បន្ទាប់ពីពិធីបុណ្យចូលឆ្នាំថ្មីប្រពៃណីជាតិខ្មែរ ត្រូវបានបញ្ចប់ បងប្អូនប្រជាពលរដ្ឋ ចាប់ផ្តើមចាកចេញពីស្រុកកំណើត វិលចូលមកកាន់រាជធានីភ្នំពេញវិញជាបន្តបន្ទាប់ ។ នាថ្ងៃទី១៧ ខែមេសា ឆ្នាំ២០២៦នេះ ដែលជាថ្ងៃបញ្ចប់ នៃការផ្តល់រថយន្តក្រុងសាធារណះជិះឥតគិតថ្លៃរបស់រាជរដ្ឋាភិបាល គេសង្កេតឃើញថា ៖ បណ្តាបងប្អូនពលរដ្ឋ សិស្សនិស្សិត កម្មករនិយោជិក បានទទួលយកសេវាដឹកជញ្ចូន ដោយជិះធ្វើដំណើរចាកចេញពីស្រុកកំណើតនៅតាមបណ្តាខេត្តនានា ចូលមករាជធានីភ្នំពេញវិញ ដើម្បីបន្តប្រកបរបររកស៊ីទទួលទាន និងបំពេញកិច្ចការងារជាធម្មតា ។ ប្រជាពលរដ្ឋសម្តែងក្តីពេញចិត្ត និងរីករាយជាខ្លាំងដែលបានជិះរថយន្តក្រុងឥតគិតថ្លៃ ទាំងការធ្វើដំណើរទៅ និងមក...
ភ្នំពេញ៖ រយៈពេលបីថ្ងៃនៃពិធីបុណ្យចូលឆ្នាំថ្មីឆ្នាំប្រពៃណីជាតិខ្មែរក្នុងឆ្នាំ២០២៦នេះ នៅរាជធានីភ្នំពេញ ការប្រមូលសំរាមបានចំនួនជាង ៧ ១៣៤ តោន យកទៅទុកដាក់ទៅទីលានទុកដាក់សំរាម, ចំនួននេះបានថយចុះ ៤៨% បើធៀបនឹងឆ្នាំមុន។ យោងតាមទិន្នន័យរបស់សេវាប្រមូលសំរាម និងអាជ្ញាធរ បរិមាណសំរាមនៅរាជធានីភ្នំពេញ ក្នុងឱកាសពិធីបុណ្យចូលឆ្នាំថ្មីឆ្នាំនេះ បានបង្ហាញនូវសញ្ញាវិជ្ជមាន តាមរយៈការថយចុះគួរឱ្យកត់សម្គាល់។ ជាក់ស្តែង សរុបទាំង៣ថ្ងៃនៃពិធីបុណ្យ សំរាមចំនួនជាង ៧ ១៣៤ តោន ត្រូវបានប្រមូលទុកដាក់ទៅទីលានទុកដាក់សំរាមនៅក្នុងរាជធានីភ្នំពេញ។ ដោយឡែកនៅថ្ងៃធម្មតាការប្រមូលទុកដាក់សំរាមដែលបញ្ចេញដោយប្រជាពលរដ្ឋរស់នៅរាជធានីភ្នំពេញ ដោយក្រុមហ៊ុនប្រមូលសំរាមទាំង៣...
បាត់ដំបង៖ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានអញ្ជើញជួបសំណេះសំណាលសួរសុខទុក្ខ និងជូនដំណើរប្រជាពលរដ្ឋជិះរថយន្តក្រុងដែលរាជរដ្ឋាភិបាលផ្ដល់ឱ្យជិះមិនបង់ប្រាក់វិលត្រឡប់ទៅរាជធានីភ្នំពេញវិញដើម្បីបន្តប្រកបមុខរបរការងារបន្ទាប់ពីធ្វើដំណើរមកលេងស្រុកកំណើតនៅខេត្តបាត់ដំបងក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ។ ក្នុងឱកាសអញ្ជើញសំណេះសំណាល និងជូនដំណើរប្រជាពលរដ្ឋ នៅព្រឹកថ្ងៃទី១៧ ខែមេសា ឆ្នាំ២០២៦ នាទីតាំងចំណតរថយន្តផ្សារ ភួ ពុយ ក្រុងបាត់ដំបង ឯកឧត្តម សុខ លូ បានគោរពថ្លែងអំណរគុណដល់រាជរដ្ឋាភិបាលតាំងពីសម្ដេចអគ្គមហាសេនាបតីតេជោ ហ៊ុន សែន បន្តមកដល់សម្ដេចមហាបវរធិបតី ហ៊ុន...
សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានលើកឡើងថា ពិធីបុណ្យចូលឆ្នាំខ្មែរប្រពៃណីជាតិ បានប្រព្រឹត្តិទៅរលូន ស្នាមញញឹម និងថែរក្សាបានទំនៀមទម្លាប់ ប្រពៃណី តាមរយៈការចូលរួមយ៉ាងល្អប្រសើររបស់បងប្អូនប្រជាពលរដ្ឋខ្មែរ ក្នុងការលេងល្បែងប្រជាប្រិយ និងរាំរបាំបុរាណ។ តាមរយៈបណ្ដាញសង្គមនៅព្រឹកថ្ងៃទី១៧ ខែមេសា ឆ្នាំ២០២៦នេះ សម្ដេចធិបតី នាយករដ្ឋមន្ត្រី បានសរសេរសារថ្លែងអំណរគុណអាជ្ញាធររាជធានី-ខេត្ត ក្រុមការងារថ្នាក់ជាតិ ក្រសួង/ស្ថាប័ន កងកម្លាំងគ្រប់ប្រភេទដែលបានចូលរួមប្រចាំការ និងបំពេញភារកិច្ចរបស់ខ្លួន បម្រើឱ្យពិធីបុណ្យចូលឆ្នាំខ្មែររៀបចំទៅបានដោយភាពសប្បាយរីករាយ និងសេចក្តីសុខសុវត្ថិភាព...
នៅថ្ងៃទី១៧ ខែមេសានេះ បានមើលឃើញថា ក្រុមអាជីវករផ្សាររដ្ឋមួយចំនួនបានចាប់ផ្តើមបើកអាជីវកម្មឡើងវិញ និងមួយចំនួនផ្សេងទៀតបន្តឈប់សម្រាកដើម្បីជួបជុំក្រុមគ្រួសារ ខណៈពិធីបុណ្យចូលឆ្នាំថ្មីប្រពៃណីជាតិខ្មែរបានបញ្ចប់ដោយភាពសប្បាយរីករាយនៅទូទាំងប្រទេស។ យោងតាមប្រធានគណកម្មការផ្សារធំថ្មី បានឱ្យដឹងថា ជារៀងរាល់នៃពិធីបុណ្យចូលឆ្នាំប្រពៃណីជាតិខ្មែរ ក្រៅពីបណ្តាស្ថាប័នរដ្ឋលើកលែងតែកម្លាំងប្រដាប់អាវុធត្រូវឈប់សម្រាករយៈពេល៣ថ្ងៃ។ ដូច្នេះ បណ្តាផ្សារគ្រប់គ្រងដោយរដ្ឋក៏ត្រូវបានអនុញ្ញាតឱ្យឈប់សម្រាកដូចគ្នា លើកលែងតែអាជីវករមួយចំនួនខាងផ្នែកម្ហូបអាហារតែប៉ុណ្ណោះ ដែលបន្តសកម្មភាពលក់ជាធម្មតា ដោយសារអាចរកប្រាក់ចំណូលបានច្រើនជាងថ្ងៃធម្មតាទូទៅ។ ក្រុមអាជីវករផ្សារធំថ្មីភាគច្រើន បានឱ្យព័ត៌មាន ប៊ីធីវី ដឹងថា នៅក្នុងថ្ងៃឈប់សម្រាកនេះមិនបានដើរលេងកម្សាន្តនៅតំបន់ឆ្ងាយៗនោះទេ ក្រៅពីជួបជុំក្រុមគ្រួសារនៅផ្ទះ និងដើរលេងកម្សាន្តនៅក្រុងភ្នំពេញ ជាពិសេសទៅលេងនៅតំបន់រមណីយដ្ឋានប្រវត្តិសាស្រ្តវត្តភ្នំ ពីព្រោះឆ្នាំនេះរាជរដ្ឋាភិបាលបានរៀបចំព្រឹត្តការណ៍នគរសង្រ្កាន្ត ដោយអាចនាំកូនចៅទៅដើរលេង និងឈ្វេងយល់អំពីវប្បធម៌ខ្មែរជាដើម។...
