ព័ត៌មាន
NEA បន្តបើកវគ្គបណ្តុះបណ្តាលជំនាញទន់ដល់យុវជន ដើម្បីឆ្លើយតបតម្រូវការកម្លាំងពលកម្មក្នុងស្រុក
រហូតមកដល់ពេលនេះក្រៅពីវេទិកាការងារ ការចុះផ្សព្វផ្សាយព័ត៌មានអំពីឱកាសការងារ ក៏ដូចការរៀបចំពិព័រណ៍ការងារជាដើម ទីភ្នាក់ងារជាតិមុខរបរ និងការងារ (NEA) នៅតែបន្តរៀបចំវគ្គបណ្តុះបណ្តាលជំនាញទន់ដោយឥតគិតថ្លៃ ជូនដល់យុវជន សិស្សនិស្សិត និងអ្នកស្វែងរកការងារ ដើម្បីឆ្លើយតបតម្រូវការកម្លាំងពលកម្មកើនឡើង ក៏ដូចជាបំពេញតម្រូវការរបស់ភាគីនិយោជក។

លោក ឆោម សុខឿន ប្រធានមជ្ឈមណ្ឌលការងាររាជធានីភ្នំពេញនៃទីភ្នាក់ងារជាតិមុខរបរ និងការងារ នៃក្រសួងការងារ និងបណ្តុះបណ្តាលវិជ្ជាជីវៈ នៅក្នុងបទសម្ភាសន៍ជាមួយព័ត៌មាន ប៊ីធីវី នៅព្រឹកថ្ងៃទី១០ ខែកញ្ញា ឆ្នាំ២០២៤នេះ បានឲ្យដឹងថា គិតចាប់ពីដើមខែមករា រហូតមកដល់បច្ចុប្បន្ននេះ មានយុវជនជាច្រើនរយនាក់ បានចាប់អារម្មណ៍ និងចុះឈ្មោះដើម្បីទទួលការបណ្តុះបណ្តាលជំនាញទន់នេះ ដែល NEA តែងតែរៀបចំជារៀងរាល់សប្តាហ៍ក្នុងថ្ងៃអង្គារ។ លោកបានបន្តថា មូលហេតុដែល NEA នៅតែបន្តរៀបចំវគ្គបណ្តុះបណ្តាលនេះឡើង គឺដើម្បីជួយនិយោជិត ឲ្យរៀនសូត្រយ៉ាងរហ័ស និងអនុវត្តកិច្ចកាន់តែមានប្រសិទ្ធភាព និងធ្វើឲ្យកន្លែងការងារកាន់តែមានការអភិវឌ្ឍថ្មី។ លើសពីនេះទៀត គឺជួយនិយោជិតឲ្យបង្កើតនូវប្រព័ន្ធ ដើម្បីដោះស្រាយបញ្ហាផ្សេងៗ ដែលជួបប្រទះក្នុងការងារ និងជីវិតប្រចាំថ្ងៃជាដើម។

