាធិបតីនៃសាធារណរដ្ឋបារាំង បានបញ្ចប់កិច្ចពិភាក្សាផ្លូវការ និងបានកំណត់អាទិភាពសម្រាប់ភាពជាដៃគូកម្រិតថ្មី ដែលនឹងក្លាយជាត្រីវិស័យសម្រាប់ទំនាក់ទំនងកម្ពុជា-បារាំង។
សម្តេចធិបតីបានសម្តែងការស្វាគមន៍ ចំពោះសេចក្តីប្រកាសនយោបាយរួម និងការចុះហត្ថលេខាលើកិច្ចព្រមព្រៀងចំនួន ២៩ ដែលគ្របដណ្ដប់លើវិស័យសំខាន់ៗជាច្រើន រួមមានសេដ្ឋកិច្ច ការឆ្លើយតបបញ្ហាប្រឈមសន្តិសុខសកល និងការផ្លាស់ប្ដូររវាងប្រជាជន។ សម្ដេចបានថ្លែងថា កិច្ចព្រមព្រៀងទាំងនេះ គឺជាឯកត្តកម្មសម្រាប់រាជរដ្ឋាភិបាលអាណត្តិទី៧ ក្នុងការចុះហត្ថលេខាលើកិច្ចព្រមព្រៀងច្រើនជាមួយដៃគូក្នុងពេលតែមួយ។
សម្ដេចធិបតីបានរំឭកឡើងថា ចំពោះកិច្ចសហប្រតិបត្តិការសេដ្ឋកិច្ច កម្ពុជាវាយតម្លៃខ្ពស់ចំពោះការគាំទ្រយូរអង្វែងរបស់បារាំង ជាពិសេសទីភ្នាក់ងារបារាំងសម្រាប់អភិវឌ្ឍន៍ ចាប់តាំងពីឆ្នាំ១៩៩៣។ កិច្ចព្រមព្រៀងវិនិយោគក្នុងវិស័យយុទ្ធសាស្ត្រដូចជា ថាមពល សុខាភិបាល ទូរគមនាគមន៍ ហេដ្ឋារចនាសម្ព័ន្ធ និងកសិកម្ម នឹងបង្កើតឱកាសថ្មីៗដើម្បីពង្រីកការវិនិយោគ និងពាណិជ្ជកម្មទ្វេភាគី។ លើសពីនេះ ប្រទេសទាំងពីរនឹងបន្តកិច្ចប្រតិបត្តិការយោធារួមគ្នាក្នុងការបណ្ដុះបណ្ដាល និងការកសាងសមត្ថភាព ព្រមទាំងពង្រឹងកិច្ចសហការថែរក្សាសន្តិភាពក្រោមឆ័ត្រអង្គការសហប្រជាជាតិ។
សម្តេចធិបតី ក៏បានគូសបញ្ជាក់ពីសារៈសំខាន់នៃការពង្រឹងកិច្ចសហប្រតិបត្តិការក្នុងការដោះស្រាយបញ្ហាប្រឈមផ្នែកសន្តិសុខឆ្លងដែន រួមមានឧក្រិដ្ឋកម្មឆ្លងដែនដែលមានអង្គការចាត់តាំង ឧក្រិដ្ឋកម្មបច្ចេកវិទ្យា និងការឆបោកតាមប្រព័ន្ធបច្ចេកវិទ្យា។ ក្នុងវិស័យវប្បធម៌ កម្ពុជាវាយតម្លៃខ្ពស់ចំពោះការចូលរួមចំណែករបស់បារាំងក្នុងការអភិវឌ្ឍ និងលើកកម្ពស់បេតិកភណ្ឌវប្បធម៌ ជាពិសេសការជួសជុលប្រាសាទមេបុណ្យខាងលិច។ ព្រះករុណា ព្រះមហាក្សត្រ និងប្រធានាធិបតី ម៉ាក្រុង នឹងយាង និងអញ្ជើញចូលរួមធ្វើអធិបតីក្នុងពិធីអបអរសាទរសមិទ្ធផលនេះនៅសៀមរាបនៅថ្ងៃស្អែក៕










-
កម្សាន្ដ7 days agoកញ្ញា សុគា គីមលាង ប្តេជ្ញាបង្ហាញសក្តានុពលទេសចរណ៍ និងវប្បធម៌កម្ពុជាលើឆាក Miss International នៅជប៉ុន
-
ព័ត៌មាន1 week agoសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់តំណាងនាំយកអំណោយមនុស្សធម៌ចែកជូនប្រជាជនរងគ្រោះដោយបាក់ច្រាំងទន្លេ ប្រជាជនរងផលប៉ះពាល់ក្រោយទឹកជំនន់ និងគ្រួសារងាយរងគ្រោះបំផុតចំនួន ៨៦០គ្រួសារ នៅខេត្តត្បូងឃ្មុំ…!!
-
ព័ត៌មាន1 week agoលោកជំទាវបណ្ឌិត ពេជ ចន្ទមុន្នី៖ ការគាំទ្រផលិតផលខ្មែរដែលមានគុណភាព គឺជាការពង្រឹងសេដ្ឋកិច្ចជាតិ
-
ព័ត៌មាន1 week agoសម្ដេចធិបតី៖ កីឡាករមានពិការភាព គឺជានិម្មិតរូបនៃភាពអត់ធ្មត់ ឆន្ទៈមោះមុត និងការតស៊ូឆ្ពោះទៅរកគោលដៅ
-
ព័ត៌មាន1 week agoលោកជំទាវបណ្ឌិត ពេជ ចន្ទមុន្នី៖ «ខ្មែរធ្វើបាន» បង្ហាញមោទនភាពថា ខ្មែរគ្រប់ជំនាន់អាចធ្វើបាន
-
ព័ត៌មាន1 week agoឯកឧត្តម ហ៊ុន ម៉ានី ចាត់ទុក ពិព័រណ៍ផលិតផលខ្មែរ ជាឱកាសបង្ហាញសក្ដានុពលសេដ្ឋកិច្ចកម្ពុជា
-
ព័ត៌មាន7 days agoសម្ដេចធិបតី លើកទឹកចិត្តដល់យុវជនមិនទាន់ជាប់ចូលរួមកាតព្វកិច្ចយោធា សូមបន្តដាក់ដាក់ពាក្យនៅឆ្នាំក្រោយ
-
កីឡា6 days agoក្រសួងមហាផ្ទៃ និងខេត្តកណ្ដាល កំពុងនាំមេដាយកីឡាជាតិ និងកីឡាជាតិជនពិការ ឆ្នាំ២០២៦