រយៈពេល៣ថ្ងៃនៃពិធីបុណ្យចូលឆ្នាំខ្មែរនេះ ប្រជាពលរដ្ឋភៀសសឹកតាមបណ្តាខេត្តទាំង៣ ព្រះវិហារ ឧត្តរមានជ័យ និងបន្ទាយមានជ័យ បានចូលរួមសប្បាយរីករាយអបអរសាទរដូចប្រជាពលរដ្ឋទូទៅតាមរយៈការរៀបចំរបស់រដ្ឋបាលខេត្តក្នុងមូលដ្ឋាន។ ក្នុងឱកាសចូលឆ្នាំនេះដែរ ឯកឧត្តម ទេសរដ្ឋមន្រ្តី គន់ គីម បានធ្វើដំណើរចុះទៅតាមបណ្តាខេត្តទាំង៣ ដើម្បីចុះជួបសំណេះសំណាល និងចូលរួមសប្បាយរីករាយជាមួយប្រជាពលរដ្ឋ ក្នុងគ្រាដែលរាជរដ្ឋាភិបាលបានខិតខំគ្រប់មធ្យោបាយទាមទារអធិបតេយ្យភាពជាតិ និងការបាត់បង់ដោយសារការឈ្លានពានរបស់ប្រទេសថៃ។ ជាក់ស្តែង រយៈពេល៣ថ្ងៃចូលឆ្នាំនេះ ឯកឧត្តម ទេសរដ្ឋមន្រ្តី បានចុះជួបប្រជាពលរដ្ឋហើយផ្តល់ស្នាមញញឹម ដោយការដោះស្រាយបញ្ហាទឹកស្អាតជូនពួកគាត់ និងរៀបចំការជញ្ជូនទឹកទៅតាមខ្នងផ្ទះសម្រាប់ជាតម្រូវការប្រើប្រាស់ក្នុងឱកាសចូលឆ្នាំប្រពៃណីខ្មែរ។ ឯកឧត្តម ទេសរដ្ឋមន្រ្តី ថ្លែងថា...
ស្នងការនគររាជធានីភ្នំពេញបានបញ្ជាក់ថា ពិធីបុណ្យចូលឆ្នាំថ្មីប្រពៃណីជាតិខ្មែរ នៃព្រឹត្តិការណ៍នគរសង្ក្រាន្ត រយៈពេលបីថ្ងៃនេះ គឺបានប្រព្រឹត្តទៅដោយរលូន និងមិនមានបញ្ហាអ្វីកើតឡើងនោះទេ ដោយកម្លាំងសមត្ថកិច្ចបានដាក់ពង្រាយការពារសន្តិសុខយ៉ាងតឹងរឹង។ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញបានបញ្ជាក់ប្រាប់ BTV ថាការការពារសន្តិសុខ សណ្ដាប់ធ្នាប់ ជូនប្រជាពលរដ្ឋនៅក្នុងពិធីបុណ្យចូលឆ្នាំថ្មីប្រពៃណីជាតិខ្មែរ នៃព្រឹត្តុិការណ៍នគរសង្ក្រាន្ត ពីថ្ងៃទី១ ទី២ និងនៅថ្ងៃទី៣ គឺបានប្រព្រឹត្តទៅយ៉ាងរលូន និងមិនមានបាតុភាពអ្វីកើតឡើងនោះទេ។ ហើយនៅថ្ងៃទី៣ នៃពិធីបុណ្យចូលឆ្នាំថ្មីប្រពៃណីជាតិខ្មែរ មានប្រជាពលរដ្ឋ...