លោកប្រធានមជ្ឈមណ្ឌល បានបញ្ជាក់ថា មុនចូលក្នុងទីផ្សារការងារ យុវជន សិស្សនិស្សិត និងអ្នកស្វែងរកការងារ ចាំបាច់ត្រូវតែត្រៀមខ្លួន និងគួរតែចូលរួមការបណ្តុះបណ្តាលជំនាញទន់ ដោយសារជំនាញ់ទន់ជួយបង្កើនចំណេះដឹងរបស់បុគ្គលម្នាក់ៗក្នុងការរក្សាការងារ សំដៅជំរុញឲ្យមានវឌ្ឍនភាពនៅក្នុងក្រុមហ៊ុន និងការងារផ្សេងៗ ព្រមទាំងដោះស្រាយបញ្ហានៃការផ្លាស់ប្តូរបច្ចេកវិទ្យា និងតម្រូវតាមស្ថានភាពទីផ្សារការងារ។ លោកបន្ថែមទៀតថា ជំនាញ់ទន់នេះ ដើរតួនាទីយ៉ាងសំខាន់ ដូចជា ៖ ការដឹកនាំមនុស្ស, ការគ្រប់គ្រប់សកម្មភាព , ការគ្រប់គ្រងធនធាន និងការគ្រប់គ្រងព័ត៌មាន។
យោងតាមរបាយការណ៍ព័ត៌មានទីផ្សារការងារ គិតត្រឹមត្រីមាសទី១ ឆ្នាំ២០២៤ ទស្សនវិស័យសេដ្ឋកិច្ចទីផ្សារការងារកម្ពុជា ឆ្នាំ២០២៤ ជំនាញទន់ចំនួន៧ ដែលចាំបាច់ មានដូចជា៖ ជំនាញធ្វើការងារជាក្រុម, ជំនាញដោះស្រាយបញ្ហា, ជំនាញរៀបចំផែនការ , ជំនាញសម្របសម្រួលជាមួយអតិថិជន , ជំនាញរៀនការងារថ្មីបានលឿន និងឆាប់ចេះ , ជំនាញទំនាក់ទំនង និងជំនាញភាសាបរទេស៕ អត្ថបទ៖ ឈិត បូរ៉ាវី




-
ព័ត៌មាន1 week agoជំនាញព្រមានអំពីការផាកពិន័យម្ចាស់ទីតាំងជួលស្នាក់នៅដែលពាក់ព័ន្ធនឹងបទល្មើស Scam Online
-
ព័ត៌មាន6 days agoពុទ្ធិកសាកលវិទ្យាល័យសីហមុនីរាជា ពង្រីកធនធានមនុស្សថ្នាក់បរិញ្ញាបត្រជាន់ខ្ពស់ ស្របតាមយុទ្ធសាស្ត្របញ្ចកោណ
-
ព័ត៌មាន1 week agoសម្ដេចធិបតី៖ ការបង្ក្រាបការឆបោកតាមប្រព័ន្ធអនឡាញគឺជាភាពជោគជ័យដែលកំពុងកើនឡើងនៅកម្ពុជា
-
ព័ត៌មាន6 days agoអ្នកនាំពាក្យ៖ បេសកកម្មការទូតរបស់សម្តេចធិបតីនៅអាម៉េរិក និងអឺរ៉ុបផ្សារភ្ជាប់កាតព្វកិច្ចការពារបូរណភាពទឹកដី និងប្រជាពលរដ្ឋ
-
កីឡា1 week agoវិសាខា ឬអឹមអូអាយត្រូវនៅ ឬឡើងតំបន់៦ក្រុមលើគេ (Top 6) នឹងសម្រេចថ្ងៃសៅរ៍នេះ
-
ព័ត៌មាន1 week agoក្រុមការងារក្រសួងធនធានទឹក ចុះពិនិត្យវឌ្ឍនភាពការងារសាងសង់ទំនប់អាងទឹកវិទ្យាស្ថានពហុជំនាញយោធាតេជោសែនក្នុងខេត្តតាកែវ ខណៈសម្រេចការសាងសង់បាន ៩៥%
-
ព័ត៌មាន5 days agoតំណាងដ៏ខ្ពង់ខ្ពស់សម្ដេចធិបតីអញ្ជើញសម្ពោធអាគារសិក្សាថ្មី និងចែកសញ្ញាបត្រដល់សមណនិស្សិត-និស្សិត នៃពុទ្ធិកសាកលវិទ្យាល័យ សម្ដេចអគ្គមហាសេនាបតីតេជោ ហ៊ុន សែន
-
ព័ត៌មាន2 days agoអង្គភាព CMAC ទទួលបានគ្រឿងចក្រកម្ទេចមីនថ្មីទំនើបពីរដ្ឋាភិបាលជប៉ុន