អាជីវករលក់ដូរក្នុងព្រឹត្តិការណ៍នគរសង្ក្រាន្ត បាននិងកំពុងចូលរួមចំណែកលើកកម្ពស់វិស័យទេសចរណ៍នៅកម្ពុជា និងការទាក់ ទាញភ្ញៀវទេសជាតិនិងអន្តរជាតិ ចូលទស្សនានៅរាជធានីភ្នំពេញ តាមរយៈការបង្ហាញនូវភាពសម្បូរ នៃការផ្គត់ផ្គង់វត្ថុអនុស្សាវរីយ៍ គ្រឿងបរិភោគ និងចំណីអាហារផ្សេងៗ។ អាជីវករលក់ដូរនៅក្នុងថ្ងៃបុណ្យចូលឆ្នាំប្រពៃណីខ្មែរ នគរសង្ក្រាន្ត នៅរាជធានីភ្នំពេញ ក្នុងថ្ងៃបុណ្យចូលឆ្នាំទី៣ ត្រូវនឹងថ្ងៃទី ១៦ ខែមេសា ឆ្នាំ២០២៦ នេះថា ព្រឹត្តិការណ៍នគរសង្ក្រាន្ត ដែលរៀបចំឡើងនៅរាជធានីភ្នំពេញឆ្នាំនេះ បានបង្ហាញឱ្យឃើញអំពីមហារ សាមគ្គីពង្រឹងស្មារតីជាតិ និងអត្តសញ្ញាណជាតិ ក្រៅពីនេះក៏រួមចំណែកក្នុងការជំរុញអ្វីដែលជាចំណូលសេដ្ឋកិច្ច ក៏ដូចជាការលើក កម្ពស់អាជីវករតូច...
ភ្នំពេញ៖ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា (ស.ស.យ.ក.) និងឯកឧត្តម ឃួង ស្រេង អភិបាលរាជធានីភ្នំពេញ នាថ្ងៃទី១៦ ខែមេសា ឆ្នាំ២០២៦ ត្រូវនឹងថ្ងៃទី៣ ជាថ្ងៃវារៈឡើងស័ក្ដនៃពិធីបុណ្យចូលឆ្នាំថ្មីប្រពៃណីជាតិខ្មែរ ក្នុងព្រឹត្តិការណ៍នគរសង្រា្កន្ត ឆ្នាំ២០២៦ បានអញ្ជើញជាអធិបតី ក្នុងពិធីដង្ហែព្រះពុទ្ធប្បដិមា ពីវត្តឧណ្ណាលោមមកគង់លើបុសប្បុកនិងស្រង់ព្រះនៅរមណីដ្ឋានវប្បធម៌ប្រវត្តិសាស្ត្រវត្តភ្នំ ។ ពិធីដង្ហែព្រះពុទ្ធប្បដិមានេះ យកមកគង់លើបុស្បុក បើតាមជំនឿរបស់ប្រជាពលរដ្ឋ...
ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា (ស.ស.យ.ក.) បង្ហាញក្ដីសោមនស្ស និងជ្រះថ្លាបានចូលរួមជាមួយព្រះថេរានុថេរៈ និងពលរដ្ឋដង្ហែព្រះពុទ្ធបដិមាដើម្បីរំលឹកដឹងគុណដល់ព្រះសម្មាសម្ពុទ្ធ និងសុំសិរីសួស្តីជូនជាតិមាតុភូមិ នៅថ្ងៃទី១៦ ខែមេសា ឆ្នាំ២០២៦នេះ ត្រូវនឹងថ្ងៃបញ្ចប់នៃពិធីបុណ្យចូលឆ្នាំថ្មីប្រពៃណីជាតិខ្មែរ។ ឯកឧត្តមបានថ្លែងថា៖«ខ្ញុំពិតជាមានសេចក្តីសោមនស្ស និងជ្រះថ្លាជាទីបំផុត ដែលបានចូលរួមជាមួយព្រះថេរានុថេរៈ ភិក្ខុសង្ឃ ដូនជី និងបងប្អូនប្រជាពលរដ្ឋទាំងអស់ ក្នុងក្បួនដង្ហែព្រះពុទ្ធបដិមាពីវត្តឧណ្ណាលោម ឆ្ពោះទៅកាន់វត្តភ្នំ ដើម្បីធ្វើប្រទក្សិណ និងប្រារព្ធកិច្ចស្រង់ព្រះ នាថ្ងៃទី៣...